Aposel 14:8 - Nyindrou

⁸ Eme udu Listra badeh, ndramak ari tinen atehei iy eme len badeh, katin imek. Iy badeh, badek bwe ma iy manyah udu le andri.

Aposel 14:8 Referans Kwoze

Aposel 3:2

Eme ndramak ari badan imek kabatana tinen atehei iy eme len. Eme iri bwese-ei iy ili madasan tinan ta i asiu tinan ta Kindrei aloh, “Madasan Mwasin.” Eme iy udu aliy na len mari badeh, anyolou lakou tiri lau adek ala ame ala bolo asiu tinan ta Kindrei.

Aposel 4:9

I buku none ado kandremenya aso na dah, ta lahou mwasin aso amekes i ta ndramak badan imek ma kalelen iy kamwenen i buku sah,

Tarou ta Jon 5:7

Ndramak nane ibo sik dah asehek i buku doh, “Ndramak tinan, ari ndramak bado kada-ah ta aseben ta sariye jo ili bolo gwa, buku gwa tuburok. Jo none ta ili bolo gwa, arile ndramak ari ndrasandroh ndrala bwena.”

Aposel 14:6

Arile, uru takalahei tanan tiri doh, ma eme uru atobwak au ala kon tinan Listra hawe Debi, udu kon tinan Likoniya, ma hawe uru ala loboho kon munyak doh ale.

Aposel 14:21

Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

2 Timoti 3:11

Ou ndratanam ale ta iri kandriyen iri lau amekes eme tek, ma ta iri sisi-in ndra-in handru jo akohok udu kon Antiyok, Aikoniyam ma Listra. Ou ndratanam iri maha-an solo-an iri adeu eme bwele-ek, arile jo bwese-ei. Laban ndratalawei maha-an marakon udu bwele-ek doh ndra-au ndrala len, ma jo udu mwasin ja.