Aposel 19:17 - Nyindrou

¹⁷ Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 19:17 Referans Kwoze

2 Tesalonaika 1:12

Buku aha amekes kandriyen buku doh, aha winiyan atudun nyara Laban tataha Jises, ma iy winiyan atudun nyara aha ale. Tikisiy ma mwasin ta Kindrei tataha hawe Laban Jises Krais le, winiyan amekes iri lakou marakon doh asahan handru.

2 Tesalonaika 3:1

Na dah, aha nadu tine aso, mwan ma badih, sahou taso ari ja i buku doh: Aha kasolom kili ta Kindrei, iy kaseben aso ta atiye sahou ta Krais, ma sahou ta Laban kameh winiyan sakaliye ili bolo kon mara-ei, iri kandrei, ma katawi kihis kudu budon tiri, i buku le iy mene amekes udu ndrokowa aha, na len aha anuhun, ma atehei budon in ta sahou mwasin doh.

Pilipai 1:20

Eme ya ndrinek tanan labai ta jo kameh winiyan banoh bwe, ma hawe bwilik kameh winiyan bama bwe na len ta sahou dah, ma hawe i buku len mari eme, jo kameh winiyan batotoreh ta asehek sahou bwe. I buku none, jo imek deh jo udu, arile masiye ma hawe atudun badeh, ki le ta Krais.

Aposel 13:12

Eme ndramak ta atondrok busu anyolom badeh, ma bohon asak ta leheya turu ta nyala Jises, ma iy atehei budon tan handru i ta Laban.

Aposel 5:11

Eme iri lau ta Kindrei ma hawe iri lau mari anuhun badeh, iri anoh andra-i labai.

Aposel 5:5

Eme Ananayas anuhun le badeh, iy taku i andri ma imek. Eme iri lau anuhun badeh, iri anoh andra-i labai.

Aposel 18:19

Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.

Aposel 5:13

Ya eme iri lau rayah badeh, bala bolo oro lau ta Jises bwe. Iri lau badeh, masiye oro, arile iri anoh ta atukum hawe oro.

Aposel 2:43

Iri mwan ma badih badeh, anyolom kalem hawe lahou tinan solo-an labai Kindrei amekes udu mine iri aposel, eme boho iri asak ta lahou iri aposel amekes, ma iri anoh.

Tarou ta Luk 7:16

Eme iri lau mari badeh, boho iri asak ma iri atudun Kindrei. Ma iri anya, “Propet tinan ndrasahan bolo taha. Eme Kindrei badeh, ndrame ta aseben iri lau tan.”

Tarou ta Luk 1:65

Eme iri lau badu mirihik badeh, boho iri asak labai. Eme ma nyala lakou dah aseker ili bolo ndrondro-ou, kon tinan loboho Judiya.

Aposel 18:21

Arile, iy anya ki-iu badeh, iy tandrakan i toro anya, “I buku none Kindrei aseken, badeh kameh, jo eme hamon ja.” Ano iy alakak udu Epesus iu ai.

Aposel 19:1

Apolos udu Korin udu gwek ya Pol badeh, andrei san udu bolo kon loken doh eme asahan Epesus. Udu loboho doh badeh, iy ndruni iri lau rayah iri atehei budon tiri handru in ta Kindrei,

Aposel 19:16

Eme ndramak nane malawin ndra-in udu la-un dah sandroh i la-u oro ribidi oro ma tarani awin toro ma ubwi oro andra-i labai. Eme oro atobwak ado asiu ame len, ma ndraye oro, hawe awin toro atarah iu.

Aposel 19:18

Eme iri lau ta budon handru mene ame tiye sahou ta tikisiy udu mada lau mari ta sasah ndra-in iri ndramekes.