Aposel 15:8 - Nyindrou

⁸ Eme ya Kindrei badeh, tanan ndrine iri ma leheyani iy aseken iri i san ta iy atehei Malawin Ndrabun i tiri, i buku none iy amekes eme tato mene.

Aposel 15:8 Referans Kwoze

Aposel 1:24

Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”

Aposel 10:47

“Are lau handru winiyan tawi oro lau doh, ta salomwa oro na gwa? Oro badeh, ndrakohok Malawin Ndrabun i le buku aso mene.”

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

Hiburu 4:13

Iri lakou marakon Kindrei mesekei, ari winiyan bamai ta madan bwe. Iri lakou marakon ere le lewan, ma udu kon lewan labai ta madan. Ma iy le ari kameh winiyan anyolom iri kandriyen taha amekes, ma taha kanyowonya marakon ki tan.

Aposel 14:3

Eme Pol uru Banabas are gwek luluwen sese, asehek sahou boto-on ta Laban. Eme Laban leheya sahou ta tikisiy tan, uru asehek i handru i san ta iy edeu boto-on i turu ta amekes kalem ma lahou tinan.

Aposel 2:4

Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Tarou ta Jon 21:17

Ili san tulusin ai, Jises asehek sahou le nane ili tan ja, “Saimon, nadu Jon, ou kede-eh aso-ok jo handru?” Eme bwidi Pita tikisiy, tasah Jises badeh, ndremenya iy san tulusin ai, ta sahou randra le doh, “Ou kede-eh aso-ok jo handru deh?” Eme iy asehek i tan, “Laban, ou tanam lakou marakon; ou ale ndratanam jo, jo badeh, aso-ok ou labai!” Jises eme asehek sahou ili tan ja, “Mwasin, ou atondrok iri sipsip tek.

Tarou ta Jon 5:37

Tama le amwenen atehei jo eme. Iy ndratiye taha ta nyala tekedek tek. Aha banuhun se bohon ma aha batou se badan bwe.

Aposel 15:28

Ya, budon ta Malawin Ndrabun hawe budon taso i le se, ta aso satu aha sala bolo iri batanau mari tiri Juwis. Mwasin ta aha a-en hamon ta iri batanau le doh: