Aposel 2:40 - Nyindrou

⁴⁰ Pita asehek sahou batanau i toro ma indrek oro anya, “Ado badeh, katondrok ado kamwenen, kora-on ado kala bolo maha kameh eme la-u iri lau ndra-in ado munyak dah.”

Aposel 2:40 Referans Kwoze

Pilipai 2:15

Eme iri lau winiyan basehek ado bwe, ma idah kameh lomondra tado asahan mwasin labai. Eme ado nadu Kindrei, kandriyen tado ki mwasin labai kanya i buku ndrau anya kudu bolo ndrokowa iri lau ta amekes kandriyen ndra-in labai katou.

1 Timoti 4:16

Balem ki tam kamwenen ma balem ki ta sahou ou leheya. Ou saruwaniy labai; tasah lakou ou amekes badeh, winiyan sebenei koha iri are anuhun sahou, ma winiyan sebenei ou ale.

Epesus 4:17

Ta nyara Laban, jo anya kabatanau aha ki buku doh: Aha sa-en hamon ja, ta kandriyen tiri mwan ma badih badu kon munyak, iri tanan Kindrei bwe. Budon tiri badeh, ari katin bwe.

2 Korin 6:17

Eme ma, Laban tiye taha lau mwan ma badih tan amwenen, “Aha badeh, karuwani iri lau, tana iri Kindrei bwe. Ma aha sa-en hamon ta kandriyen tiri. Ma aha kare ndralen ta kandriyen ndra-in. Eme ma, jo kameh sekesek tinan labai ta akohok aha ame ado hawek.” Aisaya 52:11; Isikiyel 20:34, 41

Metiu 17:17

Eme Jises asehek sahou i buku doh, “Ado lau mwan ma badih batehei budon handru bwe, budon ma kandriyen tado bamwenen bwe. Len sabe kameh jo kereu hawe ado, ano ado barala tanan boto-on ta Kindrei? Ado katiyani nah badeh, keme hawek.”

Metiu 16:4

Iri lau mwan ma badih ta len dah badeh, lau ndra-in handru, ma iri batehei ndrine iri handru bala ta Kindrei bwe. Iri ndremenya ta anya katou kalem, arile winiyan bwai. Kalem ari le kameh iri atou, kalem ta Jona.” Eme ma Jises ruwani iri ma iy iu.

Galesiya 5:3

Tasah, jo tiye sahou ndraleu ndrawek taha! Buku aha a-en hamon ta ari batanau malen badu Juwis, i buku ta asan ku-i aha, badeh, aha ka-en hamon ta batanau malen mara-ei tiri Juwis ale.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Metiu 23:33

“Ado mwak ndra-in. Kindrei kameh atehei ado ala ta mada sahou, ma ado kameh ala bolo jih. Ya ado kasahan kamwenen ki buku sah handru?

1 Pita 5:12

Sailas badeh, iy nadu tine ari ai. Iy badeh, aseben jo ta atorou sahou tek in bolo la-ukei mo-on dah. Eme ma jo atehei ewek taha. In bolo la ukei dah, jo anya kaliu budon taha keme loken, ma jo asehek sahou handru ewek taha. Sahou jo atorou, hawe budon aha tawiy badeh, asahan ta tikisiy ta Kindrei nane, ma hawe kandriyen mwasin, iy amekes ewek taha. Eme ma, aha kales boto-on ta aliy.

1 Tesalonaika 2:11

Ma aha tanan, kandriyen mwasin tama nah amekes ili ta nadun. Aso badeh, amekes i buku le aliy ili taha ari, ari.

2 Korin 5:20

Eme ma, ahi akohok boho Krais ma atiye sahou tan. Idoh, i buku Kindrei le amwenen aloh ili tiri lau na boho ahi. Ahi badeh, asehek sahou ta Krais amwenen ili tiri mwan ma badih, ma tiye tiri i buku doh: “Mwasin ta aha karuwani kandriyen ta bahun ma aha kasahan kawas ta Kindrei.”

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Tarou ta Luk 21:36

Arile, na len mari, mada ado kaleu hawe ado kasolom, eme ya ado winiyan ales boto-on ma ado winiyan teleyani lakou doh kameh asahan. Ma hawe ado winiyan ales are mada Nadu Ndramak Awas.”

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Tarou ta Jon 21:25

Jises amekes iri lakou rayah solo-an, arile jo batorowenei iri bala andri bwe. Buku katorowenei iri marakon ari, ari kili andri, jo anya kon munyak kameh winiya bala winiyan bwe, buku katorowenei marakon.

Aposel 20:11

Ano iy ili bolo asiu loken abo-os jabi ramen ma aimon ai. Iy asehek sahou ili winiya boho len, ano iy iu.

Aposel 20:9

Eme ya ndramak loweu ari nyaran Yutikus manyah udu mada kadam. Iy anuhun Pol asehek sahou ili, ili, ya madan ndrundrun ili, ili, ma iy amadin tuk ili, ano ma iy taku udu loken eme andri. Eme iri anya kasuri iy badeh, iy ndramak.

Aposel 20:2

Iy edek loboho doh badeh, iy asehek sahou ta batanau iri lau ili ili, ma iy isos kon munyak tinan tiri Grik.

Aposel 15:32

Ya eme Judas uru Sailas badeh, propet ale, eme uru asehek sahou nyarahan labai, ta amekes iri nadu tine uru kabadok ale.

Aposel 10:42

Iy badeh, batanau boto-on labai ta aso katiye sahou kili tiri lau mari ma katiye, iy le badeh, Kindrei atehei lahou i tan ta aleben sahou tiri lau ndramak bwena, ma hawe iri lau ma mulin kahis.

Metiu 12:34

Idoh buku le aha Parasi. Aha lau buku le mwak ndra-in, ya aha winiyan bamekes sahou mwasin na boho aha bwe. Tasah, boho ndramak badeh, asehek iri budon solo-an ale idih ereu bolo ndrinen amwenen.

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)