Aposel 17:15 - Nyindrou

¹⁵ Eme oro lau ala hawe Pol badeh, tiyani iy ili isos Atens, ano oro ame hamon ma tuwi sahou ta tiye i ta Sailas uru Timoti, ta uru kame hawen, suwi suwi.

Aposel 17:15 Referans Kwoze

1 Tesalonaika 3:1

Ya, aso winiyan babe-en ta anyolom aha ja bwai. Eme ma, aso abudon mwasin ta aru Sailas mala-uh kare Atens Kado.

Aposel 18:5

Eme na len Timoti uru Sailas ado Masadoniya ame badeh, Pol eme ruwani lahou tan ta asereh asiu balei, ma atehei budon tan ihis labai ta atiye sahou i tiri Juwis ta Jises badeh, iy Krais handru, ndramak Kindrei atehei iy ta akohok iri lau tan ame hamon.

Aposel 18:1

Ano Pol ruwani kon Atens ma iy iu ili Korin.

Taitus 3:12

Jo kameh tiye ari turu lau ma la-uh doh awek akohok kon tam, Atemas deh Titikus kameh ewek hawem. Ya, i buku none ari turu asahan le badeh, jo aseken ou ame hawek ame kon tinan Nikopolis. Katin ta jo anya ou ame badeh, i buku doh: Tasah, jo ndratehei budon tek ta ili udu doh, na len ta jor ma ur.

Aposel 17:21

(Eme iri lau mari badu kon Atens ma hawe lau badu leheleh manyah ado doh, na len mari badeh, bamekes se ari lahou bwe. Iri badeh, asehek nyala tanan doh ma anuhun tanan ha-un doh.)

Aposel 17:16

Na len Pol udu Atens abe-en Sailas uru Timoti, ndrinen isi handru ta kon tinan doh idih na iri sukumada kei, iri amekes solo-an labai.

Aposel 15:3

Ya eme iri lau ta Kindrei badeh, suni uru au. Ya udu bolo tekedek turu badeh, uru ala bolo kon Ponisiya ma bolo kon Samariya asehek nyala iri ta iri lau badu leheleh badeh, ndratubuni ndrine iri ta kandriyen ndra-in. Eme sahou mwasin doh badeh mesekei iri lau ta budon handru sekesek laba tinan labai.

Aposel 17:14

Eme na le liliy nadu tine Pol oro ame badeh, suni iy ili mada ndras. Arile, Sailas uru Timoti are Beriya are gwek.

Aposel 17:22

Ano Pol ales udu loken ta ndrahu tukum tiri aloh Areyapakus doh, ma tiye anya, “Ado lau badu Atens! Jo anyolom ta bolo lahou tado mari, ado lau ta atudun iri kindrei solo-an.