Aposel 17:11 - Nyindrou

¹¹ Ya eme iri lau badu doh badeh, budon tiri aleu labai ja tiri lau badu Tesalonaika. Tasah, iri badeh, atehei ndranye iri ta anuhun sahou tinan labai, ma na len mari mada iri udu ta tarou anya kanyolom Pol asehek sahou handru deh wasai.

Aposel 17:11 Referans Kwoze

Tarou ta Jon 5:39

Aha abo gok ta asilah sahou iri torowenei udu bolo buk ndrabun, tasah budon taha anya, iri sahou doh kameh adeu taha kohan handru udu le buku doh. Idoh mwasin, arile sahou iri ndratorowenei badeh, nyarak udu aliy, ma kohan handru ale badeh, udu ndra hawek.

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

Metiu 13:23

Arile, iri buwa wit ale taku in munyak mwasin badeh, i buku le iri lau anuhun sahou ta Kindrei, ya iri tanan katin handru. Eme ya iri ato-ou sali iri, ra-on ato-ou rinek (100), ra-on ndro hanoh (60), ra-on tonoh (30).”

1 Tesalonaika 1:6

Aha badeh, a-en hamon le ta kandriyen taso, ma ta kandriyen ta Laban ale. Lakou i buku doh: Udu bolo len aha anuhun sahou ta Kindrei, ma aha a-en hamon ta aliy, iri lau amekes ndra-in ewek taha, ma maha-an solo-an asahan taha. Arile, ndrine aha baden ta aliy bwe. Eme ma, Malawin Ndrabun suruni aha, ma bwidi aha sekesek.

Tarou ta Jon 3:21

Arile, are lau iy in hamon ta kandriyen mwasin, badeh iy ndrala mirihik ta sun, ma sun kameh anya i lomadan, ma leheyani gok nane iy amekes, in hamon ta boto-on ta Kindrei.”

2 Tesalonaika 2:10

Ta kandriyen solo-an doh, iy kameh wendreya iri lau ta ala bolo jih ta andrakak au. Buku iri lau doh mene aso-ok ma anya kanuhun sahou handru, badeh kameh Kindrei winiyan akohok iri ame hamon. Arile, iri baso-ok bwe.

1 Pita 2:2

Taha tana taha ta iri nah nadu bwisik badeh, anya ka-un le sur ta tine iri. Aha ka buku none le iri nah bwisik aso-ok sahou mwasin ta Kindrei, ta aseben aha ta ateh na len mari. Ya sahou tan doh bamalin ba-en bolo sahou ta wasai badu munyak dah bwe, sahou doh kameh mesekei aha ado mwasin hawen.

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Jemis 1:21

Eme ma, aha badeh, karuwani iri kandriyen ndra-in ta karei ma lomondra ndra-in nadah asahan solo-an labai udu bolo ndrine iri mwan ma badih. Ma aha katehei aha ka-au ka andri mara-ei ta akohok sahou nane Kindrei ndratahiy udu bolo ndrine aha. Sahou le doh badeh, winiyan andrei malawi aha mara-ei eme hamon ja.

Aposel 10:33

Eme jo suni oro awek suwi ta atou ou, ma mwasin handru ta ou ame. Ya abo, aso mari kada-ah are mada Kindrei ta anuhun sasah Laban tiye ewek tam ta asehek eme taso.”

Aposel 2:41

Eme iri lau solo-an badeh, atehei budon tiri handru i ta sahou tan ma anyuwi oro. Ya kane iri lau mari nane doh, i buku none tuluwi (3,000) i bwele-e iri lau rayah na len doh.

Aposel 17:1

Uru adek ame bolo kon Ampipolis hawe kon Apoloniya ma ame asos kon tinan Tesalonaika. Ya udu kon doh badeh, ndrahu tukum tiri Juwis udu aliy.

Aposel 11:1

Oro aposel hawe nadu tine oro badu loboho Judiya anuhun iri lau badu leheleh ale ndrandrei sahou ta Kindrei.

Tarou ta Luk 16:29

“Eme Abraham anya, ‘Sahou ta Moses hawe sahou tiri propet badeh, ndrawek toro; Eme nadu tinem oro badeh, kanuhun sahou doh!’

Tarou ta Luk 1:2

Oro atorou ta nyala lakou mene to ndranuhun bwena mene ndra-au. Ya lakou doh mene, oro atou na mada oro amwenen, udu ndra bada katin eme, eme ma oro a lohowan ta atiye.

Tarou ta Luk 11:3

Ou atehei nyamon ki le winiyan ta aso kaimon, na len ari ari.