Aposel 15:23 - Nyindrou

²³ Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Aposel 15:23 Referans Kwoze

Aposel 23:26

“Peliks, jo Klodiyas Lisiyas, jo atorou la-ukei ramen dah ewek tam. Ou ndramak tinan labai, ou atondrok kon mara-ei udu loboho badeh. Bada-an tam mwasin ai.

Jemis 1:1

Jo Jemis, jo ndramak ta lahou ta Kindrei hawe Laban Jises Krais. Jo atorou la-ukei dah ma edeu sekesek tek ewek taha mwan ma badih mari badu boho kamen ma ronoh la-uh badu Isra-el aseker areu bolo kon munyak mara-ei nane dah.

Galesiya 1:21

Ano jo udu Jerusalem iu ili loboho munyak tinan Siriya hawe Silisiya.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

3 Jon 1:14

Ndra mirihik ta jo kameh ewek atou ou, ma talu barasehek nyala aliy. Tikisiy hawe mondrei ta Kindrei udu hawem. Oro kawas tato badu dah badeh, suni sekesek toro ewek tam. Ou tiye sekesek tek, kili toro kawas tato mari are badeh.

2 Jon 1:13

Nadu tinem badih nane Kindrei ndratehei kalem ndrala tan, hawe nadun oro badeh, anya bada-an toro mwasin ewek tam.

2 Jon 1:10

Buku ari ndramak eme hawe aha, ya iy basehek sahou mwasin, bala buku Jises asehek bwe, ado badeh, sasumon iy, ma sakohok iy sawek asiu hawe ado.

2 Jon 1:3

Tikisiy ma hawe mondrei ta tama taha Kindrei uru Jises Krais, tama nah, kameh udu hawe taha, udu bolo sahou handru ma aso-ok.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

Aposel 15:1

Oro lau rayah ado Judiya badeh, ame andri kon Antiyok, ma eme oro leheya iri lau ta budon handru anya, “Ado badeh, winiyan bado mwasin bwe, i buku none ado basan ku-i ado bwe. Idoh badeh, in hamon ta batanau ta Moses tiye.”

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 21:25

Ahi ndratorowenei la-ukei ramen, ma ndratiyaniy ndrala tiri lau ta Kindrei badu leheleh, ma ahi tiye tiri i buku doh, ‘Aha saimon nyamon ala ndrala ta salom tiri kindrei nane iri asehek na sukumada kei. Ma aha saimon oda iri katin haka ndra udu ta aliy, ma hawe sa-un ndraye iri. Ma aha samekes kandriyen ndra-in ta karei.’ ”

Aposel 21:3

Ahi alakak au ala bolo ndras laleyah, eme ma ahi anyolom busu Saipres udu loboho mine ahi kamweu. Eme ahi alakak ala, ala winiya le ahi asahan kon munyak tinan Siriya. Ma ndron doh ili Tair ta akeh sanuw ale.

Aposel 18:18

Eme Pol udu Korin udu gwek luwen sese. Ano iy ruwani nadu tinen oro ado gwek, ya iy ili kon Senkriya anya kalakak kala Siriya, ma Prisila uru Akwila a hawen ale. Iy ba-au bwe le badeh, iy udu Senkriya asiki batun iu tasah tandrakan tan mene ndrano.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Aposel 6:9

Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.

Aposel 11:20

Arile, oro lau rayah badeh, badu Sairini hawe badu Saipres ala Antiyok atiye sahou i tiri lau badu Grik ale ta nyala sahou mwasin nyala Laban Jises Krais.

Aposel 15:2

Sahou doh le badeh, mesekei Pol uru Banabas andres boto-on boto-on ma hawe asehek sahou nyarahan labai i toro. Ya eme iri lebelei Pol uru Banabas ma hawe lau rayah ta budon handru ala hawe uru, ya oro ala Jerusalem, ala atou oro lau ta a-en hamon ta Jises, hawe iri batun tiri lau ta budon handru, ta lelen iri ta tanan doh.