Aposel 15:6 - Nyindrou

⁶ Eme iri aposel hawe iri batun tiri lau ta Kindrei atukum ase badeh, anyolom bolo budon nane doh.

Aposel 15:6 Referans Kwoze

Hiburu 13:17

Aha kanuhun boho iri lau ta Kindrei nane a-en bwena taha, aha ka-en hamon ta saba lakou iri aso-ok aha kamekes. Tasah, iri atondrok aha, ano iri kameh asehek ili ta Kindrei ta tondrok tiri i buku sah. Eme ma aha kanuhun sahou tiri. Buku aha amekes i buku doh, iri kameh winiyan sekesek ta ateu gok tiri, ma iri winiyan batona maha-an ta aliy bwe. Ya, buku iri basekesek ta atondrok aha bwe, idoh kameh winiyan basebenei aha bamwenen bwe.

Hiburu 13:7

Aha samani iri lau ta Kindrei nane a-en mwena taha, iri mene leheya aha ta sahou ta Kindrei. Aha kabudon saba kandriyen asahan ta manyah ma tekedek tiri, ma aha katehei budon taha ki buku le iri.

Aposel 15:25

Ya eme aso badeh, ndra le se ja, ma aso ndralebelei oro nadu tine aso rayah, ma ndrasuni oro ndrawek hawe nadu tine aso, Banabas uru Pol.

Aposel 21:18

Na len ari ja badeh, Pol hawe aso mari ala anyolom Jemis; ma oro lau ta Jises rayah tinan are aliy ale.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

Aposel 6:2

Eme oro aposel ma ronoh la-uh ame luhi iri lau ta Kindrei ame, ma tiye i toro i buku doh, “Aha kanuhun, gok ta apou nyamon ma luk ili tiri mwan ma badih badeh, sokei gok taso, ma idoh badeh, bamwenen bwe. Gok taso handru badeh, ta atiye sahou ta Kindrei le kabwe.

Metiu 18:20

Ya, buku none lau la-uh deh lau taloh ame atukum ta nyarak, mwasin, jo amwenen kameh ereu ndrokowa oro.”

Aposel 11:30

Oro amekes budon doh ano badeh, oro atehei luk i mine Banabas uru Sol, ma uru tiyani ili tiri lau ta Kindrei nane ado Jerusalem.

Aposel 15:2

Sahou doh le badeh, mesekei Pol uru Banabas andres boto-on boto-on ma hawe asehek sahou nyarahan labai i toro. Ya eme iri lebelei Pol uru Banabas ma hawe lau rayah ta budon handru ala hawe uru, ya oro ala Jerusalem, ala atou oro lau ta a-en hamon ta Jises, hawe iri batun tiri lau ta budon handru, ta lelen iri ta tanan doh.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Aposel 16:4

Ya eme oro adek ala bolo kon tinan rakon ala rakon badeh, tiye tanan i tiri lau ta budon handru ta batanau oro aposel hawe oro batun tiri lau ta Kindrei ndrasehek ta aliy, udu Jerusalem nyala iri lau, ma iri ka-en hamon ta aliy.