Aposel 18:19 - Nyindrou

¹⁹ Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.

Aposel 18:19 Referans Kwoze

2 Timoti 1:18

Ou ale ndratanam mwasin labai ta iri seben Onesiporus mene anyohan jo, kala jo udu kon Epesus. Eme ma, jo aso-ok Kindrei katikisi iy ta len doh kameh, iy atehei iri mwan ma badih a ta mada sahou.

1 Timoti 1:3

I buku jo mene indrek ou, na len jo edek ili kon Masadoniya, ta ou badeh, ado Epesus ado gwek, ta abarah lau rayah ta wasai ado badeh, saleheya tanan ta wasai.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

1 Korin 16:8

Arile, jo anya kudu ndra kon tinan Epesus op, winiya le len tinan ta Pentikos ano.

1 Korin 15:32

I buku sahou handru anya, iri lau ndramak bwena Kindrei bamete-ei iri ja bwe, mwasin taha kasehek ki buku doh: “Abo, ndri-iy ai! Taha kaimon nyamon, ma ka-un gwa na dah; tasah na bi-i kameh taha amak au.” Aisaya 22:13 Arile, jo ba-en hamon ta budon ma kandriyen doh bwe. Buku jo anya ki-in hamon ta aliy handru, buku sah ja jo katebelese hawe iri Epesus nane a-en hamon ta kandriyen ndra-in buku iri bondriliu? Ya, buku jo kimek laleyah, jo kameh kudu mwasin ki buku sah handru?

Aposel 20:16

Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.

Aposel 19:1

Apolos udu Korin udu gwek ya Pol badeh, andrei san udu bolo kon loken doh eme asahan Epesus. Udu loboho doh badeh, iy ndruni iri lau rayah iri atehei budon tiri handru in ta Kindrei,

Aposel 18:24

Udu bolo len doh, ndramak ari badu Juwis nyaran Apolos, ya atehei iy eme len udu Aleksandriya eme kon Epesus. Iy badeh, tanan tan ndrala labai, ma iy tanan bolo sahou ta Kindrei mwasin labai.

Aposel 18:4

Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Rebelesen 2:1

Iy ndramak nane dah asehek eme tek i buku doh, “Ou atorou rayah sahou kili ta angelo ere bwena tiri lau ta Kindrei are kon Epesus. Sahou i buku doh: ‘Jo badeh, tawi oro ndrau ma ndro taloh udu minek salin, ma jo edek bolo ndrokowa ndru-u oro sun ma ndro taloh iri amekes na bek nyikilikin. Jo le amwenen badeh suni sahou dah ewek tam:

Rebelesen 1:11

Ma iy asehek i buku doh, “Lakou mara-ei, ou anyolom, ou torowenei kili bolo buk, ano ou atehei kili tiri mwan ma badih ado kon ma ndro taloh udu bolo Esiya. Ou atehei ari, ari kili tiri kon mara-ei doh: Epesus, Semena, Pegamum, Tayataira, Sadis, Piladelpiya ma Leyodisiya.”

2 Timoti 4:12

Jo suni Tikikus ndrala Epesus.

Aposel 19:26

Iy lau Pol kede-eh, iy ndraluwi iri mwan ma badih solo-an. Iy ndrabolowani budon tiri, i buku ado ndranyolom ma ndranuhun. Ma iy bamekes kandriyen doh bado kon tinan Epesus dah le, bwe. Mirihik andrei loboho kon tinan Esiya ale. Iy asehek buku iri kindrei, lau amekes na lim, idoh kindrei handru bwe.

Aposel 19:17

Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 18:21

Arile, iy anya ki-iu badeh, iy tandrakan i toro anya, “I buku none Kindrei aseken, badeh kameh, jo eme hamon ja.” Ano iy alakak udu Epesus iu ai.

Aposel 18:20

Eme iri lelen iy ta iy kudu hawe iri luluwen sese kudu gwek, arile iy bwalen.

Aposel 19:28

Eme iri anuhun sahou doh badeh, ma bwidi ndrine iri ibolosen ma iri sarakau anya, “Atemis kindrei badu Epesus badeh, iy le ai!”

Aposel 19:35

Eme ndramak ta atorou lakou badu kon tinan tiye iri andru-uk, ano iy anya, “Aha lau badu Epesus, iri lau badu kon munyak mari tana iri ta kon tinan Epesus badeh, ta atondrok asiu ta atudun kindrei badih Atemis hawe sukumada hayen mene taku udu kandrah eme andri.

Aposel 20:17

Eme Pol udu Miletus badeh, suni sahou i tiri batun tiri lau ta budon handru in ta Kindrei badu Epesus kame katou iy.

Aposel 21:29

Iri tiye iy i buku doh, tasah iri mene anyolom ndramak ari nyaran Tropimus, iy badu kon tinan Epesus, edek bolo kon tinan hawe Pol, ma iri abudon anya, Pol kede-eh ndrandrei iy ndrame bolo asiu tinan ta Kindrei dah.