Aposel 2:47 - Nyindrou

⁴⁷ ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 2:47 Referans Kwoze

Aposel 16:5

Ma iri lau ta Kindrei abadok ta budon handru tiri ma len mari badeh, kane iri edek i sola.

1 Korin 1:18

Iri sahou ta nyala Krais imek udu bada kei tondreh badeh, ari moson bwe, ta ndranye iri lau ndramai, ma bakohok seben tan bwe. Arile, ta taha lau ndrakohok seben ta Krais, sahou nane doh, boto-on ta Kindrei.

Aposel 2:41

Eme iri lau solo-an badeh, atehei budon tiri handru i ta sahou tan ma anyuwi oro. Ya kane iri lau mari nane doh, i buku none tuluwi (3,000) i bwele-e iri lau rayah na len doh.

Aposel 2:39

Ya tandrakan ta lakou doh badeh, i tado ma hawe i ta nadu ado oro, ma i toro lau badu len. Idoh i toro lau heh Kindrei aloh oro ame hawen.”

La-ukei ta Pol atorou ili tiri lau badu kon Rom 14:18

Ma eme, buku are lau amekes lahou mwasin ta Krais i buku doh kameh Kindrei sekesek tan handru. Ma hawe iri lau kameh asehek anya, “Iy ndramak kede-eh badeh, manyah mwasin handru en.”

Aposel 11:24

Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

Aposel 13:48

Eme na len doh iri lau badu leheleh anuhun sahou doh badeh, iri sekesek ma atudun sahou ta Laban. Eme oro lau le Kindrei ndralebelei oro ta akohok koha oro ta udu le buku doh badeh, atehei budon toro handru i ta Kindrei.

La-ukei ta Pol atorou ili tiri lau badu kon Rom 9:27

Ya, Aisaya mene aloh bohon i tinan ta nyala iri Isra-el anya, “I buku none kane lundriye iri Isra-el kameh asahan solo-an i buku le on badu babi, arile oro sabe le kameh Kindrei akohok ame hamon.

La-ukei ta Pol atorou ili tiri lau badu kon Rom 8:30

Ma Kindrei ale aloh oro are lau ala iy mene ndralebelei oro, ndrado len kameh asahan nadun; oro le don badeh, iy aloh oro mwasin labai ta madan; ma oro le ala iy aloh oro mwasin labai ta madan kameh, iy atudun oro na len eme.

Tarou ta Luk 2:52

Eme Jises badeh, salin i tinan ma hawe tanan tan ale i tinan. Ma Kindrei sekesek tan labai, hawe iri lau ale sekesek tan.

Aposel 4:21

Eme oro kansol nohowa oro abadok le gwek, ma tiye uru au. Oro badeh, winiyan badeu maha-an bala turu bwe, tasah iri lau mari atudun le Kindrei ta lahou tinan mene uru amekes.

Aposel 4:33

Eme oro aposel asehek sahou ta nyala amak eme awas ja ta Laban Jises na boto-on ta Kindrei. Ya eme Kindrei apwai nyosowan badeh, i la-u iri mari.

Tarou ta Luk 19:48

Arile, iri takaleh madasan ta kada iy labwe, tasah iri lau mari badeh, tawi sahou tan.

Aposel 4:4

Arile, iri lau solo-an anuhun sahou turu ma iri atehei budon tiri handru i ta aliy. Ya, eme sebenei iri ma kane iri badeh, i sola asahan lamawa (5,000).

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Aposel 6:7

Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Aposel 9:35

Eme iri lau manyah ado Lida hawe Saron anyolom badeh, ma iri atehei budon tiri handru i ta Laban.

Aposel 11:21

Eme boto-on ta Laban badeh, udu la-u oro, eme lau solo-an badeh, atehei budon tiri handru ma tubuni ndrine iri ja i ta Laban.

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 14:21

Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Aposel 17:12

Eme iri Juwis solo-an atehei budon tiri handru i ta Kindrei ma hawe iri badih rayah ta mwena badu Grik ma hawe iri mwan solo-an badu Grik ale atehei budon tiri handru.