Aposel 16:17 - Nyindrou

¹⁷ Iy doh badeh, edek in hamon ta Pol hawe aso marakon, ma iy aloh anya, “Oro lau dah ala tiye sahou ta koha ado kameh udu le buku doh, badeh, oro lohowan ta Kindrei ere bwele-e kindrei mari badu loken.”

Aposel 16:17 Referans Kwoze

Tarou ta Jon 14:6

Jises eme tiye sahou i ta Tomas, “Jo le ari jo san handru, ma jo kati iri sahou handru, ma kati kohan handru kameh udu le buku doh. Ari ndramak winiya bala hawe tama, bala rasan san ja bwe. Iy kameh keme badak bwena.

1 Pita 2:16

Kindrei ndrasihinei aha, ma aha ba-en bahandra ari kandriyen ndra-in badu munyak dah ja bwe. Eme ma aha satehei budon buku none ari ndramak ereu laleyah, ma aha amekes kandriyen ndra-in, ndri-iy. Kindrei konohei aha ndrame hamon, ma aha tan amwenen. Eme ma aha ka-en hamon ta budon tan, ma kamekes gok tan amwenen. Iy baso-ok aha ala hamon ta kandriyen ndra-in ja bwe.

Tarou ta Mak 5:7

Eme Jises tiye i tan, “Ou malawin ndra-in, ou ame len ta ndramak badeh.” Eme iy anyar bohon i tinan anya, “Jises Nadu Kindrei, ou anya amekes sasah keme tek? Jo tandrakan ta nyara Kindrei, ou samekes sisi-in same tek.”

Tarou ta Luk 4:41

Ma hawe iri malawin ndra-in solo-an ado la-u iri lau anyar ame len, tiye i buku doh, “Ou badeh, Nadu Kindrei.” Arile, iy tiye iri kandru-uk le, tasah iri ndratanan, iy badeh, Krais.

Tarou ta Luk 4:34

“Ei! Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei!”

Tarou ta Luk 1:79

Ma anya udu kandrah eme la-u iri lau badu heh, badu heh, are bolo lulik ta imek, ma leheya san ta kati taha, eme san mwasin ta bahun bwe.”

Jona 1:9

Ano Jona tiye i toro, “Jo badeh badu Hiburu. Jo inoh Laban Kindrei badu kandrah. Iy badeh Kindrei, iy bwidiy ndras ma kon munyak.”

Aposel 19:13

Eme iri Juwis rayah adek ala anya katikah iri malawin ndra-in ado la-u iri lau ka-au na boto-on ta nyara Laban Jises. Eme iri badeh, tiye i buku doh, “I san ta nyara Jises i buku none Pol asehek, jo tiye ou ame len.”

Aposel 18:26

Eme iy asehek sahou nyarahan nyarahan udu ndrahu tukum tiri Juwis. Eme Prisila uru anuhun iy badeh, uru kuhi iy eme asiu turu ma leheya iy amwenen na bolo sahou ta Kindrei le gwek.

Tarou ta Luk 20:21

Eme ya oro lalou lelen Jises anya, “Ndramak ta leheya, aso badeh, tanan sasah ou leheya kede-eh, ndra handru le ai, ma ou badeh, banoh are ndramak bwe. Ou badeh are le alih turu. Tasah, ou badeh, leheya san ta Kindrei handru i tiri lau.

Tarou ta Luk 1:77

ma atiye sahou tanan i tiri lau tan ta nyala seben, ndrame. Ya iy kameh balen mani karei ma lomondra ndra-in tiri.

Tarou ta Mak 12:14

Eme iri ame hawen ma anya, “Ndramak ta leheya, ahi tanan, ou lau ta asehek sahou handru, ma ou banoh are ndramak bwe. Ya ou asehek sahou ari le ili tiri lau mari, buku ndramak nyaran tinan, deh, ndramak iy nyaran bwe, ya ou badeh, leheya san handru ta Kindrei. Ou abudon i buku sah? Mwasin ta taha kadeu takis ki ta Sisa, deh, ndri-iy?”

Tarou ta Mak 1:24

Eme iy aloh, “Jises badu Nasaret, ou anya amekes sasah keme taso? Ou ame dah ta adai aso kamak ai? Jo tanan ou are handru kede-eh, ou badeh, ndramak ndrabun ta Kindrei.”

Metiu 22:16

Iri suni oro ra-on tiri hawe oro lau ra-on ta Herot, ala atou Jises, ma oro tiye tan i buku doh, “Ndramak ta leheya, aso tanan, ou lau ta asehek sahou handru. Ya, na sahou handru ou ale leheya iri lau mwan ma badih ta kandriyen ta Kindrei. Ou banoh ta ari ndramak bwe. Ya, ou asehek sahou ari le ili tiri lau mari, buku ndramak nyaran tinan, deh, ndramak iy nyaran bwe.

Metiu 8:29

Eme ya uru ndremenya Jises ma uru arah i buku doh, “Ou Nadu Kindrei, ou anya amekes sasah keme taru? Ou ame dah ta adeu sisi-in eme taru, bwena ta len amwenen ta aliy?”

Tarou ta Luk 8:28

Eme iy atou Jises le badeh, iy anyar ma aluh i andri udu mada Jises ma iy aloh i tinan i tan anya, “Jises, Nadu Kindrei badu loken, ou anya amekes sasah keme tek? Ndri-iy, ou samekes sisi-in same badak!”

2 Pita 2:2

Iri lau solo-an labai kameh a-en hamon ta kandriyen ta karei ma lomondra ndra-in tiri, ma bwidi iri lau rayah ja amekes sahou wasai ili bolo sahou handru.