Aposel 15:24 - Nyindrou

²⁴ “Aso ndranuhun lau rayah badu hawe aso ndrawek bolo aha. Aso badeu ari budon bala toro bwe, arile oro ndrawek ndrabwidi budon taha ndrandra-i na sahou oro asehek.

Aposel 15:24 Referans Kwoze

Galesiya 5:12

Ya, i buku none iri rayah kandres labai ta kasan ku-i iri, jo anya, mwasin labai ta oro doh, kasani ku-i oro mari ki-iu!

Galesiya 5:10

Arile, taha badeh, ahas hawe Krais, eme budon tek ndrabadok ndrala ta Laban, ta aha winiyan bakohok budon ari ja bwe. Eme ma, are lau oro wendreya aha kameh bwese maha-an ta aliy.

Aposel 15:1

Oro lau rayah ado Judiya badeh, ame andri kon Antiyok, ma eme oro leheya iri lau ta budon handru anya, “Ado badeh, winiyan bado mwasin bwe, i buku none ado basan ku-i ado bwe. Idoh badeh, in hamon ta batanau ta Moses tiye.”

Galesiya 1:7

Ya, kandriyen ha-un nane badeh, mwasin handru bwe. Kandriyen ari le doh badeh, mwasin mara-ei. Idoh badeh, kandriyen ta Krais. Iri lau nane ndrasahan hawe aha badeh, iri anya katobolowe kandriyen ta Krais kasahan randrah ja. Ma iri ale anya kabolowa budon ma manyah taha sasahan samwenen.

1 Jon 2:19

Bwena iri lau doh badu hawe taha, ya idah iri ndraruwani taha. Idoh ndraleheyaniy, iri lau doh badu hawe taha bwe. Ki buku none iri lau tataha handru eh, iri kameh winiyan baruwani taha bwe. Arile, iri ndraruwani taha, ya aha ndratanan, iri lau doh badeh, badu hawe taha bwe.

2 Timoti 2:14

Len marakon, ou aliu budon tiri lau ta leheya sahou dah, jo mene edeu ndrawek tam. Ma ou asehek boto-on kili tiri ta mada Kindrei ki buku doh: Iri satebelese sala ta sahou batanau. Kandriyen ta sahou tebelese doh kameh winiyan baseben ari ndramak ta in hamon ta Kindrei bwe. Kandriyen doh, ta sokolowa budon tiri lau le ta anuhun sahou solo-an doh.

Galesiya 5:4

Buku aha anya ka-en hamon ta batanau malen, ya, na san doh aha abudon Kindrei winiyan aloh aha mwasin mara-ei ta madan, aha ndrandra-i kede-eh! Aha winiyan bwe! Arile, ta kandriyen doh badeh, aha ndratehei kona aha badeh, ndrala ta tikisiy ta Kindrei, ma ta kandriyen ta Jises Krais mene imek udu ta kei tondreh, ta aseben taha mwan ma badih marakon.