Aposel 17:1 - Nyindrou

¹ Uru adek ame bolo kon Ampipolis hawe kon Apoloniya ma ame asos kon tinan Tesalonaika. Ya udu kon doh badeh, ndrahu tukum tiri Juwis udu aliy.

Aposel 17:1 Referans Kwoze

Pilipai 4:16

Na len jo mene udu Tesalonaika ya jo aseken lakou, ado baruwani jo bwe.

1 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika. Aha lau mwan ma badih ta tama taha Kindrei, aso aso-ok Kindrei hawe Laban Jises Krais, uru katikisi aha, ma ndrine aha kudu mwasin.

2 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika.

Aposel 20:4

Ya oro lau a hawen badeh, nadu Pirus nyaran Sopater badu kon Beriya, Aristakus hawe Sekundus badu kon Tesalonaika, ya Gayus badu kon Debi, ma hawe Timoti, Titikus ma hawe Tropimus badu kon munyak Esiya.

2 Timoti 4:10

Demas badeh, atehei budon tan in tiri lakou mara-ei badu munyak, iy ndraruwani jo, ma iy ndra-au ndrala Tesalonaika. Ya Kresens badeh, ndra-au ndrala Galesiya. Ya Taitus ndrala Dalmesiya.

Aposel 27:2

Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 17:11

Ya eme iri lau badu doh badeh, budon tiri aleu labai ja tiri lau badu Tesalonaika. Tasah, iri badeh, atehei ndranye iri ta anuhun sahou tinan labai, ma na len mari mada iri udu ta tarou anya kanyolom Pol asehek sahou handru deh wasai.

Aposel 16:13

Eme na len ta amunyau badeh, aso ame manan ta madasan tinan ta kon tinan ame kapa gwa anya katakaleh ndrahune kon ta asolom. Ya eme aso manyah ado andri ma asehek sahou i tiri badih atukum ame loboho doh.

Aposel 15:21

Tasah, ndra bwena labai eme taku len dah, iri atiye sahou ta Moses mene torowenei udu bolo buk tan, ma udu bolo kon mari iri kandriyen malen ta batanau doh, ndrabwena labai udu aliy, ma udu bolo len mari ta tukum badeh, iri asehek ma aloh udu bolo asiu ta atukum tiri Juwis mara-ei. Eme ma iri tanan, buku iri lakou mara-ei doh, ndrabun handru.”

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 17:10

Ano kon ilik le badeh, oro lau ta Kindrei suni Pol uru Sailas au ala kon Beriya. Uru ala asahan badeh, uru ala ndrahu atukum tiri Juwis.

1 Tesalonaika 2:2

Aha marakon ndratanan, aso mene are Pilipai badeh, iri lau atikah aso, a-um aso, ma aso akohok sisi-in ma maha-an tinan labai ta aliy. Arile, Kindrei tataha ales udu hawe aso, ma atadau ndrine aso, ma aso barou bala hamon, ta bahun nane doh bwe. Aso abadok labai, ma adek ame hawe aha, ma asehek sahou mwasin ta Kindrei ewek taha.