Aposel 16:2 - Nyindrou

² Iri lau ta Kindrei badu Listra ma Ikoniyum mara-ei badeh, masiye Timoti.

Aposel 16:2 Referans Kwoze

2 Timoti 3:15

Eme ma, ou ale tanam lakou doh: Ou mene ma nadu nah bwisik kahis, tinem mene leheya ou, ma ou akohok tanan ma bwena ta buk ndrabun. Ou tanam, buk ndrabun dah winiyan ta edeu budon mwasin ewek tam, ma Kindrei kameh andrei ou ame hamon. Tasah, ou atehei budon tam mara-ei in ta Krais Jises.

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

Hiburu 11:2

Budon ta tubu taha iri handru in le ta Kindrei, eme ma bwidi iy sekesek tinan labai.

2 Timoti 3:11

Ou ndratanam ale ta iri kandriyen iri lau amekes eme tek, ma ta iri sisi-in ndra-in handru jo akohok udu kon Antiyok, Aikoniyam ma Listra. Ou ndratanam iri maha-an solo-an iri adeu eme bwele-ek, arile jo bwese-ei. Laban ndratalawei maha-an marakon udu bwele-ek doh ndra-au ndrala len, ma jo udu mwasin ja.

1 Timoti 3:7

Nyaran badeh, ki mwasin ta ndranye lau mari. Ya, ki buku none bwe, badeh kameh iy akohok bwilima ma balik kameh sawei iy.

Aposel 16:40

Eme uru ala asiu ta Lidiya, batanau iri lau nane atehei budon tiri handru in ta Jises, ma iri kabadok, ano ma uru au ai.

Aposel 14:21

Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Aposel 13:51

Eme uru atoroh kasu ndren ta bada kati uru iu ta leheya budon turu i tiri, ma uru ruwani Antiyok ma au ala Ikoniyum.

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

1 Timoti 5:25

Idah kameh, i le buku none kandriyen mwasin kameh winiyan bamai bwe; ma hawe kandriyen aton kameh winiyan bamai bwe.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 14:6

Arile, uru takalahei tanan tiri doh, ma eme uru atobwak au ala kon tinan Listra hawe Debi, udu kon tinan Likoniya, ma hawe uru ala loboho kon munyak doh ale.

Pilipai 2:22

Arile ado ndranyolom kandriyen ta Timoti ai. Iy ndraleheya ndrame lewan tado, ta iy badeh, winiyan. Iy mene amekes lahou hawek i buku ari nah amekes lahou udu baha taman, amekes lahou ta sahou mwasin.