Aposel 20:21 - Nyindrou

²¹ Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Aposel 20:21 Referans Kwoze

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Tarou ta Luk 13:3

Jo katiye tado kamwenen: Bwe! Arile, i buku none ado batubuni ndrine ado bwe, idah kameh, ado amak i le buku aliy.

2 Korin 7:10

Idoh handru, iri maha-an ale Kindrei atehei udu bolo ndrine iri mwan ma badih badeh, ta leheya iri ta tobolowe ndrine iri, ma Kindrei winiyan akohok iri ame ta manyah mwasin. Ma are mwan o badih edek san doh winiyan batikisiy ta aliy ja bwe. Arile, maha-an ma bwilima kameh asahan ta ndrine iri lau badu kon munyak. Idoh kameh edeu imek ili tiri le kabwe.

La-ukei ta Pol atorou ili tiri lau badu kon Rom 10:9

Ya, i buku none ou asehek na bohom eme lewan anya, “Handru, Jises badeh, iy Laban,” ma ou atehei budon tam handru na ndrinem katiye ta Kindrei badeh, mete-ei Jises ta imek handru, idah kameh, iy akohok ou ame hamon.

Aposel 26:18

ta aseh mada iri ilik kanyolom kon ja, ma iri katubuni kona iri kili ta boto-on ta balik, kili hamon ta Kindrei. Kindrei kameh mani kandriyen ndra-in tiri mara-ei, ma iri kameh winiyan akohok kon hawe iri lau nane asahan ndrabun, i san ta iri atehei budon tiri in tek.’ ”

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

1 Jon 5:5

Are lau winiyan sakalawi kandriyen badu kon munyak? Ndramak le atehei budon tan handru in ta Jises, badeh, iy Nadu Kindrei handru.

Aposel 26:20

Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

1 Jon 5:1

Are lau atehei budon boto-on buku Jises badeh, Mesaya, iy badeh nadu Kindrei ari ai; ya are lau aso-ok taman, badeh, iy aso-ok nadun ale.

Pilemon 1:5

Tasah, jo anuhun iri lau rayah ta Kindrei asehek ou i buku doh, ou badeh, ndratehei ndrinem ndrala ta Laban Jises, ma ou ndratehei budon tam handru ndrala tan. Ma ou ale badeh, aso-ok iri lau mwan ma badih ta Kindrei tinan labai.

Epesus 1:15

Jo ndranuhun sahou, ta aha atehei budon taha handru in ta Laban Jises, ma aha badeh, aso-ok iri mwan ma badih ta Kindrei labai.

Galesiya 2:20

Jo mene imek hawe Krais udu bada kei tondreh tan, eme na dah, jo badek ba-en hamon ta so-ok tek le amwenen ja bwai, arile na len dah badeh, Krais manyah udu hawek ma jo edek in hamon ta so-ok tan. Handru, na len dah, jo manyah le na budon tek handru i ta Nadu Kindrei. Tasah, iy le tikisi jo, ma iy le akohok kon tek imek udu ta kei tondreh.

La-ukei ta Pol atorou ili tiri lau badu kon Rom 5:1

Taha ndratehei budon tataha ndra tan ma Kindrei ndraloh taha lau mwasin mara-ei ta madan. Eme ma Laban tataha Jises Krais bwidi ndrokowa Kindrei ma ndrokowa taha badeh, udu mwasin, ma iy bwidi ndrine taha kamunum kudu le hawe Kindrei.

La-ukei ta Pol atorou ili tiri lau badu kon Rom 4:24

Sahou doh badeh, winiyan eme tataha lau ale. Tasah, taha atehei budon tataha mara-ei ta Kindrei le mete-ei Laban tataha Jises eme loken ta imek. Eme ta katin doh, iy winiyan aloh taha lau mwasin mara-ei ta madan.

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

Aposel 17:30

Len bwena mene, Kindrei anyolom lau badeh, bala tanan iy bwe, ya iy batiye iri ta lakou iri amekes laleyah bwe. Arile, na len dah ja, iy batanau lau mari badu heh, badu heh badeh, katubuni ndrine iri.

Tarou ta Mak 6:12

Jises asehek sahou ano, ya oro lau tan au ala atiye sahou tan i tiri lau mwan ma badih. Oro asehek i tiri i buku doh: “Aha katubuni kona aha kili tiri kandriyen ndra-in marakon taha, ma katehei budon taha kili ta Kindrei le ari.”

Tarou ta Mak 1:15

Eme iy tiye i buku doh, “Len ndrasahan ai, ma tondrok ta Kindrei ndrame bakep! Ya ado katubuni ndrine ado ta karei ma lomondra ndra-in tado, ya ado katehei budon tado handru ki ta sahou mwasin.”

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Galesiya 3:22

Arile bwai! Sahou ta Kindrei ndratiye anya lau mwan ma badih badu kon munyak mara-ei badeh, ado bolo kowah ta karei ma lomondra ndra-in. Kindrei le alelei lakou doh asahan tasah, iy anya katehei nyosowan mwasin tan mene iy tandrakan badeh, ki tiri lau heh atehei budon tiri handru in ta Jises Krais.

Galesiya 2:16

Arile ndri-iy ai, ahi tanan labai, ta Kindrei aloh ndramak mwasin mara-ei ta madan badeh, i san ta budon handru le, i ta Jises Krais; ba-en hamon ta batanau malen tiri Juwis, nane leheya kede-eh, bwe. Ma, taha Juwis ale kasahan mwasin ta mada Kindrei i san ta budon handru le in ta Krais Jises, bala san ta a-en hamon ta batanau malen bwe. Tasah, ari ndramak badeh, winiyan bamwenen ta mada Kindrei i buku iy ki-in hamon ta batanau malen asehek, bwe.

1 Korin 1:22

Iri Juwis atehei budon tiri boto-on ta anyolom lahou tinan ma kalem, ya iri Grik badeh, abo gok boto-on ta akohok budon ma tanan mwasin.

La-ukei ta Pol atorou ili tiri lau badu kon Rom 2:4

Ya eme ou abudon anya, “Bolo tikisiy tan tinan labai, ya iy udu le abe-en lau katubuni ndrine iri, ma iy badeu ndramas ndra-in bala tiri suwi bwe. Idah kameh, jo winiyan bala bolo maha-an ta Kindrei bwe.” Sebwe ou abudon kandriyen mwasin tan doh, i buku lakou laleyah nadeh? Ya eme ou baseleyani se bwai, ta tikisiy tan badeh, ta anya katubuni ndrinem ma katiye ou ame hamon ja.

La-ukei ta Pol atorou ili tiri lau badu kon Rom 1:14

Jo anya kedeu saluwe lahou tiri lau mari, ki tiri lau badu Grik ma Grik bwe, ma hawe ki tiri lau ta tanan, ma ki tiri lau tana iri lakou bwe.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 16:31

Eme uru anya, “Ou atehei budon tam handru ki ta Laban, idah kameh koham udu le buku doh ma hawe lowam oro.”

Aposel 10:43

Iri propet badeh, tiye nyalan ale, buku none are lau atehei budon handru in tan badeh, karei ma lomondra ndra-in tan kameh, iy maniy i san ta nyaran.”

Aposel 8:25

Ya uru asehek sasah uru tanan ma ndranyolom udu bada Jises amekes ma asehek sahou ta nyala Laban ano badeh, Pita uru Jon au a hamon ja ala Jerusalem. Ya udu bolo tekedek turu au a hamon badeh, uru atiye sahou mwasin ili kon solo-an badu loboho Samariya.

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Aposel 2:40

Pita asehek sahou batanau i toro ma indrek oro anya, “Ado badeh, katondrok ado kamwenen, kora-on ado kala bolo maha kameh eme la-u iri lau ndra-in ado munyak dah.”

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Tarou ta Jon 3:36

Are lau iy atehei budon tan handru in ta Nadu Kindrei, kohan handru kameh ta udu le buku doh. Are lau iy batehei Nadu Kindrei bado ndrinen bwe, iy kameh winiyan banyolom kohan handru doh bwe, ma losen ta Kindrei kameh udu ndra bwele-en udu gwek.”

Tarou ta Luk 15:10

Idah kameh, i le buku aliy; iri angelo badu kandrah kameh sekesek ado mada Kindrei i buku none, ari ndramak katubuni ndrinen.”

Tarou ta Luk 15:7

Eme Jises anya, “Jo katiye tado kamwenen, idah kameh i le buku aliy; sekesek laba tinan labai kameh udu kandrah i buku none ari ndramak ta karei ma lomondra ndra-in katubuni ndrinen. Sakalawi oro lau ma ndro ronoh ndro ari (99) mene oro anya oro mwasin, arile oro batubuni ndrine oro bwe.

Tarou ta Luk 13:5

Bwe! Jo katiye tado kamwenen. Arile, i buku none ado batubuni ndrine ado bwe le, badeh kameh ado amak i le buku aliy.”

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Kolosi 2:5

Handru, jo bado hawe aha bwe. Arile, ta budon tek mara-ei badeh, i buku jo udu hawe aha, ma jo tikisi aha tinan labai. Arile, jo sekesek ta anuhun aha adek a se ma abo gok mwasin, ma aha atehei budon taha handru in ta Krais.

Aposel 24:24

Len sabe ano iu, eme Peliks hawe udun Ndrusila, ame ta atou Pol. Ndrusila doh, iy badih butuhu Juwis. Peliks eme aloh Pol kili katou iy. Pol eme ili tiye turu ta iri kandriyen ta atehei budon handru in ta Jises Krais.

Aposel 19:17

Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 20:23

Jo le badeh, tanan ta Malawin Ndrabun ndrabatanau jo ta i buku jo ili bolo kon tinan mari, idah kameh, maha-an hawe a bolo kou udu aliy abe-en jo.