Aposel 2:23 - Nyindrou

²³ Bwena mene Kindrei ndratanan iri lakou kameh asahan hamon, ma iy bwidi iri lakou asahan na le tanan ma seken tan. Eme ma, ado badeh, atehei iy i mine iri lau ndra-in, ma iri atahi iy imek i bada kei tondreh.

Aposel 2:23 Referans Kwoze

Tarou ta Luk 22:22

Nadu Ndramak Awas kameh imek, ya sahou ta aliy bwai. Idoh in hamon ta seken ta Kindrei le. Arile sisi-in laba tinan kameh i bwele-e ndramak iy ale atehei iy ili mine iri lau ndra-in.”

Aposel 4:28

Oro amekes doh badeh, in hamon le ta budon ma seken tam, ou ndrasehek.

Aposel 3:18

Arile, sahou mene Kindrei atehei i kani iri propet mari asehek badeh, i buku doh: Krais kameh bwese isi. Ma na kandriyen aha amekes i tan, Kindrei bwidi sahou tiri propet tan i handru.

Jenesis 50:20

Ado badeh amwekes kandriyen ndra-in eme tek, arile Kindrei badeh mwesekei asahan mwasin labai ta aseben lau mari are kede-eh, ma iri mari bamak bwe.

1 Pita 1:20

Bwena mene Kindrei babwidi kon munyak dah bwe le badeh, iy ndranyowonyani Jises Krais ta amekes gok ta akunoh taha ame hamon. Ya, na len dah, Kindrei ndraleheyani iy ndrame lewan udu kala iy mene imek ereu bada kei tondreh ereu mada lau mari. Iy imek ta aseben taha lau mara-ei badu munyak.

Aposel 13:27

Iri lau badu Jerusalem, ma hawe lau ta atondrok iri badeh, maliye seben tiri Jises, Kindrei nane suni iy eme ta aseben taha, bwe. Iri babudon sahou tiri propet, iri anuhun na bolo len ta amunyau mari bamwenen bwe. Eme ma iri tiye iy kimek. Ya, ta sahou doh, iri amekes sahou mene tiri propet asehek asahan handru.

Metiu 26:24

Nadu Ndramak Awas kameh imek i buku le tarou mene ndratorowenei ta nyalan. Arile sisi-in laba tinan kameh i bwele-e ndramak iy ale atehei Nadu Ndramak Awas ili mine iri lau ndra-in, sebwe mwasin tinen mene satuwi iy, ndri-iy!”

La-ukei ta Pol atorou ili tiri lau badu kon Rom 4:17

I buku ndratorowenei mene, “Jo badeh, mesekei ou kameh a tama iri kon munyak mari.” Jenesis 17:5 Iy badeh, i tama taha mari udu mada Kindrei anyolom, tasah iy atehei budon tan handru in ta Kindrei. Iy badeh, Kindrei ta amak lau amak ame loken ja, ma iy ale Kindrei ta tiye sahou le badeh, lakou asahan.

Aposel 5:30

Kindrei ta tama aso mene mete-ei Jises udu ta imek eme loken. Iy mene ado adai iy imek udu bada kei tondreh.

Rebelesen 13:8

Iri lau mara-ei badu kon munyak ale, nyara iri bado bolo buk ta Kindrei bwe, udu ndra bada len Kindrei mene amekes kon munyak, iri mara-ei doh kameh winiyan bakohok kohan handru bwe, arile iri kameh atudun nyara nyabwe ndras nane. Buk doh badeh, buk ta ndramak konen i buku Nadu Sipsip ta Kindrei, bwena mene iri lau adai iy imek.

La-ukei atorou Jut 1:4

Lau rayah badu lulik badeh, ndratobwak ndrame bolo taha lau ta Kindrei, taha tanan iri bwe. Iri propet bwena mene atorou nyala iri lau doh kameh ales are ta mada sahou ta Kindrei ta ndra-in tiri. Iri badeh, tebelese ma tubuni tikisiy ta Kindrei i buku kandriyen ta karei. Iri ale badeh, baso-ok Jises Krais, Laban tataha ari le doh bala buku tinan tiri bwe.

1 Pita 1:2

Ma mwena handru badeh, Kindrei tama taha, iy ndratanan aha, ma iy ndramesekei aha ndrasahan iri lau tan handru. Malawin Ndrabun ndrasebenei aha ta adeu koha aha mari i ta Kindrei, ma bwidi aha ndrasahan randrah labai ja. Ya aha winiyan an hamon ta sahou handru ta Jises Krais. Ya iy kameh winiyan sikine kandriyen ndra-in taha na ndraye Jises mene amou udu bada kei tondreh. Jo aso-ok Kindrei badeh, kabwidi ndrine aha kamwenen ma kudu le kudu mara-ei.

Aposel 15:18

Ya eme Laban amekes lakou mari dah, mene lau ndratanan ndra bwena ndra-au ndra-au.’ ” Amos 9:11-12

Tarou ta Luk 24:20

Eme ya iri tinan tiri pris tahi, ma hawe iri lau ta atondrok ahi, atehei iy ili mine iri lau ta bahun badu Rom, ma atahi iy i bada kei tondreh.

Tarou ta Luk 22:37

Sahou mene ndratorowenei anya; ‘Iri lau badeh, ondrek jo ale udu mada sahou, hawe iri lau ndra-in.’ Aisaya 53:12 Ya eme, jo katiye tado kamwenen, lakou doh kameh asahan handru eme badak. Handru labai sahou mene ndratorowenei asehek ta nyalak, ndrame bakep handru.”

Aposel 7:52

Are propet asahan bwena mene, ya tama aha oro mene badai iy bwe? Oro mene adai iri propet mene asehek ta nyala ndramak mwasin handru kameh barasahan. Ya eme na dah, iy ndrame, arile aha badeh, atehei sa-oh ma adai iy imek.

Tarou ta Jon 19:24

Iri asehek ili tiri ari, ari, “To satarani awin tan mwasin dah, to kamekes laki ta aliy. To kanyolom are handru kameh andrei.” Lakou nane dah bwidiy amwenen ta sahou udu bolo buk ndrabun asahan handru, “Iri andromwei iri awin tek ili le winiya iri. Iri amekes nyorei laki ta awin tek.” Wari 22:18 Iri kandriyen marakon nane doh, iri lau ta bahun amekes.

1 Pita 2:8

Ya buk ndrabun asehek ja, “Bek doh kameh tono-ei kati iri lau, ma iy kameh amekes lau taku ereu san.” Aisaya 8:14 Iri taku, tasah iri batehei budon tiri bala ta sahou tan bwe. Lakou doh asahan tiri, tasah bwena mene Kindrei ndratehei budon tan ta iy kameh amekes i buku doh.

Metiu 20:19

Ya oro kameh atehei iy ili mine iri lau ra-on badu leheleh, ta oro lau doh kabobose iy, ma ka-um iy na malou sakabuk i bek, ma katehei iy ki bada kei tondreh. Ya hamon ta len taloh iy kameh amak ja.”

Metiu 27:35

Oro atahi iy i bada kei tondreh, ano oro atehei kolau tan i andri ma oro amekes laki na aliy, ta andrei kolau tan i le winiya iri.

Tarou ta Mak 15:24

Eme ma iri atahi iy i bada kei tondreh, ano iri andrei kolau tan i andri ma iri amekes laki na aliy, ta are winiyan andrei lakou ta Jises.

Tarou ta Luk 23:33

Eme iri asos kon aloh, “Bwisi bar ta ndramak.” Eme iri atahi Jises i bada kei tondreh. Ma hawe atahi uru lau ma la-uh nane ale. Eme, iy ari udu loboho lim salin ta Jises, ya ari badeh, udu loboho lim kamweu.

Tarou ta Jon 19:18

Udu loboho doh, iri lau ta bahun tatahi Jises ili ta kei tondreh. Iri tatahi uru lau la-uh ala ta kei tondreh ale. Iy ari udu loboho minen salin, iy ari udu loboho minen kamweu, Jises udu alih turu ma la-uh.

Aposel 2:36

“Eme ya ado lau mari badu Isra-el ki tana ado kudu mwasin ta lakou doh: Kindrei badeh, ndrabwidi Jises, ado mene atahi iy i bada kei tondreh, iy ndrasahan Laban ma Krais.”

Aposel 5:28

“Aso tiye sahou boto-on boto-on ndrawek tado, ta ado saleheya boto-on ta nyara ndramak badeh, ja ai, ndri-iy labai. Arile, ado badeh, ndramesekei bolo kon Jerusalem na leheya tado, ma ado anya kamekes aso kabwese maha-an ta ndraye ndramak badeh.”

La-ukei ta Pol atorou ili tiri lau badu kon Rom 2:12

Iri are lau bakohok batanau malen Kindrei edeu i mine Moses bwe, i buku none iri amekes karei ma lomondra ndra-in, iri kameh bwese maha-an ta aliy. Ya, iri Juwis bwena mene, ndrakohok batanau malen Kindrei ndradeu ndra mine Moses, ya, i buku none iri amekes karei ma lomondra ndra-in, idah kameh, batanau malen le aleben iri amwenen.

1 Tesalonaika 2:15

Iri Juwis badu Isra-el le doh, mene adai iri propet, ma adai Laban Jises ale. Eme ma, na len idah badeh, iri amekes ndra-in eme tahi, ma tikahei ahi are bolo kon mara-ei, ma iri tebelese ta kandriyen nane Kindrei aso-ok labai. Handru, iri badeh, asahan lau ta amekes bahun ili ta lau marakon,