Aposel 2:20 - Nyindrou

²⁰ Ya an kameh amak ma kon ilik, ma bun kameh asaram i buku ndra. Ya lakou doh kameh asahan bwena op. Ano len tinan ta lomadan ta Laban asahan.

Aposel 2:20 Referans Kwoze

2 Pita 3:10

Arile, len ta Laban ta eme hamon ja kameh i le mani tur, i buku le lau ta bahana. Ma idah kameh Laban mesekei lakou mari badu bolo kandrah kameh atohou i buku kurutuwe lakou atohou. Ya lakou mari badu bolo munyak kameh ako-oh na jih ma lakou mari badu bwele-e munyak kameh amai iu laleyah.

Metiu 24:29

“Hamon ta len ndra-in asahan, ‘An kameh ilik, ma bun kameh winiyan banya bwe. Ya ndrau udu kandrah kameh taku ereu kandrah eme andri, ma boto-on mari badu kandrah kameh nyukunyok.’ Aisaya 13:10; 34:4

1 Tesalonaika 5:2

Tasah, aha amwenen ndratanan len ta Laban eme hamon ja kameh asahan na len iri mwan ma badih babudon bamwenen ta alokou iri bwe. Handru, iy kameh asahan buku ndramak ta bahana, eme na ben.

2 Pita 3:7

Handru, na bohon le iri lakou marakon bwena doh ndrasahan. Ya na dah ale, munyak ma kandrah abe-en le len ta sahou tinan asahan. Ano Kindrei kameh asun munyak ma kandrah ma iri lau nane atehei kona iri i tan.

Tarou ta Luk 21:25

“Idah kameh kalem asahan ta an, kalem asahan ta bun hawe iri ndrau. Ya iri kon munyak tinan kameh bwese maha-an laba tinan labai, hawe iri anoh ma anyon ala ame ta kurutuwe bayau badu ndras.

Tarou ta Mak 13:24

“Arile, hamon ta len ndra-in ano, ya udu bolo len doh kameh, ‘An kameh ilik, ma bun kameh winiyan banya bwe.

Rebelesen 16:8

Ano badeh, angelo ari ja eme len ili solowei bwekei tan amou amwenen ili bwele-e an, ma jih taladan eme loken, ma sulumwi bada iri mwan ma badih. Ya bwekei doh ili asahan hahuw ai.

Rebelesen 6:12

Idoh ano le badeh, jo anyolom Nadu Sipsip ta Kindrei asoh tobwe ari ja nane tobo-ei buk iu. Idoh ili asahan i buku onoh ai. Iy amekes i buku doh, ma jo atou ma atona ndroi tinan labai asahan kon munyak. Ma mada an ilik, ma asahan i bokodon mara-ei, i buku kolau bokodon, ma mada bun ale asaram, ma asahan i saraman i buku ndra.

1 Korin 5:5

aha katikahei iy ndramak doh ki-iu kili len taha. Ma idoh, i buku aha atehei iy ndrala mine tama balik Satan, ta amekes badan ma kandriyen tan badu munyak kandra-i. Taha amekes buku doh, eme ma Kindrei winiyan andrei malawin mwasin ta ndramak nane eme hamon, na len ta Laban kameh eme hamon ja, ta adeu lau marakon ala ta mada sahou.

Metiu 27:45

Na mada an udu le alih, lulik tubuluhi kon marakon udu gwek winiya mada an i taloh na beyeh.

Aposel 2:19

Jo kameh leheya kalem udu bada kandrah loken, ma udu bada munyak andri ale. Idah kameh, ndra ma hawe jih ma hawe kasu-er hutuwen kameh asahan.

Aposel 2:21

Ya lau amekes salom na nyara Laban ma ndremenya iy ta seben kameh, iy winiyan sebenei iri.’ Jowel 2:28-32