Aposel 2:22 - Nyindrou

²² “Ado lau badu Isra-el kanuhun sahou doh. Jises Krais badu Nasaret mene, Kindrei suni iy ewek hawe ado. Ya iy mene amekes lahou tinan ma amekes kalem tinan na boto-on ta Kindrei edeu i tan udu ndrokowa ado. Ya ado tanan iy.

Aposel 2:22 Referans Kwoze

Tarou ta Jon 3:2

Na ben ari Nikodemus ili anya kasehek sahou hawe Jises, eme ma iy asehek anya, “Ndramak ta leheya, ahi tanan, ou badeh, Kindrei suni ou ame ta leheya ahi. Ou badeh, ado hawe Kindrei ame. Ari ndramak winiyan bamekes kalem hawe lahou tinan buku ou amekes kede-eh bwe, tasah Kindrei badeh, udu hawen.”

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Tarou ta Luk 11:20

Arile ado kanuhun, i buku none boto-on ta Kindrei amwenen aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el.

Metiu 12:28

Arile ado kanuhun, i buku none Malawin Ndrabun ta Kindrei aseben jo ta atikah iri malawin ndra-in, ado ndratana ado kabwe, Kindrei ndrame ta atondrok aha lau mwan ma badih badu Isra-el.

Metiu 9:8

Eme ma, iri lau mari nane atou, ma iri anoh, ma iri atudun nyara Kindrei, tasah Kindrei badeh, edeu iri boto-on i buku doh ili tiri lau mwan ma badih.

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.

2 Korin 12:12

Na len mene jo udu hawe aha, jo amekes lakou solo-an labai ta leheya aha, buku jo aposel handru, ma Kindrei amwenen tiye jo ta ewek. Ehe, jo amwenen atehei jo iu ili andri mara-ei, ma amekes iri gok solo-an buku doh: Jo amekes kalem solo-an ndrawek taha, ma lahou tinan rayah bwidi mani iri mwan ma badih atur, ta anyolom boto-on ili ta Kindrei.

Aposel 26:26

Agripa, ou kabin, jo winiyan banoh ta asehek iri lakou marakon ewek tam bwe. Jo tanan lakou marakon doh winiyan bataras madam, ma ndranyem bwe. Ou ndratanam iri marakon, tasah iri lakou marakon doh mene basahan bare kabwak bwe.

Aposel 26:9

“Aha kanyolom! Bwena mene jo amwenen badeh, ales boto-on labai ta amekes iri gok solo-an, solo-an ta sa-en hamon ta sahou ta Jises badu Nasaret doh.

Aposel 24:5

“Ya, iy Pol badeh, iy ndramak ari ndra-in labai, ta amekes ramwes solo-an. Ahi tanan, buku iy ta amekes losen ere bolo iri Juwis ere bolo kon mara-ei, ma iy ndramak tinan ari ale, tiri lau nane a-en hamon ta Jises badu kon tinan Nasaret.

Aposel 22:8

“Eme ma jo asumon bohon i buku doh, ‘Laban, ou are lau badeh?’ Eme iy anya, ‘Jo Jises badu Nasaret, ou nane abo gok ta adai jo kede-eh!’

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 13:16

Eme Pol ales udu loken edeu minen i loken amunum le ma anya, “Ado lau badu Isra-el, hawe ado lau badu leheleh, ado ta atudun Kindrei, ado kanuhun bohok!

Aposel 6:14

Aso badeh, anuhun iy tiye anya, ‘Idah kameh, Jises badu Nasaret kameh tokosei kon dah ma hawe tobolowe kandriyen tataha mene Moses edeu eme ta taha.’ ”

Aposel 5:35

Ano iy tiye sahou i toro kansol anya, “Ado lau badu Isra-el, ado anya kamekes sasah ki toro lau doh badeh, ado kabudon kamwenen bwena op.

Aposel 3:12

Eme Pita anyolom badeh, iy tiye i toro anya, “Aha lau badu Isra-el, mani aha atur ta sasah? Aha anyolom aru boto-on tasah handru? Budon taha kede-eh anya, boto-on mari badeh udu taru, tasah aru mwasin mara-ei ta mada Kindrei, ma aru bwidi iy ndramak kede-eh edek ja. Arile bwe.

Tarou ta Jon 19:19

Pailat eme torowenei sahou rayah, ano iy tiye oro lau ta bahun tatahiy udu bwisi no-o kei tondreh ta Jises. Tarou nane tiye i buku doh, “Jises Badu Nasaret, Kabin tiri Juwis.”

Tarou ta Jon 15:24

Iri winiyan batona kandriyen ndra-in tiri bwe, buku jo bamekes lakou bado ndrokowa iri bwe. Arile, na dah, jo amekes iri lakou ale, ari ndramak bamekes se bwe. Iri ndranyolom saba lakou jo amekes, eme ma iri baso-ok aru tama ja bwe.

Tarou ta Jon 12:17

Iri lau marakon ado hawe Jises ndranyolom iy mene aloh Lasarus udu bolo lek tan eme len, ma mete-ei iy nane imek, amak ja. Iri ame, tiyani sahou ili bolo kon mara-ei.

Tarou ta Jon 11:47

Eme iri lau tinan tiri pris ma iri Parasi luhi iri kansol ame atukum ma asehek i tiri. Iri ndremenya iri i buku doh, “Taha kamekes kili buku sah handru? Iy ndramak kede-eh amekes iri lahou tinan ma kalem solo-an labai.

Tarou ta Jon 10:37

Buku aha anya jo bamekes gok ta tama bwe, mwasin ta aha satehei budon taha same ta sahou tek.

Tarou ta Jon 9:33

I buku Jises iy badu hawe Kindrei bwe, iy winiyan babwidiy se lakou bwe.”

Tarou ta Jon 7:31

Arile, iri lau solo-an labai atehei budon tiri ili ta Jises. Iri suburuk i buku doh, “Buku Mesaya keme, iy kameh amekes iri lahou tinan ma kalem solo-an. Arile, iy Jises kede-eh ja, iy amekes iri lahou tinan ma kalem solo-an labai ja. Sebwe iy Jises kede-eh, iy Mesaya nadeh?”

Tarou ta Jon 6:27

Aha sabo gok ta nyamon ale kameh andra-i, ano abola. Aha kabo gok ta nyamon udu luluwen ma udu mwasin, ma nyamon kameh edeu kohan handru ewek taha ma ta udu le buku doh. Nadu Ndramak Awas kameh edeu naha nyamon doh. Taman Kindrei suni nadun eme, ma iy atehei boto-on i tan ta atondrok iri lakou marakon.”

Tarou ta Jon 6:14

Iri lau marakon nane dah anyolom lahou tinan ma hawe kalem Jises amekes. Iri ame asehek i buku doh, “Aliy le ai, iy propet mene anya keme bolo kon munyak.”

Tarou ta Jon 5:36

“Jon asehek sahou anya, jo are lau, badeh, handru. Arile, lakou ari udu bwele-en labai ja ta sahou ta Jon, eme leheyani aha, jo are lau: Iri gok nane tama atehei eme tek ta jo kamekes ma jo kabwidi iri kano. Iri gok nane jo amekes doh, eme ma leheyani jo ili tiri lau mwan ma badih i buku tama badeh, suni jo eme kon munyak.

Tarou ta Jon 4:48

Jises eme tiye i tan i buku doh, “Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.”

Tarou ta Jon 1:45

Pilip ili ja ndruni Nataniyel. Iy eme asehek i tan anya, “Aso badeh, ndrandruni ndramak mene Moses hawe iri propet arikiy udu bolo kandriyen malen. Iy Jises badu Nasaret, nadu Josep.”

Tarou ta Luk 24:18

Eme iy ari nyaran Kliyopas anya, “Ou dah, lau badu leheleh barame Jerusalem ai, ya ou tanam lakou mari mene asahan doh bwe?”

Metiu 2:23

Eme ma iy ili manyah udu kon ari aloh Nasaret. Ya sahou dah asahan ma amwenen le i buku le iri propet ndrasihidiy: “Idah kameh iri aloh iy lau badu Nasaret.”

Aposel 2:19

Jo kameh leheya kalem udu bada kandrah loken, ma udu bada munyak andri ale. Idah kameh, ndra ma hawe jih ma hawe kasu-er hutuwen kameh asahan.

Aposel 2:43

Iri mwan ma badih badeh, anyolom kalem hawe lahou tinan solo-an labai Kindrei amekes udu mine iri aposel, eme boho iri asak ta lahou iri aposel amekes, ma iri anoh.

Aposel 3:6

Ano Pita anya, “Aru badeh, luk ta anyohan ou bwe. Arile, sasah taru udu aliy kada-ah, aru kameh atehei ewek tam. Na boto-on ta nyara Jises Krais badu Nasaret badeh, ou suri ou, ma ou adek.”

Tarou ta Luk 18:37

Eme iri anya, “Jises badu Nasaret asah, edek san ewek eh.”