Aposel 18:25 - Nyindrou

²⁵ Iy badeh, tanan labai ta san ta Laban ma abe-ei iy asehek sahou ta nyala Jises ndra mwasin le. Arile, iy badeh, tanan le lahou ta Jon ta alomwa.

Aposel 18:25 Referans Kwoze

Aposel 19:3

Ya eme Pol lelen oro ja anya, “Ya alomwa ado badeh, na alomwa tare?” Eme oro anya, “Alomwa aso badeh, na alomwa ta Jon.”

La-ukei ta Pol atorou ili tiri lau badu kon Rom 12:11

Ou saliliy ma ou sawoyah ta amekes lahou ta Laban. Arile ou alelei Malawin Ndrabun aseben ou amekes lahou le kili.

Aposel 19:23

Na len doh badeh, tine losen asahan i bada San ta Laban.

Aposel 19:9

Arile, iri rayah badeh, ndrine iri boto-on labai, ma batehei budon tiri bala ta Kindrei bwe, ma iri asehek sahou ndra-in i bada bolo San ta Laban udu ndranye iri lau mari. Ya eme Pol ruwani iri ado gwek ai. Eme iy kuhi oro lau ta budon handru nane dah ala bolo asiu ta leheya ta Tiranus, ma iy udu hawe oro na len mari, ta leheya oro.

Aposel 9:2

anya kalelen iy ta iy katorou rayah la-ukei ta tiye nyala Sol badeh, are lau handru. Ya Sol aseken ta atiye iri la-ukei doh i mine iri tinan ta ndrahu tukum tiri Juwis udu kon Damaskus katanan ta aliy. Ya eme i buku none iy kili kanyolom iri lau mwan hawe badih ta a-en hamon ta San ta Laban ado aliy badeh, iy kakuhi iri kala Jerusalem kala bolo kou.

Tarou ta Mak 12:14

Eme iri ame hawen ma anya, “Ndramak ta leheya, ahi tanan, ou lau ta asehek sahou handru, ma ou banoh are ndramak bwe. Ya ou asehek sahou ari le ili tiri lau mari, buku ndramak nyaran tinan, deh, ndramak iy nyaran bwe, ya ou badeh, leheya san handru ta Kindrei. Ou abudon i buku sah? Mwasin ta taha kadeu takis ki ta Sisa, deh, ndri-iy?”

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

2 Timoti 2:4

Handru, ou asahan buku ndramak ta bahun. Ndramak ta bahun aso-ok tinan tan udu bwele-en kasekesek ta gok iy amekes, ya iy winiyan bateu gok rayah hawe gok tan ja bwe. Eme ma, ou a-en hamon le ta gok Kindrei ndratehei ndrawek tam, ma ou salelei sala le tiri lakou anya kariu ou.

Aposel 16:17

Iy doh badeh, edek in hamon ta Pol hawe aso marakon, ma iy aloh anya, “Oro lau dah ala tiye sahou ta koha ado kameh udu le buku doh, badeh, oro lohowan ta Kindrei ere bwele-e kindrei mari badu loken.”

Aposel 13:10

“Ou badeh, nadu balik amwenen, ma ou badeh, baseken kandriyen mwasin mari bwe! Ou adah labai na kandriyen ta wasai ta balik. Ya, ma saba len kameh ou aruwe ta tobolowe sahou handru ta Laban kasahan wasai?

Tarou ta Luk 7:29

Eme iri mwan ma badih hawe iri lau ta akohok luk ta takis anuhun sahou Jises asehek ma oro barala tanan ai, sahou ta Kindrei badeh, mwasin handru. Tasah, oro mene, Jon ndranyu oro.

Tarou ta Mak 1:3

“Ndramak ari aloh udu bolo kon lomale an i buku doh, ‘Kalowosa san ta Laban, ma kadik san kales lewan.’ ” Aisaya 40:3

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Tarou ta Luk 1:4

Jo atorou ewek tam, ta ou atanam kamwenen handru ta nyala lakou mene ou ndranuhun ndra-au.

Aposel 18:26

Eme iy asehek sahou nyarahan nyarahan udu ndrahu tukum tiri Juwis. Eme Prisila uru anuhun iy badeh, uru kuhi iy eme asiu turu ma leheya iy amwenen na bolo sahou ta Kindrei le gwek.