Aposel 2:42 - Nyindrou

⁴² Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

Aposel 2:42 Referans Kwoze

Hiburu 10:25

Taha samani kandriyen tataha ta atukum taha marakon a le se, ta atudun Kindrei. Taha sala buku iri lau rayah ndramekes, arile taha kabadok ta amekes ndrine iri lau ta Kindrei kudu mwasin. Tasah, taha ndratanan ta len ta Laban anya keme hamon ja badeh, ndrame mirihik.

Aposel 1:14

Oro mari atukum ame se ya oro atehei budon toro i randra le i ta salom. Ma hawe oro badih rayah hawe Mariya tine Jises hawe nadu tine Jises ale udu hawe oro.

1 Jon 1:3

Eme ma aso asehek ewek taha, ta lakou mari aso ndranyolom, ma ndranuhun, ma aha kameh winiyan atudun Kindrei hawe ahi, ma tukum tataha kameh udu hawe tama taha Kindrei uru nadun Jises Krais.

1 Jon 1:7

Arile, buku taha adek bolo lomada sun, i buku le iy, taha badeh, katukum ma ndrine taha kamwenen ta nadu tine taha iri rayah ja, ma ndraye Nadu Kindrei, Jises Krais kameh sikinei kandriyen ndra-in tataha mara-ei iu.

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Aposel 20:7

Ano na len ma mwena ta wik ari ja badeh, aso atukum ame le se ta abo-os jabi ramen. Tasah, Pol badeh, anya ki-iu na len bi-i, ya iy asehek sahou ili tiri lau ili, ili asahan ndrukulu ben.

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.

La-ukei atorou Jut 1:20

Arile, aha nadu tine handru, jo aso-ok aha katehei budon ma hawe ndrine aha kabadok ki-in ta Kindrei. Na bolo len mari aha kasolom kili le ta Kindrei i san ta Malawin Ndrabun.

Kolosi 4:2

Aha badeh, katawiy kihis kandriyen ta salom. Buku aha anya kasolom, aha katondrok, ma aha kadeu wurah kili ta Kindrei.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

2 Timoti 3:14

Arile, Timoti, ou tawiy kihis sahou mene ou ndrandrei, ma ou atehei budon tam ki-in aliy. Tasah, ou ndratanam ta ahi lau mene leheya ou. Ahi leheya ou amwenen ta sahou dah.

Epesus 2:20

Aha asahan buku asiu, Kindrei amekes. Iy mene atah ahi aposel hawe iri propet bwena; ahi asahan buku ndru ta asiu doh. Ya, Krais Jises asahan buku ndru alih ta bwese maha-a asiu marakon doh.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Aposel 6:4

Ya aso badeh, budon taso ki le ta salom ma katiye sahou ta Kindrei.”

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

1 Korin 10:21

Aha winiya ba-un na bwesam ta Laban ma hawe bwesam tiri malawin ndra-in i le rasan bwe. Ma aha ale winiya baimon nyamon bado bada sau ta Laban, ano bada sau tiri malawin ndra-in bwe ale.

La-ukei ta Pol atorou ili tiri lau badu kon Rom 12:12

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

Hiburu 10:39

Ya, taha bala buku iri lau rayah ale ndratobwak ndra-au, ma ndra-au kede-eh, bwe. Arile, taha a buku le iri lau atehei budon tiri in ta Kindrei, idah kameh taha winiyan bamak bwe, ma taha kameh ta are le buku doh.

Aposel 11:23

Ya eme na len iy isos badeh, iy sekesek tasah iy anyolom Kindrei atehei nyosowan i tiri, ma iy tiye iri mari kado handru le ta Laban na ndrine iri mari.

1 Korin 11:2

Jo atudun aha labai, tasah len marakon badeh, aha abudon jo le ai, ma aha a-en hamon ta leheya jo ndratehei ndrawek taha.

Aposel 20:11

Ano iy ili bolo asiu loken abo-os jabi ramen ma aimon ai. Iy asehek sahou ili winiya boho len, ano iy iu.

1 Jon 2:19

Bwena iri lau doh badu hawe taha, ya idah iri ndraruwani taha. Idoh ndraleheyaniy, iri lau doh badu hawe taha bwe. Ki buku none iri lau tataha handru eh, iri kameh winiyan baruwani taha bwe. Arile, iri ndraruwani taha, ya aha ndratanan, iri lau doh badeh, badu hawe taha bwe.

Galesiya 1:6

Aden! Manik badeh, atur labai ta kandriyen aha amekes. Tasah, aha badeh, a-en hamon ta kandriyen mwasin ta Jises nane dah, ma se nawin bwe, aha anya karuwani Kindrei, ta a-en hamon ta kandriyen randrah ja. Ta tikisiy ta Krais le badeh, Kindrei luhi aha ame asahan lau tan. Arile, kandriyen nane aha abudon ta a-en hamon ta aliy badeh, bado se hawe sahou mwasin tan handru bwe.

Aposel 4:23

Eme oro tiye uru ame len badeh, ala hawe oro lau turu amwenen, ma asehek nyala oro ta lakou mari, oro tinan tiri pris hawe oro lau-en tiye i turu.

Tarou ta Luk 24:35

Ano, uru asehek nyala oro ta lakou mene asahan san hawe uru, ma hawe asehek ta uru seleyani iy badeh, udu ta iy abo-os jabi ramen.

Tarou ta Luk 24:30

Eme Jises manyah hawe uru udu andri ndrahu nyamon badeh, andrei jabi ramen ma edeu wurah i ta aliy. Ano iy boso-ei ma edeu i nuru.

1 Korin 14:6

Aha nadu tine, ma aha kawas tek, aha kabudon bolo iri sahou doh kamwenen: Jo winiyan ewek hawe aha ma jo winiya asehek boho kon rakon ja. Arile, buku jo basehek taha ta iri sahou rayah ta Kindrei, iy nane leheya eme tek, o, i buku jo badeu taha iri tanan mwasin bwe, o, jo basehek sahou ta Kindrei bwe, o, jo baleheya aha ta moso sahou ta Kindrei bwe, ya, barala buku sah kameh jo kaseben aha?

Pilipai 1:5

tasah ta madasan ta, ado badeh, sebenei jo laba tinan labai ta atiye sahou ta nyala Jises Krais. Ado amekes udu ndra bada katin, na len ado atehei budon handru tado i ta sahou mwasin ta nyala Jises Krais eme, eme taku na len dah.