Aposel 16:4 - Nyindrou

⁴ Ya eme oro adek ala bolo kon tinan rakon ala rakon badeh, tiye tanan i tiri lau ta budon handru ta batanau oro aposel hawe oro batun tiri lau ta Kindrei ndrasehek ta aliy, udu Jerusalem nyala iri lau, ma iri ka-en hamon ta aliy.

Aposel 16:4 Referans Kwoze

Aposel 15:2

Sahou doh le badeh, mesekei Pol uru Banabas andres boto-on boto-on ma hawe asehek sahou nyarahan labai i toro. Ya eme iri lebelei Pol uru Banabas ma hawe lau rayah ta budon handru ala hawe uru, ya oro ala Jerusalem, ala atou oro lau ta a-en hamon ta Jises, hawe iri batun tiri lau ta budon handru, ta lelen iri ta tanan doh.

Aposel 15:6

Eme iri aposel hawe iri batun tiri lau ta Kindrei atukum ase badeh, anyolom bolo budon nane doh.

Aposel 11:30

Oro amekes budon doh ano badeh, oro atehei luk i mine Banabas uru Sol, ma uru tiyani ili tiri lau ta Kindrei nane ado Jerusalem.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.