Aposel 2:39 - Nyindrou

³⁹ Ya tandrakan ta lakou doh badeh, i tado ma hawe i ta nadu ado oro, ma i toro lau badu len. Idoh i toro lau heh Kindrei aloh oro ame hawen.”

Aposel 2:39 Referans Kwoze

La-ukei ta Pol atorou ili tiri lau badu kon Rom 8:30

Ma Kindrei ale aloh oro are lau ala iy mene ndralebelei oro, ndrado len kameh asahan nadun; oro le don badeh, iy aloh oro mwasin labai ta madan; ma oro le ala iy aloh oro mwasin labai ta madan kameh, iy atudun oro na len eme.

Epesus 4:4

Taha lau ta Kindrei i buku bada taha ari le, ma Malawin Ndrabun ari le udu aliy. Ma udu aliy ale lakou ari laba tinan taha marakon atondrok ta akohok udu kandrah. Lakou doh, Kindrei aloh taha ta akohok hawe iri mwan ma badih tan.

Aposel 15:8

Eme ya Kindrei badeh, tanan ndrine iri ma leheyani iy aseken iri i san ta iy atehei Malawin Ndrabun i tiri, i buku none iy amekes eme tato mene.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

Rebelesen 19:9

Ano angelo eme asehek tek i buku doh, “Ou torowenei ki buku doh: Are lau, iri aloh iri ta ala ta nyamon tinan ta tasou ta Nadu Sipsip, nyosowa Kindrei udu la-u iri ma iri mara-ei badeh, kasekesek!” Angelo eme asehek ja, “Iri sahou dah badeh, sahou handru ta Kindrei.”

2 Pita 1:3

Jises Krais badeh, Kindrei tataha. Eme iy aloh taha, ta taha ka-en hamon ta kandriyen tan, ma taha kadih na lomadan. Eme ma, taha atanan iy, ta iy badeh, mwasin labai. Handru, na boto-on tan le, iy edeu iri lakou mari ndrame tataha, ta taha winiyan manyah ado mwasin, ma taha winiyan amekes iri kandriyen iy aso-ok.

Hiburu 9:15

Ta katin le doh, Jises ere le alih ta amekes sahou randra le ha-un doh abadok. Iy ndramak ta akunoh taha lau ame hamon ja, ma tolowei iri ndra-in marakon iri mene amekes mwena udu ndra bada sahou randra le ma bwena mene udu aliy kahis. Iy amekes tiri le lau nane Kindrei aloh iri, ta iri winiyan an hamon tan, ma ta iri winiyan akohok kohan doh mwena mene Kindrei tiye ta edeu ili ta nadun iri, ma ta iri kameh are mwasin ta udu le buku doh.

Rebelesen 17:14

Oro kameh amekes bahun hawe Nadu Sipsip ta Kindrei. Arile, Nadu Sipsip ta Kindrei kameh kimidi iri mara-ei ano. Iy badeh, Laban tiri Laban ma kabin tiri kabin mara-ei. Ma iri mwan ma badih are hawen, iri lau doh badeh, iri mene anuhun sahou mwasin, ma iri lau iy mene edeu kalem i tiri, ma iri a-en hamon ta sahou tan, iri mwan ma badih marakon doh, hawe Nadu Sipsip ta Kindrei kameh adai iri lau marakon nane amekes bahun hawen ano mara-ei.”

2 Pita 1:10

Eme ya ado nadu tine badu hawek ta budon handru, ado badeh, sala buku oro doh. Arile, ado tanan Jises tiye ado badeh, badu hawen. Eme ma, ado katawi tanan doh kihis, ma kaleheya udu bolo ado keme lewan. Ya eme, i buku none ado amekes iri lakou doh, idah kameh ado winiyan bataku bwe.

2 Timoti 1:9

Kindrei luhi taha, ma iy andrei taha ndrame hamon, ma tondrohon taha asahan lau tan amwenen. Iy babudon ta kandriyen mwasin taha amekes, ma iy akohok taha ame hamon ma tondrohon taha asahan lau tan, bwe. Iy le amwenen abudon ta amekes lakou doh. Ndra bwena handru Kindrei babwidi munyak bwe le, iy abudon ta gok Jises anya kamekes, ma ta doh le iy badeh, tikisi taha, ma iy tondrohon taha ta asahan lau tan.

Epesus 1:18

Jo asolom ta iy kameh katehei sun kanya kudu ta budon taha. Eme ma, aha kameh winiyan atanan ta ndramak ta seben nane, iy aloh aha katehei budon kihis ki-in tan, ma aha kasekesek le ta atondrok iy. Ya, ma aha kameh winiyan atanan iri lakou, Kindrei ndraleheyani ta amekes ewek taha, idoh mwasin labai.

La-ukei ta Pol atorou ili tiri lau badu kon Rom 11:29

Tasah, Kindrei winiyan bapwai tandrakan tan mene iy amekes i tiri lau tan iy aloh iri ma atehei nyosowan i la-u iri, bwe.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

1 Korin 7:14

Tasah, aha tanan, buku are lau mwan iy batehei budon tan ba-en ta Krais bwe, arile, iy i tasou, ma iy ili udu hawe badih ta Kindrei; ta idoh, iy mwan kameh asahan mwasin ta budon ta Kindrei. Ya, buku are badih batehei budon tan ba-en ta Krais bwe, arile, iy i tasou, ma ili udu hawe mwan ta Kindrei; ta idoh, iy badih ale kameh asahan mwasin ta budon ta Kindrei. I buku bwe eh, nadu uru kameh asahan buku iri lau tana iri ta atudun Kindrei bwe. Arile, idah nadu uru ale ndrasahan mwasin ta budon ta Kindrei.

2 Tesalonaika 1:11

Aso abudon ta lakou dah kameh asahan na len ta Krais eme munyak ja, eme ma len marakon aso amekes salom ili ta Kindrei tataha, ta iy kameh kaseben aha. Aso abudon aha ta len mene aha a-en hamon ta Kindrei, ma iy ariu aha ta sahou mwasin ta Krais. Eme ma, aso asalom ta iy amwenen kabwidi aha winiyan ta ala bolo kandriyen mene iy ndratandrakan aha ta amekes. Ma aso ale asolom i ta Kindrei, iy kedeu boto-on kewek taha, ma aha winiyan amekes iri kandriyen mwasin marakon aha anya kamekes. Handru, aha winiyan amekes iri gok marakon aha atehei budon handru in ta Krais, aha anya kamekes.

La-ukei ta Pol atorou ili tiri lau badu kon Rom 9:24

Ma taha dah ale, taha lau mene iy aloh taha a buku kun ta akohok tikisiy tan. Taha rayah badu bolo iri Juwis ma rayah badu bolo iri lau badu leheleh.

La-ukei ta Pol atorou ili tiri lau badu kon Rom 9:4

Iri badeh, lau tan amwenen, lau badu Isra-el. Iri mene batehei budon tiri ba-en tan bwe, arile iy mene mesekei iri asahan nadun ta nyo-ou, ma edeu lomadan ma boto-on tan mwasin i tiri. Iy mene amekes sahou randra le ma hawe edeu batanau malen, ma hawe leheya san ta asalom ma atudun handru udu bolo asiu tinan tan. Iy amekes iri lakou mwasin doh i tiri hawe edeu tandrakan i tiri.

Aposel 15:14

Saimon mene ndrasehek ndraleu ndrame ta taha, ta ma mwena Kindrei leheya tikisiy tan i tiri lau badu leheleh. Ma iy le kuhi oro lau badu bolo iri eme len, ma asahan lau tan amwenen.

Aposel 15:3

Ya eme iri lau ta Kindrei badeh, suni uru au. Ya udu bolo tekedek turu badeh, uru ala bolo kon Ponisiya ma bolo kon Samariya asehek nyala iri ta iri lau badu leheleh badeh, ndratubuni ndrine iri ta kandriyen ndra-in. Eme sahou mwasin doh badeh mesekei iri lau ta budon handru sekesek laba tinan labai.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 10:45

Eme ma iri Juwis ta asan ku-i iri, atehei budon tiri in ta Jises, ado hawe Pita badeh, boho iri asak ta Malawin Ndrabun amou laleyah i tiri lau badu leheleh ale.

Epesus 2:12

Bolo len doh badeh, aha bahis hawe Krais bwe le. Aha are ndra len labai tiri lau badu Isra-el, iri lau mene Kindrei atehei iri kasahan lau tan amwenen. Iy edeu sahou randra le ili tiri, ta iy kameh nyosowani iri, buku bwena mene iy ndrasehek. Arile, aha are ndra manan ta lakou doh. Handru, aha ado ndra kon munyak dah, arile aha batondrok Kindrei ta akohok aha bwe. Tasah, aha bala tanan sahou randra le ta Kindrei ma tandrakan tan bwe.