Aposel 17:16 - Nyindrou

¹⁶ Na len Pol udu Atens abe-en Sailas uru Timoti, ndrinen isi handru ta kon tinan doh idih na iri sukumada kei, iri amekes solo-an labai.

Aposel 17:16 Referans Kwoze

2 Pita 2:7

Arile, Lot badeh, ndramak mwasin labai ta mada Kindrei, eme Kindrei sebenei iy. Lot anyolom kandriyen ta karei iri mwan le amekes iri, bwilin ama, ma bolo odan eden ta aliy hawe iy liliy. Iri amekes ndra-in labai, ta mada lau mari anyolom badeh, bamwenen ta mada Kindrei bwe.

Tarou ta Mak 3:5

Eme Jises anyolom ili eme i tiri, eme iy ibolosen, arile bwai, ndrinen ale tikisi iri, tasah iri badeh, ndrandra-i ma ndrine iri ndraso. Ano, iy tiye i ta ndramak nane dah anya, “Minem kales!” Eme iy talasei minen ma minen amwenen ja.

Aposel 17:23

Tasah, jo edek bolo kon tinan tado anyolom ndrahune aha ta atudun badeh, jo anyolom tarou ari udu bada koto-ok ta atudun, tiye i buku doh: ‘Ta Kindrei, Ahi Maliye Iy.’ Ya Kindrei ado maliye iy badeh, jo kameh asehek nyala ado na len dah.

Tarou ta Jon 2:13

Ndrame mirihik labai ta len ndrabun tiri Juwis aloh Pasoba ma nyamon tinan anya kasahan, eme Jises iu ili Jerusalem.

Aposel 17:15

Eme oro lau ala hawe Pol badeh, tiyani iy ili isos Atens, ano oro ame hamon ma tuwi sahou ta tiye i ta Sailas uru Timoti, ta uru kame hawen, suwi suwi.

Aposel 17:21

(Eme iri lau mari badu kon Atens ma hawe lau badu leheleh manyah ado doh, na len mari badeh, bamekes se ari lahou bwe. Iri badeh, asehek nyala tanan doh ma anuhun tanan ha-un doh.)

Aposel 18:1

Ano Pol ruwani kon Atens ma iy iu ili Korin.

Aposel 20:22

“Ya na dah jo in hamon ta boho Malawin Ndrabun, jo kameh ili Jerusalem. Ya jo bala tanan ta sasah katok badak udu doh bwe.

1 Tesalonaika 3:1

Ya, aso winiyan babe-en ta anyolom aha ja bwai. Eme ma, aso abudon mwasin ta aru Sailas mala-uh kare Atens Kado.