Aposel 18:18 - Nyindrou

¹⁸ Eme Pol udu Korin udu gwek luwen sese. Ano iy ruwani nadu tinen oro ado gwek, ya iy ili kon Senkriya anya kalakak kala Siriya, ma Prisila uru Akwila a hawen ale. Iy ba-au bwe le badeh, iy udu Senkriya asiki batun iu tasah tandrakan tan mene ndrano.

Aposel 18:18 Referans Kwoze

Aposel 21:24

Ya, ou ala hawe oro ala bolo asiu tinan ta Kindrei, ma ado kamekes kandriyen ta Kindrei ta amekes ado kasahan ha-un ta mada Kindrei. Ma ou asih lakou toro ta asun i ta salom, ta oro winiyan asik batu oro. I buku ou amekes i buku doh, iri kameh anyolom ou amekes amwenen handru i buku le kandriyen tiri Juwis. Ma iri kameh winiyan batehei budon tiri ba-en ta sahou, iri anuhun lau rayah mene amekes ewek tam.

1 Korin 9:20

I buku jo udu hawe iri Juwis, jo akohok kandriyen tiri Juwis amwenen, ma jo kameh winiya ariu iri solo-an ame hamon. Iri badeh, ado bahandra tondrok ta kandriyen malen ta Moses, jo badeh, bwe. Arile jo atehei jo mara-ei udu bahandra kandriyen malen, ta ariu iri Juwis ame hamon ja.

La-ukei ta Pol atorou ili tiri lau badu kon Rom 16:1

Jo anya kasehek tanan ki taha ta nadu tine taha ari badih nyaran Pibi, i buku none iy kasahan bada aha. Iy badeh, lohowan ari mwasin ta Krais Jises udu bolo iri lau ta Kindrei badu kon tinan Senkriya.

Aposel 18:2

Iy udu Korin udu gwek badeh, iy ndruni ndramak ari badu Juwis nyaran Akwila, ya tinen atehei iy eme len udu kon munyak tinan Pontus. Iy hawe udun Prisila uru barado Itali barame ai. Tasah, Sisa Klodiyas tiye sahou boto-on i tiri Juwis ado kon tinan Rom badeh, ka-au.

Galesiya 1:21

Ano jo udu Jerusalem iu ili loboho munyak tinan Siriya hawe Silisiya.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Aposel 21:3

Ahi alakak au ala bolo ndras laleyah, eme ma ahi anyolom busu Saipres udu loboho mine ahi kamweu. Eme ahi alakak ala, ala winiya le ahi asahan kon munyak tinan Siriya. Ma ndron doh ili Tair ta akeh sanuw ale.

Aposel 18:26

Eme iy asehek sahou nyarahan nyarahan udu ndrahu tukum tiri Juwis. Eme Prisila uru anuhun iy badeh, uru kuhi iy eme asiu turu ma leheya iy amwenen na bolo sahou ta Kindrei le gwek.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Tarou ta Mak 6:46

Iy tiye iri lau au, ano iy iu ili bwele-e mandrei ta iy kasolom.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 18:27

Na len Apolos anya kili Akaya badeh, nadu tinen oro ta Kindrei rayah amekes ndrinen abadok ta ili, ma oro atorou la-ukei ili toro lau ta hamon ta Jises kabe-en iy. Eme Apolos asahan badeh, ma iy ndramak mwasin ta aseben oro are mene asahan lau ta budon handru i san ta tikisiy ta Kindrei.

Aposel 21:23

Ya, aso aso-ok ou an hamon taso ta saba lakou aso asehek. Udu bolo aso dah, oro lau ma hahuw badu Juwis badeh, ndramekes tandrakan boto-on labai i ta Kindrei, ta abeles lakou rayah ta manyah toro amwenen.