Aposel 16:18 - Nyindrou

¹⁸ Eme iy amekes lahou tan doh badeh, len solo-an labai. Ya eme Pol eme ndrinen isi ta aliy, eme iy tubuni iy ma tiye sahou i ta malawin ndra-in anya, “I san ta boto-on ta nyara Jises, jo tiye ou ame len ta la-u badih badeh!” Eme na le liliy, malawin ndra-in udu bwele-en eme len.

Aposel 16:18 Referans Kwoze

Tarou ta Mak 16:17

Idah kameh kalem asahan ta are lau budon tan handru in ta aliy. Na boto-on ta nyarak le, iri kameh atikah malawin ndra-in iu, ma idah kameh iri asehek boho kon rakon ja nane iri tana iri bwena bwe.

Aposel 9:34

Eme Pita tiye i ta Aneyas anya, “Jises Krais ndramesekei ou ndramwenen. Ou suri ou, ma ou lukumwi kin tam.” Eme, se nawin bwe, iy suri iy eme loken.

Aposel 3:6

Ano Pita anya, “Aru badeh, luk ta anyohan ou bwe. Arile, sasah taru udu aliy kada-ah, aru kameh atehei ewek tam. Na boto-on ta nyara Jises Krais badu Nasaret badeh, ou suri ou, ma ou adek.”

Tarou ta Mak 1:34

Eme Jises mesekei iri lau, saba sik udu tiri badeh, amwenen ja, ma tikahei iri malawin ndra-in solo-an au. Eme iy tiye iri malawin ndra-in kandru-uk le, tasah iri tanan iy.

Kolosi 2:15

Ma iy tolowei boto-on ta tinan tiri malawin marakon, ma iri lakou boto-on rayah ja. Ma, na gok ta Krais amekes udu bada kei tondreh, Kindrei ndrasakalawi iri, ma bwidi iri asahan buku lakou laleyah ta mada iri lau marakon.

Tarou ta Luk 9:1

Ano, Jises luhi oro lau tan ma ronoh la-uh ame hawen, ano iy edeu boto-on i toro, ta atikah iri malawin ndra-in ka-au hawe edeu boto-on i toro, ta amekes iri lau sik udu tiri kamwenen.

Metiu 14:24

Ndron ndra-au ndrala len labai, ma jor ale udu bwena eme ma bayau nyokoda ndron andra-i labai.