Aposel 18:21 - Nyindrou

²¹ Arile, iy anya ki-iu badeh, iy tandrakan i toro anya, “I buku none Kindrei aseken, badeh kameh, jo eme hamon ja.” Ano iy alakak udu Epesus iu ai.

Aposel 18:21 Referans Kwoze

1 Korin 4:19

Arile i buku Laban aso-ok jo ta ewek, badeh, kameh jo ndrado hawe aha ja ai. Ano kameh jo anya kasilah boto-on tiri lau ta tebelese badeh, handru deh, bwe iri asehek sahou ta laleyah le.

Jemis 4:15

Sebwe mwasin ta aha kasehek ki buku doh, “I buku Laban aso-ok, ahi kameh ado awas, ma ahi kameh winiyan amekes iri lakou nane ahi abudon ta amekes.”

Hiburu 6:3

Taha kala le bwena. Taha winiyan, i buku Kindrei aso-ok.

La-ukei ta Pol atorou ili tiri lau badu kon Rom 15:32

Ya jo kameh ewek atou aha ma sekesek, ma, i buku Kindrei aseken ta aliy, idah kameh, jo ewek hawe aha ya taha mari sekesek ma amunyau.

La-ukei ta Pol atorou ili tiri lau badu kon Rom 1:10

udu bolo salom tek. Jo badeh, ndremenya Kindrei udu bolo salom ta iy kasihi san, ya jo kewek kanyolom aha.

Aposel 20:16

Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.

1 Pita 3:17

Ya, buku none Kindrei aso-ok ta taha kakohok maha-an ta kandriyen mwasin taha amekes, idoh lakou mwasin. Arile, buku none taha akohok maha-an ta kandriyen ndra-in taha amekes, idoh lakou ndra-in labai.

2 Korin 13:11

Aha nadu tine mwan ma badih, aha ndrado ai, ma bale aha kudu taha. Jo aso-ok aha kabadok ta asahan lau ta Kindrei handru. Aha kanuhun sahou tek, ma katawiy kihis kudu budon taha, ma ndrine aha mara-ei kameh udu mwasin. Kindrei aso-ok aha lau mwan ma badih mara-ei, ma aseben ndrine aha udu mwasin. Iy amwenen kameh udu hawe aha.

1 Korin 16:7

Aha ndratanan, udu bolo tekedek tek badeh, jo bwalek ewek manyah hawe aha ta ben ari le. Buku Laban aso-ok handru, jo aso-ok labai ta udu hawe aha luluwen sese.

Aposel 21:14

Aso badeh, winiyan batubuni budon tan bwe, ma aso basehek sahou bala tan ja bwai. Eme ma aso anya, “Ya, Laban, ou bwidi iri lakou kameh asahan na so-ok tam le amwenen.”

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

Aposel 15:29

Aha saimon nyamon ala ndrala ta salom tiri kindrei nane iri asehek na sukumada kei, ma aha saimon oda iri lakou buku me ma bulumakau ndra udu ta aliy, ma hawe sa-un ndraye iri, ma hawe aha samekes kandriyen ndra-in ta karei. Buku none aha kateleya aha tiri lakou doh, idah kameh aha ado mwasin. Kabwai.”

Tarou ta Luk 9:61

Ano ja, ndramak ari ja tiye anya, “Laban, jo kameh in hamon tam; arile jo kili katiye tanan ta lowak oro op.”

Metiu 26:39

Eme Jises edek ili bwena sese, ma iy taku i le batalan. Eme ma iy asolom i buku doh, “Tama, buku none winiyan eh, ou kuhi maha-an ta tikisiy udu bwele-ek dah ki-iu, arile idoh budon tek le, ou amekes saba lakou ou tanam mwasin.”

Tarou ta Mak 6:46

Iy tiye iri lau au, ano iy iu ili bwele-e mandrei ta iy kasolom.

Aposel 18:19

Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.

Aposel 18:20

Eme iri lelen iy ta iy kudu hawe iri luluwen sese kudu gwek, arile iy bwalen.

Aposel 18:24

Udu bolo len doh, ndramak ari badu Juwis nyaran Apolos, ya atehei iy eme len udu Aleksandriya eme kon Epesus. Iy badeh, tanan tan ndrala labai, ma iy tanan bolo sahou ta Kindrei mwasin labai.

Aposel 19:1

Apolos udu Korin udu gwek ya Pol badeh, andrei san udu bolo kon loken doh eme asahan Epesus. Udu loboho doh badeh, iy ndruni iri lau rayah iri atehei budon tiri handru in ta Kindrei,

Aposel 19:17

Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 21:29

Iri tiye iy i buku doh, tasah iri mene anyolom ndramak ari nyaran Tropimus, iy badu kon tinan Epesus, edek bolo kon tinan hawe Pol, ma iri abudon anya, Pol kede-eh ndrandrei iy ndrame bolo asiu tinan ta Kindrei dah.

1 Korin 15:32

I buku sahou handru anya, iri lau ndramak bwena Kindrei bamete-ei iri ja bwe, mwasin taha kasehek ki buku doh: “Abo, ndri-iy ai! Taha kaimon nyamon, ma ka-un gwa na dah; tasah na bi-i kameh taha amak au.” Aisaya 22:13 Arile, jo ba-en hamon ta budon ma kandriyen doh bwe. Buku jo anya ki-in hamon ta aliy handru, buku sah ja jo katebelese hawe iri Epesus nane a-en hamon ta kandriyen ndra-in buku iri bondriliu? Ya, buku jo kimek laleyah, jo kameh kudu mwasin ki buku sah handru?

1 Korin 16:8

Arile, jo anya kudu ndra kon tinan Epesus op, winiya le len tinan ta Pentikos ano.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

Rebelesen 1:11

Ma iy asehek i buku doh, “Lakou mara-ei, ou anyolom, ou torowenei kili bolo buk, ano ou atehei kili tiri mwan ma badih ado kon ma ndro taloh udu bolo Esiya. Ou atehei ari, ari kili tiri kon mara-ei doh: Epesus, Semena, Pegamum, Tayataira, Sadis, Piladelpiya ma Leyodisiya.”

Rebelesen 2:1

Iy ndramak nane dah asehek eme tek i buku doh, “Ou atorou rayah sahou kili ta angelo ere bwena tiri lau ta Kindrei are kon Epesus. Sahou i buku doh: ‘Jo badeh, tawi oro ndrau ma ndro taloh udu minek salin, ma jo edek bolo ndrokowa ndru-u oro sun ma ndro taloh iri amekes na bek nyikilikin. Jo le amwenen badeh suni sahou dah ewek tam: