Aposel 19:29 - Nyindrou

²⁹ Eme se nawin bwe, lau mari badu bolo kon tinan mari sarakau. Eme iri tawi uru lau ta Pol ma la-uh. Gayus uru Aristakus, uru badu Masadoniya, ya iri seheyani uru ala lohalak ndrahu tukum ta lau mari.

Aposel 19:29 Referans Kwoze

Aposel 20:4

Ya oro lau a hawen badeh, nadu Pirus nyaran Sopater badu kon Beriya, Aristakus hawe Sekundus badu kon Tesalonaika, ya Gayus badu kon Debi, ma hawe Timoti, Titikus ma hawe Tropimus badu kon munyak Esiya.

Pilemon 1:24

Ma hawe oro lau ta amekes lahou hawek ale, buku Mak, Aristakus, Demas hawe Luk, oro badeh, anya bada-an toro mwasin ewek tam ale.

Kolosi 4:10

Aristakus badeh, udu bolo asiu lulik hawek, iy anya, bada-an ewek taha. Ma Mak badeh, kali Banabas, iy ale anya, bada-an tan ewek taha. Buku iy ewek hawe aha, aha kasekesek ta akohok iy, buku jo ndratehei sahou mene ndrawek taha.

Aposel 27:2

Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.

1 Korin 4:9

Ta nyolom tek badeh, Kindrei atehei ahi aposel ado bolo kon ndra-in labai. Ahi badeh, a buku iri lau ndra-in bawei mine iri ano iri adek ala kon ta ada iri amak. Iri angelo ma iri lau marakon badu kon munyak dah ta anyolom ahi le ai.

1 Korin 1:14

Jo edeu wurah i ta Kindrei ta jo banyu aha solo-an bwe. Jo anyuwi Krisipus uru Gayus le.

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

Aposel 21:30

Iri lau marakon anuhun sahou doh, ma iri Jerusalem mara-ei badeh, mani iri atur labai, eme iri mari sakaliye ame atukum ala le doh. Iri tawi Pol ma aruwi iy udu bolo asiu tinan ta Kindrei iu ili manan. Ma iri sulu-i kou marakon badu asiu tinan ta Kindrei ili.

Aposel 19:22

Eme ma, iy suni uru lau ta aseben iy, Timoti uru Erastus ala Masadoniya. Iy le badeh, udu kon munyak tinan Esiya udu gwek luluwen sese.

2 Korin 8:19

Idoh handru, arile sahou solo-an kahis. Iri mwan ma badih ta Kindrei kada-ah, atehei iy ta edek hawe ahi, ma aseben ahi ta amekes gok ta atukum luk ta salom. Ahi amekes gok dah ta atudun nyara Laban, ma ta leheya iri mwan ma badih ta Kindrei, budon tahi badeh, tinan labai ta aseben iri.

Aposel 21:38

Jo anya ou kede-eh badu Ijip, iy mene ale tukumwi iri lau ta bahun tan ala tebelese hawe iri lau tahi. Ma iy mene atobwak hawe iri lau, kane iri ma hawa (4,000) iri mene adi iri lau anya ka-en hamon ta gabman badu Rom, ma tiyani iri ala are kon lomale an.”

Aposel 20:34

Aha amwenen ndratanan jo badeh, ibo gok ma asilah luk ta atondrok jo hawe oro lau are hawek.

Aposel 19:32

Iri lau mari badeh, anyon. Iri rayah badeh, sarakau i randrah labai, ya iri rayah i randrah labai. Ya iri lau solo-an bala tanan ta katin ta iri ala doh bwe.

Aposel 17:8

Eme iri anuhun sahou doh ano badeh, iri lau tinan ma hawe iri lau nane are bolo kon tinan doh badeh, toroyani iri ma anyon labai.

Aposel 16:9

Eme na ben badeh, lele asahan ta Pol ma iy anyolom ndramak ari badu kon Masadoniya ales indrek iy anya, “Ou ame Masadoniya, ma aseben aso.”

Aposel 13:5

Uru ala asos kon Salamis badeh, oro asehek sahou ta nyala Kindrei udu ndrahu tukum tiri Juwis. Ya Jon udu hawe uru, buku ta aseben uru.

Aposel 16:12

Ya eme udu doh badeh, aso adek ala lokei ala Pilipai. Kon doh badeh, kon ari tinan labai udu bolo kon munyak tinan Masadoniya, ya iri Rom atondrok kon doh. Eme aso ado doh len sabe sese.

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.