Aposel 17:25 - Nyindrou

²⁵ Ma iy bandriliu ta se lakou badu mine lau katiye ki tan bwe. Tasah, iy le badeh, iy kati ndramak ta edeu koha taha, ma hawe sasah, sasah ja i ta lau mari.

Aposel 17:25 Referans Kwoze

Jenesis 2:7

Ano badeh Laban Kindrei rawi ndren eme loken, ano iy amwekes ndramak na aliy; ano badeh iy aluhi kohan handru i no-on ma ndramak dah asahan awas.

La-ukei ta Pol atorou ili tiri lau badu kon Rom 11:35

“Are lau ndradeu lakou ndra ta Kindrei, ya eme iy kedeu bundruwen ki hamon?” Jop 41:11

Aposel 17:28

Ma, na iy le badeh, taha ado mulin ma adek ala doh, ala doh ma to asahan awas dah. I le buku none lau ta asehek kundruh tado ndrasehek ndra-au anya, ‘Taha badeh, nadun labai.’

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

Aposel 14:17

Arile, iy badeh, leheya mwasin tan eme lewan ta sasah iy amekes: Iy badeh leheya laban tan i san ta iy edeu ur undruk udu kandrah eme andri ma iy badeh, isan len ta nyamon uni ma akohok; ma iy edeu nado nyamon solo-an solo-an ma iy mesekei ndrine ado idih na sekesek.”

Metiu 9:13

Ado kala kabudon kati sahou sokek dah kamwenen, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ ” Hoseya 6:6 Eme Jises anya ja, “Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri kasahan mwasin.”

Metiu 5:45

Ya idah kameh ou asahan nadu Kindrei handru badu loken. Iy edeu an tan anya i bwele-e lau ndra-in ma i bwele-e lau mwasin ale. Ma iy edeu ur tan i bwele-e lau ta kandriyen ma lomondra mwasin, ma i bwele-e lau ta kandriyen ma lomondra ndra-in ale.