Aposel 19:26 - Nyindrou

²⁶ Iy lau Pol kede-eh, iy ndraluwi iri mwan ma badih solo-an. Iy ndrabolowani budon tiri, i buku ado ndranyolom ma ndranuhun. Ma iy bamekes kandriyen doh bado kon tinan Epesus dah le, bwe. Mirihik andrei loboho kon tinan Esiya ale. Iy asehek buku iri kindrei, lau amekes na lim, idoh kindrei handru bwe.

Aposel 19:26 Referans Kwoze

1 Korin 8:4

Ya buku sah handru? Idoh mwasin ta taha winiya aimon iri nyamon ale nane iri lau adeu ili niri kindrei ta wasai, deh bwe? Taha ndratanan ndra bwena. Kindrei ale iri amekes na sukumada kei udu bolo kon munyak dah, ari koha iri bwe, sukumada kei laleyah. Kindrei solo-an bwe, Kindrei le ari kabwe.

Aposel 17:29

“Ya eme i buku doh, taha badeh, nadu Kindrei ya eme taha satehei budon anya Kindrei kede-eh i buku none ari sukumada kei ndramak asehek na lim, deh, i buku bek nyikilikin gol deh, i buku none bek laleyah bwe.

Rebelesen 9:20

Iri lau mwan ma badih rayah ma buruwen bamak ta lakou ndra-in nane bwe, iri ale badeh, batubuni ndrine iri bwe, ma batehei kona iri bala tiri lakou, iri nane amekes na mine iri amwenen bwe le. Ya, iri ale baruwani kandriyen ta atudun malawin ndra-in bwe, ma hawe iri kindrei ta wasai, iri amekes na bek nyikilikin, ma silba hawe bras, ma bek hawe kei. Iri lakou marakon doh badeh, winiyan banuhun sahou bwe, iri banyolom kon bwe, ma iri winiyan badek bwe.

Aposel 19:10

Pol amekes gok doh winiya jaha la-uh buruwen. Eme ma iri mwan ma badih solo-an labai badu loboho kon tinan Esiya doh anuhun sahou mwasin ta Laban, iri badu Juwis, ma iri badu iri kon leheleh ale.

Aposel 14:15

“Ado lau, ado anya kamekes lakou badeh, ta sasah? Aru dah badeh, ndramak laleyah i buku le ado badeh. Aru dah badeh, atiye nyala ado ta sahou mwasin ta ado badeh, katubuni ndrine ado ta lakou ndra-in laleyah i buku badeh, ki ta Kindrei kohan handru udu aliy. Iy le adeh mesekei munyak ma kandrah, ndras ma hawe lakou mari udu bolon.

1 Tesalonaika 1:9

Tasah, iri mwan ma badih badu bolo kon rakon rakon le badeh, asehek amwenen eme taso, ta nyala lakou marakon asahan udu kala aso mene are hawe aha. Iri asehek eme taso i buku doh: “Iri Tesalonaika marakon badeh, ndratubuni budon ma kona iri ndrala tiri kindrei ta wasai, ma iri ndratehei ndrine iri ndrala le ta Kindrei handru. Tasah, iri ame asahan lau mwan ma badih ta Kindrei, iy kati kohan handru.

Galesiya 4:8

Bwena mene ndra-au, aha tana aha Kindrei bwe. Eme aha a bonyo-ou tiri kindrei rayah ja; iri doh badeh, Kindrei handru bwe.

1 Korin 12:2

Aha kabudon, manyah taha bwena mene are ndra bolo lulik, ano aha ame lewan. Aha mene atehei aha ala bolo iri san ndra-in ta kindrei ta wendreya, ari koha iri bwe, iri lau amekes na sukumada kei.

Aposel 18:19

Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.

Aposel 19:1

Apolos udu Korin udu gwek ya Pol badeh, andrei san udu bolo kon loken doh eme asahan Epesus. Udu loboho doh badeh, iy ndruni iri lau rayah iri atehei budon tiri handru in ta Kindrei,

Aposel 19:25

Eme iy luhi iri lau ta lahou tan ma hawe iri lau amekes lahou i le buku iy, ame, ma iy tiye i tiri i buku doh, “Ado lau mari ado ndratou ai, to mari badeh, akohok luk solo-an eme tato, ta lakou to amekes dah.