Aposel 16:14 - Nyindrou

¹⁴ Eme udu bolo iri badih nane anuhun sahou doh badeh, badih ari nyaran Lidiya udu aliy. Iy badeh, lahou tan ta asih kolau saraman iri amekes awin moroyan na aliy. Iy badu kon tinan Tayataira, ma iy atehei budon tan mara-ei i ta atudun Kindrei. Eme Laban mesekei ndrinen badeh, aseken labai ta anuhun sahou ta Pol asehek.

Aposel 16:14 Referans Kwoze

Tarou ta Luk 24:45

Ano, iy amekes budon toro aleu na sahou ta Kindrei.

Rebelesen 3:20

‘Aha ndranyolom jo! Jo ales udu kona kou, ma jo alim kou. Buku are lau, iy anuhun bohok, ma iy sihi kou, jo kameh ili bolo asiu hawen, ma aimon nyamon hawen, ma iy aimon nyamon hawek.

La-ukei ta Pol atorou ili tiri lau badu kon Rom 9:16

Ya eme Kindrei lebelei lau badeh, ba-en hamon ta seken ta ndramak, ma hawe ba-en hamon ta lahou bwe; arile idoh badeh, na tikisiy ta Kindrei le.

Pilipai 2:13

Tasah, Kindrei le badeh, edeu boto-on i tado ta amekes lomondra mwasin ta sasah iy aseken ado ta amekes ma edeu boto-on i tado ta amekes.

Aposel 11:21

Eme boto-on ta Laban badeh, udu la-u oro, eme lau solo-an badeh, atehei budon tiri handru ma tubuni ndrine iri ja i ta Laban.

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

Aposel 18:7

Ano Pol udu ndrahu tukum tiri Juwis eme len badeh, iy iu ili asiu ari udu mirihik le, ili hawe Titiyus Jastus. Iy badu Juwis bwe, arile iy badeh, ta atudun Kindrei.

Rebelesen 1:11

Ma iy asehek i buku doh, “Lakou mara-ei, ou anyolom, ou torowenei kili bolo buk, ano ou atehei kili tiri mwan ma badih ado kon ma ndro taloh udu bolo Esiya. Ou atehei ari, ari kili tiri kon mara-ei doh: Epesus, Semena, Pegamum, Tayataira, Sadis, Piladelpiya ma Leyodisiya.”

Aposel 10:2

Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

Aposel 8:27

Eme iy edek ili badeh, ndruni ndramak ari badu Itiyopiya. Iy badeh, ndramak ari tinan ta atondrok lakou mwasin mwasin ta kabin badih badu Itiyopiya nyaran Kandasi. Iy badeh, mene ili Jerusalem ta atudun Kindrei.

Tarou ta Jon 12:20

Oro Grik rayah ado bolo iri nane ala ta salom ta nyamon tinan doh ale.

Aposel 13:43

Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”

Aposel 13:50

Arile, iri Juwis ala badeh, sosokei oro lau ta bwena ta kon tinan nane doh, ma hawe sosokei oro badih rayah tinan ta budon. Eme ma budon toro andra-i ta anya kadai Pol uru Banabas ma mesekei uru au ta loboho doh.

Aposel 16:40

Eme uru ala asiu ta Lidiya, batanau iri lau nane atehei budon tiri handru in ta Jises, ma iri kabadok, ano ma uru au ai.