Aposel 17:32 - Nyindrou

³² Eme na len iri anuhun Pol asehek nyala amak eme loken ta imek badeh, iri lau rayah ja badeh, bobose iy. Arile, iri rayah anya, “Ahi anya kanuhun sahou ou nane asehek badeh, ja.”

Aposel 17:32 Referans Kwoze

Aposel 26:8

Buku sah handru, aha rayah abudon buku, taha satehei budon tataha sala ta Kindrei, ta iy kameh mete-ei iri lau ndramak, kameh amak ame awas ja?

Aposel 17:18

Eme oro lau rayah aloh oro Epikuriya ma hawe oro lau aloh oro Stowik ame andres hawe Pol. Oro rayah asehek anya, “Iy ndramak doh ta amou gwa laleyah, anya kasehek nyala sasah kede-eh?” Ya oro rayah anya, “Iy kede-eh asehek nyala iri kindrei rayah badu leheleh nadeh?” Oro asehek i buku doh, tasah Pol nane asehek sahou mwasin ta nyala Jises ndramak ta amak ta imek eme loken.

2 Korin 6:2

Tasah, Kindrei tiye udu bolo buk ndrabun i buku doh, “Jo anuhun ndrelen taha ma jo mene aseben aha ta len jo ndratehei ta amekes i buku doh. Ehe, jo mene aseben aha udu ta len jo ndratehei ta akohok iri mwan ma badih ame hamon.” Aisaya 49:8 Aha kanuhun! Na dah, len mwasin handru ta Kindrei anya kaseben iri mwan ma badih. Ehe, na len dah ale len ta Kindrei anya kakohok taha mwan ma badih kame hamon kado hawen.

Aposel 25:19

Iri atehei iy i ta mada sahou badeh, ta budon ma kandriyen tiri in ta bada kei nane nyaran Jises, Pol asehek ta iy amak ndrame awas ja.

Aposel 24:25

Arile, Pol asehek iri sahou nane ili le, ma iy asehek ta lau ka-en hamon tiri kandriyen mwasin, ma iri katondrok manyah tiri kamwenen, ma iri samekes kandriyen ndra-in. Ma iy asehek ta nyala len hamon, Kindrei kameh seleya manyah ta lau marakon. Peliks anuhun iri sahou doh, ma bwidi iy inoh mara-ei labai. Ma iy tiye Pol i buku doh, “Ou au ai. Buku len rasan ja, jo baraloh ou barame, ma ou barame baratou jo ja.”

Aposel 2:13

Arile iri rayah badeh, bobose oro anya, “Oro kede-eh, a-un waen solo-an labai.”

1 Korin 4:10

Tasah, ta atudun nyara Krais le ari badeh, ahi asahan i buku iri lau bale iri bwe, arile Krais badeh, ndrabwidi aha asahan iri lau ta tanan labai. Ahi se boto-on ma ahi nyamu ahi bwe, arile aha ndrabadok kabwe. Ahi se nyara ahi bwe, arile nyara aha badeh, ndra tinan labai.

Aposel 17:31

Tasah, iy ndrasani len ta iy kameh aleben lau badu kon munyak mari, na ndramak ari mwasin labai iy ndratehei lahou dah ndra minen. Iy badeh ndraleheyani lakou doh ndrasahan handru ndrame len mada lau mari i san ta iy suni iy amak ta imek tan eme loken.”

Tarou ta Luk 14:18

“Arile, iri mari badeh, ari bala bwe, iri anya tiri gok le. Eme iy ari ma mwena eme, tiye anya, ‘Jo badeh, tikisiy handru en, jo barasihinei bilin ranah ai, ya eme jo kili katou op.’

1 Korin 1:23

Arile ahi atiye iri sahou mwasin ta Krais badeh, iri tatahi iy ili bada kei tondreh. Sahou doh badeh, bokoro-ei budon tiri lau Juwis, ma iri atehei kona iri i tan. Ya, iri lau badu leheleh anya, sahou nane doh ta laleyah le.

Aposel 13:41

‘Aha kanyolom, aha lau ta tebelese! Lahou laba tinan tek doh, jo kameh amekes udu bolo ndrokowa aha, arile sebwe aha baso-ok ta anuhun sahou doh bwe, ma aha winiyan batehei budon taha ba-en ta aliy bwe. Aha badeh, anya kasondrokonya, eme ma lakou tado le kameh mani ado atur, ma ado akohok maha-an laba tinan ta aliy.’ ” Habakuk 1:5

Hiburu 13:13

Eme ma taha karuwani iri lau rayah nane anya ka-en hamon ta kandriyen ta salom tiri Juwis. Taha kamani iri, ma kame hawe Jises Krais. Idoh i buku taha ala are manan ale, ma taha kabwese bwilima i buku le iy bwese.

Hiburu 11:36

Oro rayah ja, iri bobose oro, ma a-um oro na malou sakabuk i bek. Ma oro rayah ja, iri bawei oro na sen, ano atehei oro ala bolo asiu lulik.

Tarou ta Luk 23:36

Eme ya iri lau ta bahun ame bobose iy ale. Ma iri adeu waen titi-in i tan,

Tarou ta Luk 23:11

Ano Herot hawe oro lau ta bahun tan bobose iy, ma atehei kolau moroyan i la-un, ma suni iy i hamon hawe Pailat ja.

Tarou ta Luk 22:63

Ya eme oro lau ta ndrokei atondrok Jises badeh, bobose iy ma a-um iy.

Jenesis 19:14

Eme Lot ili badeh asehek ta masa-an oro, ala sudi nadun oro badih. Iy tiye, “Suwi ado kame len ta kon dah, Laban kameh asun kon dah.” Arile udu nadun oro anya badeh iy ibo nyorei le.

Aposel 17:33

Eme ma iy ruwani iri ma iy iu.

1 Korin 15:12

I buku ahi aposel atiye iri sahou mwasin ta nyala Krais imek ano iy amak eme awas ja, buku sah handru lau rayah ado bolo aha asehek anya, iri lau marakon ndramak ndra bwena, iri winiya bamak bame awas ja bwe?