Aposel 20:19 - Nyindrou

¹⁹ San solo-an iri Juwis atilik sahou ta anya kanone jo ta bolo lahou jo amekes, eme ma, kandriyen tiri doh bwidi ndrinek maha-an labai, ma jo eden ta aliy san solo-an. Arile, i buku iri atehei nyarak i andri, jo babudon ta aliy bwe, jo amekes le lahou ta Laban.

Aposel 20:19 Referans Kwoze

Kolosi 3:24

Aha ndratanan, hamon kameh Laban edeu ndramas ewek taha. Ndramas doh badeh, iri lakou nane iy ndraleheyaniy ndrala tiri mwan ma badih tan amwenen. Aha kabudon, aha kado buku iri bonyo-ou ta Krais, ma iy le badeh, tinan handru taha.

2 Korin 2:4

Handru, mwena mene jo torowenei la-ukei ramen ewek taha, ma na len doh ndrinek maha-an ma isi, ma jo eden ale. Arile, jo batorou la-ukei doh ta edeu maha-an laleyah ewek taha bwe. Jo anya kaleheya aha buku jo aso-ok aha handru ma jo ibo gok ta aseben aha karuwani kandriyen ndra-in udu ndrokowa aha ki-iu.

La-ukei ta Pol atorou ili tiri lau badu kon Rom 12:11

Ou saliliy ma ou sawoyah ta amekes lahou ta Laban. Arile ou alelei Malawin Ndrabun aseben ou amekes lahou le kili.

Aposel 20:3

Eme iy udu kon tiri Grik doh udu gwek winiya bun taloh. Eme iy alokou iy ta anya kalakak kili Siriya, arile iy anuhun yoyou, ta iri Juwis badeh, atilik nyala iri ta kadi iy. Ma eme iy bala bwai, iy ili hamon ili Masadoniya.

2 Korin 7:5

Ehe, idoh handru. Na len aso ala asahan bada kon tinan Masadoniya, manyah taso bado mwasin bwe. Tasah, maha-an solo-an labai asahan taso. Ma loboho doh ale, iri mwan ma badih rayah ame tebelese hawe aso, ma bwidi ndrine aso inoh.

Jemis 1:2

Ya, ado nadu tine, buku iri none ndra-in solo-an asahan tado, mwasin ta ado kasekesek le.

Pilipai 3:18

I buku jo mene ndrasehek tado ya jo asehek tado ja, ma wa-i madak atekeu, ta ado ka-en hamon le ta kandriyen tek, tasah iri lau solo-an tekedek tiri ndrandra-i labai, ya tekedek tiri turuki iri basahan ta bada kei tondreh ta Krais i borobwar tiri bwe.

Epesus 6:7

Ya, aha badeh, kasekesek le ta amekes gok doh, bala buku aha amekes gok tiri lau le bwe. Aha amekes gok doh ta Laban ale.

Galesiya 1:10

Jo babudon solo-an ta budon tiri mwan ma badih bwe. Buku iri baso-ok jo bwe, jo ari sahou ta aliy bwe le. Jo ndramak ari ta atiye sahou handru, ma jo aso-ok Kindrei le amwenen kasekesek ta gok tek. Buku iri basekesek ta sahou nane jo asehek bwe, ndri-iy ai. Buku jo ndramak ari ta atamar le iri lau, jo winiyan basahan lohowan ta Krais bwe.

2 Korin 3:5

Handru, ahi amwenen winiyan ta amekes gok doh bwe. Eme ma ahi sasehek, sahou tahi amwenen mene bamekes ari lakou bwe. Kindrei le ari badeh aseben ahi, ma bwidi ahi winiyan ta gok.

Aposel 20:31

Ya eme mada ado badeh, kaleu! Ado badeh, ndratanan, na jaha taloh mene jo ndrabatanau ado na ben na len ta aliy. Jo batanau ado ma wa-i madak amou ta tikisiy.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

1 Pita 1:6

Ya, aha badeh, abudon ta lakou doh kameh asahan, ma aha winiyan sekesek labai ta aliy. Handru, na idah badeh, len lawe-en bwe, Kindrei atehei iri maha-an mara-ei doh ewek taha. Arile, aha satehei budon taha sala ta aliy. Kora-on aha karuwani sekesek mwasin nane doh.

1 Tesalonaika 1:9

Tasah, iri mwan ma badih badu bolo kon rakon rakon le badeh, asehek amwenen eme taso, ta nyala lakou marakon asahan udu kala aso mene are hawe aha. Iri asehek eme taso i buku doh: “Iri Tesalonaika marakon badeh, ndratubuni budon ma kona iri ndrala tiri kindrei ta wasai, ma iri ndratehei ndrine iri ndrala le ta Kindrei handru. Tasah, iri ame asahan lau mwan ma badih ta Kindrei, iy kati kohan handru.

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Aposel 27:23

Jo badeh, lau ta Kindrei ma jo badeh, lohowan tan; len marakon jo atehei bwili ndru-uk i andri i tan. Na ben nane iy suni angelo tan ari eme ales ere mirihik tek,

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Tarou ta Luk 19:41

Eme iy edek eme mirihik ta kon tinan Jerusalem, ma iy anyolom badeh, iy eden ndranye Jerusalem.

Rebelesen 7:15

Eme ma, iri mara-ei adeh, ales are mwena ta koyeu ta Kindrei kede-eh, ma atudun iy na ben ma len marakon udu bolo asiu tan tinan. Kindrei manyah udu bada koyeu tan, ma iy atondrok iri marakon ta udu le buku doh.

2 Timoti 1:4

Jo asolom ili ta Kindrei badeh, jo abudon ale ta len mene jo ruwani ou, ma wa-i madam mene iroh en. Eme ma, jo anya kanyolom ou ja, ma jo kameh sekesek labai.

Aposel 17:5

Arile, mada iri Juwis alikis, ya eme iri tukumwi iri lau rayah, budon tiri ndra-in udu bolo ba-en tiye iri ta amekes losen udu bolo kon tinan. Eme iri abotatahan ala asiu ta Jesen takaleh Pol uru Sailas anya kateu uru kame mada iri lau mari.

Aposel 21:27

Eme ma len ma ndro taloh doh, mirihik tiri ta anya kano ai, iri Juwis rayah nane badu loboho kon Esiya anyolom Pol udu bolo asiu tinan ta Kindrei, oro tukumwi lau solo-an badu Juwis, ma iri ala tawi Pol.