Aposel 2:27 - Nyindrou

²⁷ Tasah, ou winiyan baruwani jo bamak bado bolo munyak dah bwe. Ma ou winiyan baruwani bada lau tam mwasin labai sabola sado bolo lek.

Aposel 2:27 Referans Kwoze

Aposel 2:31

Debit ndratanan ta lakou doh, Kindrei anya kamekes hamon, ma iy ndratanan Krais nane, iy kamak udu bolo lek tan keme awas ja. Eme ma iy tiye i buku doh, Kindrei kameh winiyan baruwani iy bado ndrahune iri lau amak ado aliy bwe, ma badan kameh winiyan babola bwe.

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

Rebelesen 20:13

Ano, jo anyolom iri lau mene amak bwena badeh, ado bolo ndras hawe iri lau badu kon ta lau mene ndramak ndrasu-u are aliy, iri ari ari ala ales are madan. Ma iri akohok maha-an badeh, in hamon le ta kandriyen, iri amekes.

1 Korin 15:55

“Ya ou, kandriyen ta imek, boto-on tam ta atik iri lau mene, ndraheh?” Hoseya 13:14

1 Korin 15:52

Idoh kameh asahan suwi labai udu bolo len ta ndrah ari eden in hamon handru. Handru, ndrah nane kameh eden, ma iri lau ndramak ndra bwena, iri marakon kameh amak ame awas ja. Ya iri kameh winiyan bandra-i ja bwe. Ya taha lau ale bamak bwe le, Kindrei kameh tubuni taha ili randrah labai ja.

Tarou ta Jon 11:39

Jises tiye i tiri, “Aha katundruwi bek udu mada lek kede-eh ki-iu kili len.” Mata nadu tine ndramak nane imek asehek sahou i buku doh, “Laban, manahun ndrala, iy udu bolo lek badeh len hahuw ai.”

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

1 Jon 2:20

Arile, Krais ndrasolowei Malawin Ndrabun ndrawek la-u aha, ma aha mari ndratanan sahou handru.

Tarou ta Luk 4:34

“Ei! Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei!”

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Tarou ta Mak 1:24

Eme iy aloh, “Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei.”

Metiu 11:23

“Ya aha lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy. Tasah, buku none iri lau kala kon Sodom ma kamekes iri lahou tinan buku none jo amekes ereu ndrokowa ado dah, sebwe Sodom ereu kede-eh kahis le nadeh!

Jona 2:6

Jo badeh iu ili andri kati iri mandrei marakon udu bolo ndras. Budon tek badeh anya, jo kameh erah udu gwek. Arile Laban, ou Kindrei tek handru. Ou andrei kohak eme hamon ja.

Aposel 4:27

Idoh mene handru, Herot hawe Pontiyus Pailat atukum a hawe iri lau badu leheleh ma hawe iri lau badu Isra-el, badu bolo kon tinan dah amekes budon ta adai Jises. Iy badeh, lohowan tam ndrabun ou mene suni iy eme ta amekes gok tam.

Aposel 3:14

Aha tubuni kona aha i ta iy ndramak mwasin labai doh, iy bamekes ari kandriyen ndra-in bwe. Iy irek na iri kandriyen mwasin le. Aha bwale aha ta Pailat tolowei Jises. Aha tiye Pailat tolowei iy ndramak ta adi ndramak.

Tarou ta Luk 16:23

Eme udu bolo jih kodo-oh badeh, odan isi, ma iy anyolom i len badeh, iy atou Lasarus manyah udu ka-u Abraham.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Aposel 2:26

Eme bwidi ndrinek sekesek ma jo asehek ta aliy, Ma jo ale atondrok ta lakou mwasin handru kameh asahan hamon.

Aposel 2:28

Ou badeh, ndraleheyani jo ta san mwasin ta akohok kohak handru ta udu le buku doh. Ou kameh ado hawek ma atehei sekesek tinan labai eme tek.’ Wari 16:8-11