Aposel 15:9 - Nyindrou

⁹ Iy badeh, bamesekei iri bala randrah ja tato bwe; iy badeh, sikine ndrine iri amwenen i san ta budon handru tiri le.

Aposel 15:9 Referans Kwoze

Epesus 3:6

Ma sahou i buku doh: Na le sahou mwasin, aha mwan ma badih badu leheleh winiyan asahan rabuk le, ma aha a le se hawe ahi lau badu Isra-el. Eme ma taha marakon kameh winiyan akohok iri lakou Kindrei ndratandrakan ta edeu eme tataha mwan ma badih ahis hawe Jises Krais.

Aposel 10:28

Eme iy tiye i tiri i buku doh, “Ado badeh, tanan idoh badeh, ba-en hamon ta batanau malen bwe, ta ahi lau badu Juwis winiyan ba-en bolo aha bwe, ma ahi saselesen aha lau badu leheleh. Arile, Kindrei mene ndraleheyani ndrame tek, ta jo badeh, saloh ari ndramak ndra-in ta mada Kindrei.

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

La-ukei ta Pol atorou ili tiri lau badu kon Rom 3:22

San i buku doh: Buku are mwan o badih iy atehei budon tan handru in ta Jises Krais, Kindrei kameh aloh iy ndramak mwasin. Kindrei bamekes san rasan tiri Juwis, ya san rasan tiri lau badu leheleh ja, bwe. Iy bwidi san rasan le kabwe.

Aposel 11:12

Eme Malawin Ndrabun tiye tek badeh, ta jo sandrondro ta i hawe oro. Eme nadu tine oro ma onoh dah ame hawek ale, aso ala asiu ta ndramak doh.

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

Aposel 10:34

Ano Pita asehek anya, “Kabwai, na dah jo ndranyolom handru ta Kindrei badeh, baseken ndramak rayah le bwe.

1 Korin 7:18

I buku iri ndrasani ku-im bwena ta len mene Kindrei aloh ou, ou sanone ta tone. I buku iri basani ku-im bwe le, ou sandremenya ta asan.

La-ukei ta Pol atorou ili tiri lau badu kon Rom 9:24

Ma taha dah ale, taha lau mene iy aloh taha a buku kun ta akohok tikisiy tan. Taha rayah badu bolo iri Juwis ma rayah badu bolo iri lau badu leheleh.

La-ukei ta Pol atorou ili tiri lau badu kon Rom 3:9

Sendrehendreh ta aliy taha kasehek ki buku sah bah? Sebwe taha lau badu Juwis badeh, are mwasin labai ja tiri lau mwan ma badih rayah ja nadeh? Bwe handru en! Tasah, taha mene ndrasehek, iri Juwis hawe iri lau badu leheleh mari badeh, ado bahandra tondrok ta kandriyen ndra-in mari.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 10:15

Eme Kindrei aloh san rasan ja anya, “Ou badeh, saloh anya iri lakou, Kindrei sikinei ko-ak ndra-au, ya ou saloh ko-ak udu aliy ja ai, ndri-iy.”