Aposel 15:10 - Nyindrou

¹⁰ Eme ya, i buku sah ado anya kanone Kindrei ma anya kadeu maha-an ki la-u iri lau ta budon handru? Idoh badeh, iri tubu taha hawe to winiyan babwese-ei bwe ale.

Aposel 15:10 Referans Kwoze

Galesiya 5:1

Taha ado mwasin na dah, tasah Krais kuhi taha, ado bahandra batanau malen ame len. Eme ya aha badeh, kabadok aha, ta aha sala bonyo-ou sala baha maha-an ta batanau malen ja.

Metiu 23:4

I buku le oro atisih lau na kandriyen malen solo-an labai ta iri ka-en hamon ta aliy, arile oro winiyan batehei mine oro ta aseben bwe.

Galesiya 4:9

Arile, na dah, aha ndratana aha Kindrei handru. O, sebwe jo katiye taha ki buku doh: Kindrei ndratanan aha. Ya, i buku sah ja, aha anya kala hamon ja kala hawe iri malawin ndra-in ja? Iri nyamu iri bwe, ma iri winiyan bala ari lakou handru bwe. I buku sah, aha anya kala bonyo-ou tiri ja?

Hiburu 9:9

Lakou mene asahan bolo asiu ndrok ndrabun ndrabun labai, idoh leheya sahou sokek, na idah eme tataha. Udu bolo asiu ta Kindrei doh, iri pris adeu iri ndramas solo-an ili ta Kindrei, ma iri ale adeu salom solo-an ili tan. Arile, iri lakou doh winiyan babwidi ndrine iri o budon tiri lau ta atudun Kindrei bwe. Eme ma iri winiyan baruwani maha-an mene iri atona ta iri kandriyen ndra-in iri amekes bwena bwe.

Hiburu 3:9

Iri ndranyolom boto-on handru ta gok marakon jo amekes udu bolo jaha ma hanoh, arile iri tunuhun ma none jo ja.

Metiu 4:7

Jises tiye i buku doh i tan, “Ndratorowenei ale, ‘Ou satehei Laban Kindrei tam sala ta bolo none.’ ” Dutoronomi 6:16

Aposel 5:9

Eme Pita tiye anya, “I buku sah ah udum anya kanone boto-on ta Malawin Ndrabun ta Laban? Ou ndranuhun! Iri lau ta bwese udum ma a-eh iy asah barame ado madasan kada-ah. Ya iri kameh bwese ou a manan ale.”