Aposel 16:25 - Nyindrou

²⁵ Eme i ndrukulu ben alih badeh, uru asolom ma ayah wari ta atudun Kindrei. Ya eme iri lau rayah are bolo kou i buku uru badeh, anuhun uru ayah wari.

Aposel 16:25 Referans Kwoze

Jemis 1:2

Ya, ado nadu tine, buku iri none ndra-in solo-an asahan tado, mwasin ta ado kasekesek le.

La-ukei ta Pol atorou ili tiri lau badu kon Rom 5:3

Taha basekesek ta idoh le bwe. Taha winiya sekesek ta iri maha-an asahan tataha ale, tasah taha tanan, iri maha-an doh badeh aseben ta amekes ndrine taha abadok.

Hiburu 5:7

Len ta Jises mwena mene iy edek udu ndra kon munyak, iy amekes iri salom ma iy asolom ili ta Kindrei. Iy tanan idah kameh Kindrei winiyan aseben iy ta iy winiyan bamak bwe. Eme ma iy asolom ma eden boto-on labai ili tan. Iy anuhun ndrelen ta nadun, tasah iy atehei iy mara-ei iu ili andri labai.

Epesus 5:19

Ma aha kayah wari hawe iri lau ta Kindrei. Aha kayah wari ta Debit, ma iri wari rayah ja ta atudun Kindrei, ma kayah bolos ta Malawin Mwasin ta Kindrei atehei udu bolo ndrine aha kili ta Laban.

Kolosi 1:24

Na bolo len dah badeh, jo udu bolo asiu lulik, arile jo sekesek ta akohok sisi-in, tasah lakou dah aseben aha. I buku doh: Krais anya, jo kameh bwese sisi-in udu bolo len, ta jo anya katiye sahou mwasin ta aseben iri mwan ma badih ta Kindrei. Lau ta Kindrei doh a buku bada Krais. Eme ma, jo aso-ok sisi-in doh Krais ndraleheyaniy ndrame tek badeh, kaseben iri mwan ma badih ta Kindrei.

La-ukei ta Pol atorou ili tiri lau badu kon Rom 12:12

Na len ou anyolom bohon i bwena ta lakou Jises kameh edeu tam badeh, ou sekesek. Buku none maha ma isi katok tam, ou sanunu-uh ma ou ado le. Ma, na len mari, ou amekes salom ma ou ado le ta salom; ou sabudon anya Kindrei kameh winiyan bamesekei bwe, ndri-iy.

1 Pita 4:14

Aha kasekesek buku none iri lau asehek sahou ma aluhe aha. Tasah, aha badeh, an hamon ta Krais. Ma moson ta aliy i buku doh: Malawin Ndrabun ta Kindrei badeh, nyaran tinan, ya iy boto-on labai, ma iy ereu la-u aha handru.

Pilipai 2:17

Ado mene atehei ado a nyara salom ala ta Kindrei kabatana ado atehei budon tado handru i ta sahou tan. I buku none iri pris adeu lakou i ta salom. Eme ya, ki buku none ndrayek kamou ya jo kimek, idoh kameh i nyara kalem ta sekesek tek ewek tado ta lowosa salom tado. Idoh kameh i nyara kalem ta salom, iri pris asolou waen i ta salom, ta edeu sendrehendreh ta salom mari ano. Ma idah kameh, Kindrei anyolom ma iy kameh sekesek ta aliy.

2 Korin 6:10

Ahi badeh, atona maha-an solo-an labai, arile idoh kameh winiyan basani sekesek tahi bwe. Ahi bateu lakou solo-an badu kon munyak dah bwe, arile ahi adeu lakou ili tiri mwan ma badih ta aseben budon tiri handru kabadok. Ya, ahi badeh, bateu ari lakou bado mine ahi ja bwe. Ahi badeh, tawi iri lakou solo-an labai badu kon ta Kindrei.

Aposel 5:41

Eme oro aposel ame len ta mada iri kansol ma sekesek tinan labai ta Kindrei badeh, ndranyulumwi oro badeh, mwasin labai ta bwese maha-an ta nyara Jises.

Jemis 5:13

Buku ndramak ari tado bwese maha-an, mwasin ta iy kasolom kili ta Kindrei. Buku ndrine iy ari badeh, sekesek, mwasin ta iy kiyah wari ta atudun nyara Kindrei.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Aposel 16:19

Eme oro lau tan nane atanan ta san ta akohok toro luk badeh, ndrano, oro ame tawi Pol uru Sailas, ya seheyani uru ame lohalak ndrahu kon ta anuhun sahou, ame mada iri lau ta atondrok kon.

Aposel 16:33

Eme na le liliy na ben doh, ndramak ta ndrokei doh kuhi uru ma sikine ndrana turu; ano na le liliy, iy ma hawe lowan oro alomwa oro a gwa.