Aposel 16:15 - Nyindrou

¹⁵ Eme iy hawe lowan oro mara-ei badeh, alomwa oro, ya eme iy kuhi aso ala asiu tan. Ma eme iy tiye i taso ma indrek aso anya, “I buku none ado lomondra jo badih ta budon handru i ta Laban eh, ado kame kado asiu tek.”

Aposel 16:15 Referans Kwoze

Aposel 11:14

Iy kameh tiye sahou tam ma hawe oro lowam mari. Ma na sahou doh Kindrei kameh sebenei ado.’

Hiburu 13:2

Aha samaniy ta asumon iri lau badu kon leheleh ame bolo kon tam. Aha ndratanan, bwena mene iri lau rayah amekes i buku aliy, ma iri andrei iri angelo rayah ala asiu hawe iri, ma tondrokei iri. Arile, iri bala tanan ta angelo eme bwe, iri anya ndra ndramak awas le ai.

Aposel 16:33

Eme na le liliy na ben doh, ndramak ta ndrokei doh kuhi uru ma sikine ndrana turu; ano na le liliy, iy ma hawe lowan oro alomwa oro a gwa.

Tarou ta Luk 24:29

Arile, uru anya, “Ei, ou anya a heh? Ou amadin hawe aru na ben dan op, mirihik kon eben ai.” Eme iy eme hamon hawe uru.

Jenesis 19:3

Arile iy andresei uru ma uru ala asiu tan. Ano Lot tiye oro lau ta lahou tan mwesekei jabi ramen yis bala bolon bwe i nuru lau dah.

3 Jon 1:8

Eme ma, taha lau ta Kindrei badeh, kaseben iri lau buku doh. Na kandriyen le doh, taha marakon kameh amekes gok i se ta atiye sahou handru ta Kindrei.

3 Jon 1:5

Wurah lomadam, kawas tek, ou badeh, amekes gok mwasin labai ta aseben iri nadu tine taha rayah na len iri adek san ma atiye sahou ta Laban. Ou tanam iri bamwenen bwe, arile ou amekes mwasin ili tiri.

1 Pita 5:12

Sailas badeh, iy nadu tine ari ai. Iy badeh, aseben jo ta atorou sahou tek in bolo la-ukei mo-on dah. Eme ma jo atehei ewek taha. In bolo la ukei dah, jo anya kaliu budon taha keme loken, ma jo asehek sahou handru ewek taha. Sahou jo atorou, hawe budon aha tawiy badeh, asahan ta tikisiy ta Kindrei nane, ma hawe kandriyen mwasin, iy amekes ewek taha. Eme ma, aha kales boto-on ta aliy.

Pilemon 1:17

Ya, i buku ou abudon jo kawas tam handru ta lahou ta Krais, ou andrei Onesimus kewek hamon, ma ou amekes mwasin ki tan, buku le jo mene ewek hawem, ma ou amekes eme tek.

Pilipai 1:7

Ado badeh, adek ma badu hawek handru en, ta atiye sahou mwasin ta nyala Jises Krais. Eme badeh, jo atona i buku doh, ewek tado ta tikisiy ta Kindrei weleyani eme tato mari. Ya jo udu bolo kou kada-ah ma hawe jo mene ales udu ta sahou badeh, jo batotoreh bwe, jo tiye sali sahou amwenen i toro. Ma jo tiye sahou boto-on i toro ta nyala Jises Krais badeh, wasai bwe, handru.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

Galesiya 6:10

Eme ma, na madasan mari Kindrei sihiy, taha kamekes kandriyen mwasin ki ta lau mari. Arile, ma hutuwen badeh, i toro lau ta Kindrei le, ala budon toro ihis handru.

2 Korin 12:11

Sahou nane jo amekes ta atudun nyarak, idoh i buku sahou ta ndramak lolo-ou. Jo bwalek ta asehek, arile aha badeh, bwidi ndrinek ta amekes. Tasah, aha amwenen batudun nyarak bwe. Idoh mwasin, aha amekes i buku doh. Arile, bwe. Jo ndramak laleyah, arile jo sakalau iri lau ta wasai mara-ei nane aha aloh iri, “aposel mwasin handru.”

2 Korin 5:14

Iri lakou marakon ahi amekes badeh, ta aseben ahi bwe. Tasah, tikisiy hawe so-ok ta Krais badeh, tutuni ahi ta amekes gok tan. Tasah, ahi ndratanan ta lakou ari le dah: Ndramak ari le tubuni taha ma iy ndramak, ma idoh i buku taha marakon amak ta iri lakou taha amekes mwena.

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

2 Jon 1:10

Buku ari ndramak eme hawe aha, ya iy basehek sahou mwasin, bala buku Jises asehek bwe, ado badeh, sasumon iy, ma sakohok iy sawek asiu hawe ado.

Aposel 18:8

Eme ndramak ta mwena ta atondrok ndrahu tukum tiri Juwis nyaran Krisipus ma lau mari badu asiu tan badeh, atehei budon toro handru i ta Laban; ma hawe iri lau solo-an badu Korin anuhun sahou Pol asehek badeh, ma iri atehei budon tiri handru i ta Laban ma Pol alomwa iri.

Aposel 8:38

Eme iy tiye oro hos tan aliu sau dah udu rasi. Ano Pilip hawe iy ndramak dah, uru ame andri a gwa, ma Pilip alomwa iy.

Aposel 8:12

Arile, na len Pilip tiye tiri ta sahou mwasin ta nyala tondrok ta Kindrei ma hawe nyara Jises Krais, iri mwan hawe iri badih badeh, atehei budon tiri in ta sahou ta Pilip, ma alomwa iri.

Tarou ta Luk 14:23

“Ano ja, ndramak ta kati nyamon dah, tiye i ta lohowan tan anya, ‘Ou ala loboho san tinan hawe san bwisik hawe lobwilis badeh, tiye iri lau kame, ya bolo asiu tek kidih.’

Metiu 10:41

Buku none are lau akohok ari propet ta Kindrei, ma nyowo-ei iy udu asiu tan, hamon kameh Kindrei akunoh iy, buku le sihine iri lau ta atiye bohon. Ya buku none are lau akohok iri lau mwasin ili asiu tan ma anyo-ou iri, hamon kameh Kindrei akunoh iri buku le sihine iri lau mwasin.

Jenesis 33:11

Abo, ou andrei lakou tek jo andrei eme hawem dah; Kindrei badeh tikisiy jo labai, eme iy badeh atehei lakou mari dah eme tek.” Jekop eme andresei iy, andresei iy ma iy andrei.

Metiu 3:6

Eme ma iri asehek budon ma lomondra ndra-in ta karei tiri i ta Kindrei, ma iy alomwa iri ta sikine kandriyen ndra-in tiri iu udu gwa Jodan.

Aposel 16:31

Eme uru anya, “Ou atehei budon tam handru ki ta Laban, idah kameh koham udu le buku doh ma hawe lowam oro.”

Aposel 16:34

Ano iy andrei uru ala asiu tan mesekei nyamon i nuru. Ma oro lowan mari badeh, sekesek tinan handru, tasah oro badeh, ndratehei budon toro handru ndra-en ta Kindrei.