Aposel 15:25 - Nyindrou

²⁵ Ya eme aso badeh, ndra le se ja, ma aso ndralebelei oro nadu tine aso rayah, ma ndrasuni oro ndrawek hawe nadu tine aso, Banabas uru Pol.

Aposel 15:25 Referans Kwoze

2 Pita 3:15

Ado badeh, samani Laban, iy badeh, babotatahan bwe, iy udu le abe-en taha lau marakon. Iy abe-en taha lau mari, tasah iy anya kasebenei iri lau are bolo kandriyen ndra-in ta karei ma lomondra ndra-in tiri. I buku none ado ndranuhun nadu tine to Pol mene atorou i tado na tanan ta Kindrei edeu i tan.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Aposel 15:2

Sahou doh le badeh, mesekei Pol uru Banabas andres boto-on boto-on ma hawe asehek sahou nyarahan labai i toro. Ya eme iri lebelei Pol uru Banabas ma hawe lau rayah ta budon handru ala hawe uru, ya oro ala Jerusalem, ala atou oro lau ta a-en hamon ta Jises, hawe iri batun tiri lau ta budon handru, ta lelen iri ta tanan doh.

Aposel 1:14

Oro mari atukum ame se ya oro atehei budon toro i randra le i ta salom. Ma hawe oro badih rayah hawe Mariya tine Jises hawe nadu tine Jises ale udu hawe oro.

Tarou ta Luk 1:3

Ou le ai, Tiyopilus, i buku jo mene ndratakalahei lakou mari doh, ndramwenen udu ndra bada katin eme. Eme jo abudon mwasin handru ta jo katorou sarada lakou mari doh, ki tam.

Pilemon 1:16

Arile, nadah kameh iy winiyan bado hawem ma asahan buku bonyo-ou ja bwai. Iy badeh, ndrasakalawi kandriyen doh. Ya, jo abudon iy nadu tinek handru, jo ma hawe ndrinek aso-ok iy tinan labai. Ya, ou winiyan abudon iy i buku bonyo-ou tam ma nadu tinem i san ta Laban ale, ma ndrinem mara-ei kaso-ok iy labai, i buku le jo mene aso-ok iy handru.

Kolosi 4:9

Jo suni Onesimus ewek hawe Tikikus ale. Onesimus badeh, nadu tine taha ari in hamon le ta sahou handru ta Kindrei, iy badeh, badu hawe aha amwenen. Uru kameh asehek nyala aha, ta iri lakou marakon mene asahan dah.

Kolosi 4:7

Tikikus kameh barasehek taha, tiri gok marakon jo amekes. Tikikus badeh, ibo gok i buku le jo, iy nadu tine taha handru, ma iy ndramak ari mwasin handru ta amekes lahou ta Laban.

Epesus 6:21

Tikikus kameh barasehek nyala aha ta iri gok marakon jo amekes. Tikikus badeh, iy nadu tine taha ari handru, ma iy ndramak ari mwasin ta amekes lahou ta Laban. Jo badeh, aso-ok iy labai.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

1 Korin 1:10

Na boto-on le ta Laban Jises Krais tataha, jo anya kasehek taha nadu tine mwan ma badih i san ta nyara Jises Krais. Jo anya kabatanau aha ki buku doh: Sohowa aha marakon badeh, ki le randra, idah kameh ari ndra-i winiya bado ndrokowa aha bwe. Aha sapou aha. Budon ma tanan taha badeh, ki le randra ta iri lakou marakon aha abudon ma asehek.

La-ukei ta Pol atorou ili tiri lau badu kon Rom 16:12

Sekesek tek ki turu badih doh, Traipena hawe Traiposa. Uru badih doh amekes lahou mwasin handru ma amekes lahou boto-on boto-on ta Laban. Ma hawe sahou sekesek tek ki ta borobwar tek Persis. Iy badeh, badih ari ja amekes lahou solo-an solo-an ta Laban.

Aposel 15:35

Arile, Pol uru Banabas ado Antiyok ado gwek, ya uru ma hawe iri lau solo-an leheya iri, ma atiye sahou ta Laban.

Aposel 15:6

Eme iri aposel hawe iri batun tiri lau ta Kindrei atukum ase badeh, anyolom bolo budon nane doh.

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Aposel 2:1

Eme len ta Pentikos asahan badeh, oro mari atukum ame kon rasi le.

Metiu 11:26

Ehe, idoh asahan na seken tam le.”