Aposel 18:12 - Nyindrou

¹² Na len iri lau atondrok Rom atehei Galiyo asahan kabin ta kon tinan Akaya, eme iri Juwis atukum ase tawi Pol ma aruwi iy ili ales ere mada sahou.

Aposel 18:12 Referans Kwoze

Aposel 18:27

Na len Apolos anya kili Akaya badeh, nadu tinen oro ta Kindrei rayah amekes ndrinen abadok ta ili, ma oro atorou la-ukei ili toro lau ta hamon ta Jises kabe-en iy. Eme Apolos asahan badeh, ma iy ndramak mwasin ta aseben oro are mene asahan lau ta budon handru i san ta tikisiy ta Kindrei.

Aposel 13:50

Arile, iri Juwis ala badeh, sosokei oro lau ta bwena ta kon tinan nane doh, ma hawe sosokei oro badih rayah tinan ta budon. Eme ma budon toro andra-i ta anya kadai Pol uru Banabas ma mesekei uru au ta loboho doh.

2 Korin 11:10

Sahou handru ta Krais badeh, udu bolo ndrinek. Eme ma, ta idoh le, jo tiye taha handru ta loboho Akaya mara-ei, ari mwan o badih winiyan baturuki san ta jo atudun nyarak, ta kandriyen jo ale amekes ta adeu sahou mwasin laleyah ili tiri lau mwan ma badih, bwe.

2 Korin 9:2

Tasah, jo ndratanan, aha badeh, aso-ok ta amekes gok dah, ta atukum ma adeu luk ta aseben iri. Eme ma, len mara-ei jo atudun nyara aha, ma tiye iri lau ta Kindrei badu kon tinan Masadoniya. Jo tiye tiri i buku doh: “Na jaha mene ndra-au, iri lau badu Akaya lokowani iri ta amekes gok ta atukum luk.” Ma iri anuhun sahou ta aha amekes gok dah ta aseben iri lau badu Judiya, ma suri ndrine iri lau solo-an badu Masadoniya amekes ale.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

1 Korin 16:15

Aha nadu tine i san ta Krais, aha tanan, Stepanas oro badeh, ndrasahan iri lau ta Kindrei ma bwena handru, ta iri lau rayah ja ado bolo kon tinan Akaya. Na so-ok toro le, oro amekes gok ta aseben iri lau ta Kindrei.

La-ukei ta Pol atorou ili tiri lau badu kon Rom 15:26

Tasah, iri lau ta budon handru i ta Kindrei badu kon Masadoniya hawe badu kon Akaya badeh, sekesek handru ta atukum lakou ta aseben oro lau ta Kindrei ado Jerusalem, oro badeh, andriliu ta lakou.

Aposel 25:10

Pol anya, “Bwai, jo ndrales ndrare ta sahou mada Sisa kada-ah kabwai, iy kabin ta atondrok kon tataha Rom. Aha winiyan atehei jo i ta sahou udu bolo asiu ta sahou le dah. Ya, ou ndratanam, jo badeh, bamekes ari ndra-in bala bada iri Juwis kede-eh, bwe-en.

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 14:2

Arile, oro Juwis rayah batehei budon toro handru bwe badeh, sosokok budon tiri lau badu leheleh andra-i i bada iri lau ta Laban.

Metiu 27:19

Ma kala Pailat manyah udu bada koyeu tan ta anuhun sahou kahis le, udun atehei sahou eme anya, “Ou samekes ari lakou sala bada iy lau badeh, ndri-iy, tasah na ben jo ameh jo atou ndramak badeh, ya ameh doh mesekei budon tek andra-i labai.”

Jemis 2:6

Arile, aha badeh, atehei bwilima ili tiri lau nane, tiri lakou bwe. Aha kabudon doh kamwenen. Are lau handru bokoro-ei aha ma atehei maha-an ewek la-u aha ma aluwi aha ala ta mada sahou? Iri le nadu batun badeh, amekes iri lakou doh.

La-ukei ta Pol atorou ili tiri lau badu kon Rom 16:5

Ma sekesek tek ale kili toro lau ta Kindrei atukum are asiu turu badeh. Ma hawe sekesek tek ki ta borobwar tek handru Epenetus. Iy asahan lohowan ta Kindrei, ma mwena handru tiri lau mari badu kon loboho Esiya.

Aposel 17:5

Arile, mada iri Juwis alikis, ya eme iri tukumwi iri lau rayah, budon tiri ndra-in udu bolo ba-en tiye iri ta amekes losen udu bolo kon tinan. Eme iri abotatahan ala asiu ta Jesen takaleh Pol uru Sailas anya kateu uru kame mada iri lau mari.

Aposel 13:12

Eme ndramak ta atondrok busu anyolom badeh, ma bohon asak ta leheya turu ta nyala Jises, ma iy atehei budon tan handru i ta Laban.

Tarou ta Jon 19:13

Pailat anuhun iri sahou nane doh, eme iy sirini Jises eme manan ja. Ano Pailat manyah udu andri bada koyeu tiri kabin, udu loboho bolo asiu doh iri aloh “Bek Malahan.” (Iri Hiburu aloh Gabata.)

Aposel 18:11

Ya eme Pol udu hawe iri andrei jaha ari ranah, leheya iri na sahou ta Kindrei.

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

2 Korin 11:26

San solo-an jo edek ili eme na le kati. Len rayah badeh, jo apou gwa, ma wadah teheyani jo ma jo amai. Len rayah ja, jo ndruni iri lalou, ma mirihik iri kadi jo kimek. Len rayah, iri Juwis, ahi boho kon ari le, iri badeh, anya kadai jo kimek ale. Len rayah iri lau badu kon rakon ja anya kadai jo kimek ale. Eme ma, jo anya kimek kudu kon tinan, ma jo anya kimek kudu kon lau aliy bwe. Len rayah jo anya kimek kudu bolo ndras. Len rayah jo anya kimek kudu mine iri lau iri anya iri lau ta Kindrei amwenen.

1 Tesalonaika 2:14

Ya, aha nadu tine aso, aso tanan, lakou badeh, handru. Tasah, aha asahan i buku le iri lau mwan ma badih ta Kindrei, iri are loboho bada kon Judiya, iri atehei budon tiri in ta Krais Jises. Aha asahan i buku le iri, ma aha akohok maha-an badu mine iri lau rayah badu Tesalonaika amwenen, i buku iri lau ta Kindrei badu Judiya mene akohok badu mine iri Juwis rayah ale.

1 Tesalonaika 2:16

tasah iri amekes san ta aturuk ahi, ta sala satiye sahou ta Kindrei sala tiri lau badu leheleh. Handru, iri baso-ok ta Kindrei kakohok iri kame hamon bwe. Eme ma, len marakon badeh, iri amekes kandriyen ndra-in ili solo-an udu le gwek, buku ndramak asuni gwa ili bolo bwesam irek labai, ma anya kamou. Eme ma, Kindrei ibolosen ili tiri, ma maha-an hawe ndramas ndra-in ta kandriyen iri nane amekes, iy ruwaniy eme andri amwenen ili bwele-e iri.