Aposel 15:7 - Nyindrou

⁷ Eme hamon ta oro andres luluwen badeh, Pita eme ales ere loken tiye anya, “Ado nadu tine, ado badeh, mene ndratanan ta jo dah mene ndra mwena ndra-au, Kindrei lebelei jo udu bolo ado eme len ta atiye sahou mwasin i tiri lau badu leheleh ta iri kanuhun ma katehei budon handru ki ta Kindrei.

Aposel 15:7 Referans Kwoze

Aposel 15:2

Sahou doh le badeh, mesekei Pol uru Banabas andres boto-on boto-on ma hawe asehek sahou nyarahan labai i toro. Ya eme iri lebelei Pol uru Banabas ma hawe lau rayah ta budon handru ala hawe uru, ya oro ala Jerusalem, ala atou oro lau ta a-en hamon ta Jises, hawe iri batun tiri lau ta budon handru, ta lelen iri ta tanan doh.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Aposel 10:20

Ou suri ou, ya ou au ala andri. Ou sanoh ta ala andri hawe oro. Oro badeh, jo suni oro.”

Pilipai 2:14

Sasah ado amekes, ado sanunu-uh ta aliy ma ado sandres ta aliy.

Aposel 15:39

Eme uru andres ili, ma uru aseker. Eme Banabas kuhi Mak i hawen ma uru alakak au ala Saipres.

Aposel 13:2

Ya eme oro atudun Laban hawe abeles oro ta nyamon ili badeh, ma Malawin Ndrabun anya, “Ado katehei Banabas uru Sol badeh, kare len ta amekes lahou tek mene jo aloh uru kamekes.”

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

Aposel 4:25

Ou mene asehek sahou na Malawin Ndrabun edek boho lohowam, tubu ahi Debit anya: ‘I buku sah iri lau badu leheleh abolosen le gwek? Ya i buku sah iri lau atilik budon labwe?

Aposel 3:18

Arile, sahou mene Kindrei atehei i kani iri propet mari asehek badeh, i buku doh: Krais kameh bwese isi. Ma na kandriyen aha amekes i tan, Kindrei bwidi sahou tiri propet tan i handru.

Aposel 1:24

Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”

Aposel 1:16

ma iy tiye anya, “Ado nadu tine mwan ma badih, sahou ta Kindrei mwena mene Malawin Ndrabun mene ndratiye udu boho Debit tiye nyala Judas mene udu bwena tiri eme ateu Jises badeh, ndrasahan handru.

Tarou ta Jon 15:16

“Ado basolo-ei jo bwe, jo le amwenen andrei ado, ma jo atehei ado ala ta ato-ou buwa kei solo-an, ma sali iri kameh kudu luluwen. Eme ma buku aha asolom i ta tama, ma aha ndremenya iy in ta nyarak ta saba lakou aha aso-ok, tama winiyan atehei ewek taha.

Tarou ta Jon 3:27

Jon anuhun, eme iy asehek i toro, “Ndramak winiyan ateu lahou, buku Kindrei badu kandrah amwenen edeu.

Aposel 10:19

Pita lomondra ta lele kahis le badeh, Malawin Ndrabun tiye i tan anya, “Saimon ei, lau taloh takaleh ou.

Aposel 15:14

Saimon mene ndrasehek ndraleu ndrame ta taha, ta ma mwena Kindrei leheya tikisiy tan i tiri lau badu leheleh. Ma iy le kuhi oro lau badu bolo iri eme len, ma asahan lau tan amwenen.

Aposel 21:16

ma oro lau rayah ta Jises badu Sesariya adek hawe aso ale. Oro tiyani aso ala asos asiu ta ndramak ari badu busu Saipres nyaran Nason. Iy ndreh doh mene in hamon ta Jises ndra bwena labai. Eme ma aso ado asiu tan.