Aposel 2:24 - Nyindrou

²⁴ Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.

Aposel 2:24 Referans Kwoze

1 Korin 6:14

Na le boto-on ta Kindrei, iy mete-ei Laban udu bolo lek tan eme loken ja. Ma iy kameh mete-ei taha ale.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Kolosi 2:12

Na len ta alomwa aha badeh, i buku aha ndramak hawe Krais, ma Kindrei ihi aha ala bolo lek hawe Krais. Aha atehei budon taha handru in ta boto-on ta Kindrei, iy mene mete-ei Krais udu bolo lek. Eme ma, na budon taha handru doh, iy mete-ei aha ame hamon ame awas hawe Krais.

Aposel 2:32

Kindrei badeh, mete-ei Jises amak eme awas ta imek. Eme ya aso dah badeh, asehek nyala lakou handru mene asahan.

Epesus 1:20

Iy ndramak, ma na boto-on tan doh Kindrei mete-ei iy, ma atehei iy ili ere loken labai mirihik ta boto-on tan udu kandrah.

Tarou ta Jon 10:18

Ari ndramak winiyan bandrei kohak ba-au bwe. Na tanan ma budon tek le amwenen jo edeu kohak iu. Boto-on ta adeu ma boto-on ta akohok eme hamon badeh, tek amwenen. Sahou batanau dah jo akohok badu mine tama amwenen.”

2 Korin 4:14

Tasah ahi badeh, ndratanan, Kindrei mene mete-ei Laban Jises imek udu bolo lek eme awas ja. Eme ma, iy kameh mete-ei ahi ale hawe Jises, ma tiyani ahi hawe aha ala kandrah, ma ado hawen.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

La-ukei ta Pol atorou ili tiri lau badu kon Rom 6:4

Handru, na alomwa taha badeh, taha a bolo imek ta Krais, eme ya, Kindrei ihi taha ala hawen i san ta alomwa taha a bolo imek tan. Eme ya, i buku none Krais mene amak eme loken ta imek tan i san ta boto-on ta taman, ma eme taha ale winiyan manyah ado bolo manyah ha-un.

Hiburu 13:20

Kindrei mene mete-ei Laban tataha Jises. Eme ma iy asahan ndramak mwasin labai ta atondrok taha mwan ma badih buku sipsip. Tasah, ta ndrayen mene amou, eme iy tutuniy ma bwidi sahou randra le doh abadok ta ere le buku doh. Kindrei badeh, kati manyah mwasin tataha. Eme ma, jo aso-ok iy katehei iri kandriyen mwasin mari doh kewek taha, ta aha ka-en hamon ta tanan tan. Ma jo aso-ok, iy kaleheya kandriyen mari kasahan bolo taha, buku iy amwenen aso-ok. Kandriyen doh asahan ta Jises Krais, iy amwenen aseben taha ta amekes. Taha katudun ma kamasiye nyaran kudu le buku doh. Handru!

1 Tesalonaika 1:10

Eme ma, iri atondrok Nadu Kindrei udu kandrah kameh eme akohok iri ame hamon ja.” Nadun doh mene imek, arile taman Kindrei mete-ei iy amak eme awas ja. Iy ndramak nane doh, Jises, iy le kameh talou taha ame len ta losen ta Kindrei kameh asahan tiri lau marakon nane amekes kandriyen ndra-in.

La-ukei ta Pol atorou ili tiri lau badu kon Rom 10:9

Ya, i buku none ou asehek na bohom eme lewan anya, “Handru, Jises badeh, iy Laban,” ma ou atehei budon tam handru na ndrinem katiye ta Kindrei badeh, mete-ei Jises ta imek handru, idah kameh, iy akohok ou ame hamon.

La-ukei ta Pol atorou ili tiri lau badu kon Rom 4:24

Sahou doh badeh, winiyan eme tataha lau ale. Tasah, taha atehei budon tataha mara-ei ta Kindrei le mete-ei Laban tataha Jises eme loken ta imek. Eme ta katin doh, iy winiyan aloh taha lau mwasin mara-ei ta madan.

Aposel 17:31

Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

Aposel 13:30

Arile, Kindrei suri iy udu lek amak eme loken ja.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Galesiya 1:1

Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

Aposel 3:26

Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”

1 Korin 15:15

Anya i buku aliy eh, ahi ndrasahan buku iri lau ta asehek sahou wendreya ta iri lakou ale Kindrei amekes. Tasah, ahi ndrasihidi sahou mari ndrame lewan tiri lau, i buku Kindrei mene mete-ei Krais imek udu bolo lek tan amak eme awas ja. Arile, buku idoh i handru, ta Kindrei winiyan bamak lau mene ndramak bwena bwe, iy badeh, ale bamete-ei Krais bwe.

Aposel 13:37

Arile, iy ndramak ala Kindrei suri iy eme loken ta imek tan badeh, babola bwe.

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Tarou ta Jon 20:9

(Na len doh badeh, aso bala tanan ta buk ndrabun asehek ta Jises kameh amak ja bwe.)

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

1 Korin 15:12

I buku ahi aposel atiye iri sahou mwasin ta nyala Krais imek ano iy amak eme awas ja, buku sah handru lau rayah ado bolo aha asehek anya, iri lau marakon ndramak ndra bwena, iri winiya bamak bame awas ja bwe?

La-ukei ta Pol atorou ili tiri lau badu kon Rom 14:9

Ya eme ta katin le doh, Krais mene imek, ano iy amak ja, ta iy kasahan Laban ma katondrok lau ndramak ndrasu-u hawe lau bamak bwe.

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

Tarou ta Jon 12:39

Iri winiyan batehei budon tiri bala ta Jises bwe, tasah propet Aisaya ndrasehek:

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Metiu 27:63

Oro tiye tan buku doh, “Tinan, aso bwetenei sahou ari ndramak ta wasai kede-eh mene asehek kala iy mene ereu loken kahis le, iy anya, ‘Hamon ta len taloh, jo kameh amak eme loken ja.’

Tarou ta Jon 10:35

Bwena mene Kindrei asehek sahou dah ili tiri lau, iy tiye tiri ta iri ndra kindrei. Aha ndranuhun, sahou udu bolo buk ndrabun ta Kindrei kameh udu le buku doh, winiyan bano bwe.

Aposel 1:16

ma iy tiye anya, “Ado nadu tine mwan ma badih, sahou ta Kindrei mwena mene Malawin Ndrabun mene ndratiye udu boho Debit tiye nyala Judas mene udu bwena tiri eme ateu Jises badeh, ndrasahan handru.

Aposel 5:30

Kindrei ta tama aso mene mete-ei Jises udu ta imek eme loken. Iy mene ado adai iy imek udu bada kei tondreh.

1 Korin 15:4

Iri ahi iy ili andri bolo lek; udu bolo len ma taloh ano Kindrei mete-ei iy ja. Idoh le buku sahou udu bolo buk ndrabun ta Kindrei asehek.

1 Korin 15:20

Arile, bala buku doh bwe. Krais ndramak, ma idoh handru, Kindrei mene mete-ei iy eme hamon eme awas ja. Iy amak ere bwena labai ta lau marakon mene ndramak bwena, i buku nyamon badu bilin uni ma bwena. Idoh ale leheya iri mwan ma badih atehei budon tiri handru in ta Krais, iri ale kameh amak ame awas ja.