Aposel 16:26 - Nyindrou

²⁶ Eme nawin bwe, kon totoreh ma sali asiu nane dah nyukunyok. Eme madasan mari ta bolo kou dah asak, ma kati iri lau mari udu bolo sabar dah asoh.

Aposel 16:26 Referans Kwoze

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Aposel 5:19

Arile, na ben badeh, angelo ta Laban eme sihi iri madasan ta i bolon asak ma kuhi oro ame len,

Aposel 12:10

Uru adek ame sakalawi ndramak ari ta ndrokei i hamon, ano uru ame sakalawi iy ari ja, ma uru ame asahan madasan amekes na hayen, madan i kon tinan. Eme madasan dah asak laleyah turu, ma uru ame manan. Uru adek san kakan lawe-en sese, ma se nawin bwe angelo doh amai iu laleyah.

Aposel 12:7

Eme nawin bwe badeh, angelo ta Laban ari asahan, ma lomadan lomatani bolo kou dah. Iy tukuhi kabede Pita ma mete-ei iy amak anya, “Ou suri ou suwi!” Eme badeh, sen asoh laleyah bada bobwan tan.

Metiu 28:2

I le mani tur, munyak nyukunyok ili eme, ya angelo ari badu kandrah eme andri ma susuwini bek badu mada lek iu i len. Ano iy ili manyah udu aliy.

Rebelesen 11:13

Se nawin bwe ja, na le liliy, ndroi laba tinan mara-ei labai asahan, ma kon tinan ranah ma buruwen atohou iu. Idoh i buku apou kon tinan doh i ronoh, ya ranah ma buruwen atohou iu, ma iri lau ma ndru tuluwi (7,000) amak. Eme ma iri lau mwan ma badih nane arah ado badeh, anyolom ma bwidi iri anoh mara-ei, ma iri nyowonya iri kandriyen ndra-in tiri, ma tubuni ndrine iri, eme ma iri atudun nyara Kindrei, iy udu kandrah.

Rebelesen 6:12

Idoh ano le badeh, jo anyolom Nadu Sipsip ta Kindrei asoh tobwe ari ja nane tobo-ei buk iu. Idoh ili asahan i buku onoh ai. Iy amekes i buku doh, ma jo atou ma atona ndroi tinan labai asahan kon munyak. Ma mada an ilik, ma asahan i bokodon mara-ei, i buku kolau bokodon, ma mada bun ale asaram, ma asahan i saraman i buku ndra.