Aposel 19:22 - Nyindrou

²² Eme ma, iy suni uru lau ta aseben iy, Timoti uru Erastus ala Masadoniya. Iy le badeh, udu kon munyak tinan Esiya udu gwek luluwen sese.

Aposel 19:22 Referans Kwoze

2 Timoti 4:20

Erastus badeh, ere ndra Korin kahis. Ya, Tropimus badeh, sik udu tan, ma jo ruwani iy udu ndra Miletus.

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

Aposel 19:29

Eme se nawin bwe, lau mari badu bolo kon tinan mari sarakau. Eme iri tawi uru lau ta Pol ma la-uh. Gayus uru Aristakus, uru badu Masadoniya, ya iri seheyani uru ala lohalak ndrahu tukum ta lau mari.

Aposel 19:10

Pol amekes gok doh winiya jaha la-uh buruwen. Eme ma iri mwan ma badih solo-an labai badu loboho kon tinan Esiya doh anuhun sahou mwasin ta Laban, iri badu Juwis, ma iri badu iri kon leheleh ale.

Aposel 18:5

Eme na len Timoti uru Sailas ado Masadoniya ame badeh, Pol eme ruwani lahou tan ta asereh asiu balei, ma atehei budon tan ihis labai ta atiye sahou i tiri Juwis ta Jises badeh, iy Krais handru, ndramak Kindrei atehei iy ta akohok iri lau tan ame hamon.

Aposel 16:3

Eme Pol anya kakohok iy ki hawen, ya uru kadek. Eme Pol sani ku-in, tasah iy abudon loboho doh badeh, ndrahu iri Juwis, ya iri tanan tama Timoti badeh, badu Grik.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

Aposel 13:5

Uru ala asos kon Salamis badeh, oro asehek sahou ta nyala Kindrei udu ndrahu tukum tiri Juwis. Ya Jon udu hawe uru, buku ta aseben uru.

1 Tesalonaika 1:8

Handru, aha leheya kandriyen mwasin, tasah len aha a-en hamon ta kandriyen mwasin, eme sahou ta Kindrei aha asehek nane badeh, buku kurutuwe ndran, iu ili len labai. Arile, bala bolo kon tinan Masadoniya hawe Akaya le bwe, kundruh taha atehei budon taha ale ili ta Kindrei badeh, iu ili len labai bolo kon mara-ei. Eme ma aso ari gok ta amekes sahou ta aliy ja bwai.

2 Korin 8:1

Aha nadu tine aso i san ta Krais. Aso anya katiye tanan ta kandriyen mwasin ma tikisiy, Kindrei mene edeu ili tiri lau tan, mwan ma badih, are bada kon Masadoniya.

Aposel 20:1

Udu hamon ta sarakau tiri ano badeh, Pol suni sahou i toro lau atehei budon toro handru in ta Kindrei ame. Ya eme iy batanau oro. Ano ma iy edek iu ili Masadoniya.

2 Korin 11:9

Eme ma, buku bwena mene jo udu hawe aha, jo tek ari lakou bwe, jo batehei maha-an bala ta ari mwan o badih taha bwe. Iri nadu tine taha, iri lau ta Kindrei badu Masadoniya ame asahan Korin, iri badeh, atondrok jo ta lakou mara-ei, buku tek ano mara-ei. Jo badeh, abudon boto-on labai, ta jo bwalek edeu ari maha-an ewek taha ja. Ma jo badeh, in hamon ta budon doh le kahis.

2 Korin 2:13

Arile, jo tikisiy tinan labai, tasah jo banyolom nadu tine taha Taitus bwe. Eme ma jo batanau iri mwan ma badih ano, jo iu ili kon munyak tinan Masadoniya.

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

Aposel 20:34

Aha amwenen ndratanan jo badeh, ibo gok ma asilah luk ta atondrok jo hawe oro lau are hawek.

2 Korin 8:19

Idoh handru, arile sahou solo-an kahis. Iri mwan ma badih ta Kindrei kada-ah, atehei iy ta edek hawe ahi, ma aseben ahi ta amekes gok ta atukum luk ta salom. Ahi amekes gok dah ta atudun nyara Laban, ma ta leheya iri mwan ma badih ta Kindrei, budon tahi badeh, tinan labai ta aseben iri.