Aposel 2:46 - Nyindrou

⁴⁶ Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Aposel 2:46 Referans Kwoze

Aposel 5:42

Eme len ari buku ari udu bolo asiu lohalak ta Kindrei ma i asiu ra-em i ra-em, oro badeh, baruwani ta leheya ma ta tiye sahou mwasin ta nyala Jises bwe. Oro asehek boto-on labai ta Jises badeh, Mesaya.

Aposel 2:42

Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

Aposel 20:7

Ano na len ma mwena ta wik ari ja badeh, aso atukum ame le se ta abo-os jabi ramen. Tasah, Pol badeh, anya ki-iu na len bi-i, ya iy asehek sahou ili tiri lau ili, ili asahan ndrukulu ben.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

Aposel 16:34

Ano iy andrei uru ala asiu tan mesekei nyamon i nuru. Ma oro lowan mari badeh, sekesek tinan handru, tasah oro badeh, ndratehei budon toro handru ndra-en ta Kindrei.

Kolosi 3:22

Ya, aha bonyo-ou, aha kanuhun boho ndramak taha ta atondrok aha. Kora-on aha abudon ta andrek iri, ma aha amekes gok mwasin labai na len iri are mirihik anyolom aha le. Aha badeh, katudun nyara Laban, ma na len mari aha kabudon le ta iri san ta amekes gok mwasin.

La-ukei ta Pol atorou ili tiri lau badu kon Rom 12:8

Ya, i buku none iy tan ta amekes budon tiri lau kabadok badeh, iy kamekes iri kabadok kudu mwasin. Ya, i buku none iy tan ta anyohan iri na lakou badeh, iy kanyohan na ndrinen handru ma solo-an. Ya, i buku none iy tan ta atondrok badeh, iy katondrok kudu mwasin labai. Ya, i buku none ndramas tan ta tikisiy ma aseben iri lau maha-an udu tiri badeh, iy kaseben iri ma sekesek.

Tarou ta Luk 24:53

Ya eme na len mari badeh, oro are asiu tinan ta Kindrei adeu wurah i tan.

2 Korin 11:3

Arile, jo badeh, inoh. Jo abudon ta balik ibin i mwak, iy tanan mwasin labai ta kandriyen ta wendreya, ma mwena mene iy ndrawendreya Ip. Kora-on kandriyen ndra-in buku doh, kameh asahan taha, ma aha kameh alelei iri rayah wendreya aha, ma budon taha winiyan bado rasi bwe, ma aha kameh mani Krais mara-ei.

Aposel 5:21

Eme na mandraben handru badeh, oro ala bolo asiu tinan ta Kindrei i buku le angelo mene ndrasihidiy toro, ma oro leheya iri lau. Eme tinan tiri pris hawe oro lau badu hawen asahan, eme oro luhi oro kansol ma hawe oro lau-en mari badu Isra-el ame, ya iri atilik nyala iri. Ano oro suni sahou ili bolo kou tiye oro aposel kame kales kado mada oro kansol.

Aposel 3:1

Ya, na mada an taloh na beyeh ari badeh, Pita hawe Jon, uru au ala loken ala asiu tinan ta Kindrei asolom.

Tarou ta Luk 24:30

Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru.

Metiu 6:22

Jises asehek ili le i buku doh, “Mada ado badeh, i buku lomada sun ta atelem bolo oda ado. Ya, i buku none mada ado udu mwasin, ya idah kameh bolo ado mara-ei idih na lomadan.

Epesus 6:5

Aha bonyo-ou badeh, kabudon iri tinan taha, ma ka-en hamon ta sahou tiri. Aha winiyan bawasai bwe. Aha ka-en hamon ta sahou tiri i le buku aha anuhun, ma a-en hamon ta sahou ta Krais.

Tarou ta Luk 11:41

Abo, i buku none ado anya kamekes kandriyen mwasin udu bolon ma konan badeh, ado kanyohan lakou udu bolo bwekei ki tiri lau tiri lakou bwe. Ma idoh kameh ado asahan mwasin.

1 Korin 10:16

Taha adeu wurah i ta bwesam nane taha lau ta Kindrei a-un na aliy, ma ndremenya Laban ta nyosowaniy op. Bwesam le doh tukumwi taha ala se hawe ndraye Krais. Ya, jabi ramen nane taha abo-os ta taha anya kaimon, idoh badeh, tukumwi taha ahis hawe bada Krais.