Aposel 14:23 - Nyindrou

²³ Ano Pol uru Banabas atehei lau mwasin kasahan batun ta atondrok iri lau ta Kindrei badu kon rakon rakon. Eme iri abeles iri ta aimon nyamon, ma amekes salom i toro ma atehei oro a mine Laban ta lahou iri atehei i kani oro ta amekes.

Aposel 14:23 Referans Kwoze

Taitus 1:5

Katin ta jo anya, ou ado busu Krit ado gwek sese badeh, ta ou badeh mesekei lahou doh kano, ma kabadok, ta aliu budon toro kamwenen ja. Eme ya ou leheya iri lau rayah badeh, ma ou adeu iri kasahan batun ta atondrok iri lau ta Kindrei badu kon ari ari. I buku none jo mene ndrasehek tam ndra-au.

Aposel 11:30

Oro amekes budon doh ano badeh, oro atehei luk i mine Banabas uru Sol, ma uru tiyani ili tiri lau ta Kindrei nane ado Jerusalem.

Jemis 5:14

Buku ari tado ibo sik, mwasin ta iy kaluhi oro lau an bwena ta lau ta Kindrei kame hawen. Ya, ta nyara Laban, oro kasolou ndrelekei ki badan, ma oro kasolom ki ta Kindrei, kamesekei ndramak nane kasahan kamwenen ja.

2 Timoti 2:2

Ya, iri sahou marakon ou ndranuhun jo ndrasehek udu bolo iri lau, idoh ou andrei, ma ou asehek kili tiri lau rayah ja, iri katondrok kamwenen, ma iri winiyan leheya iri lau rayah ja ale.

Aposel 20:32

“Ya eme ta sendrehendreh ta aliy, na dah jo edeu ado ala baha tondrok ta Kindrei, ma jo aseken ado abudon sahou ta nyala tikisiy tan. Ya sahou doh kameh winiyan mesekei ado abadok, ma winiyan amekes kandriyen tado ki mwasin winiya ado akohok manyah mwasin, Kindrei ndralebelei ndra ta lau tan.

1 Timoti 5:22

Ou badeh, sabotatahan ta adeu boto-on sala la-u are lau anya kateu lahou ta Laban ndri-iy. Ma ou sala bolo iri samekes lomondra ndra-in ma karei iri lau amekes. Ou atondrok ou amwenen.

Aposel 20:17

Eme Pol udu Miletus badeh, suni sahou i tiri batun tiri lau ta budon handru in ta Kindrei badu Epesus kame katou iy.

3 Jon 1:1

Jo Jon, jo udu bwena, ta atondrok lau ta Kindrei. Gayus, jo atorou la-ukei dah ewek tam. Ou nadu tinek handru. Jo aseken ou.

2 Jon 1:1

Jo Jon, jo udu bwena ta lau ta Kindrei, jo atorou la-ukei dah, ewek ta ou badih nane Kindrei ndratehei kalem ndrawek tam, ma hawe nadum oro. Jo badeh, aso-ok ado labai! Jo le bwe, arile, hawe iri lau solo-an labai tana iri sahou handru.

1 Pita 5:1

Sahou tek dah badeh, ewek taha lau an bwena tiri lau ta Kindrei. Jo ale badeh, lau ta in bwena ta lau ta Kindrei ale. Ya, na madak amwenen jo atou Krais bwese-ei maha-an tinan labai. Taha mari kameh akohok lakou lomadan mwasin labai, Kindrei kameh edeu eme tataha, na len Krais kameh eme hamon ja. Eme ma, jo anya kasehek sahou boto-on kewek taha lau an bwena tiri lau ta Kindrei buku doh:

1 Timoti 5:1

Ou sabolosen sala tiri lau ndra alon, ndri-iy. Arile, ou atamas iri badeh, ki buku tamam amwenen. Ou atamas iri lau loweu badeh, ki buku none nadu tinem oro handru,

Aposel 15:6

Eme iri aposel hawe iri batun tiri lau ta Kindrei atukum ase badeh, anyolom bolo budon nane doh.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

1 Pita 5:10

Kindrei badeh, kati iri kandriyen mwasin mari, iy amekes ewek taha. Iy ndraluhi aha ndrame hawe Krais, ta akohok lomadan, ma nyosowan mwasin ta ere le buku doh. Eme ma, mwasin ta aha kakohok maha-an ma sisi-in sese le, hamon kameh Kindrei mesekei aha asahan amwenen ja, na malawi aha. Ma iy kameh mesekei budon taha kameh asahan i tan, ma aha kameh akohok boto-on ta sakalawi iri maha-an ma sisi-in nane aha akohok.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Aposel 14:26

Ano udu kon Ataliya badeh, uru alakak ala hamon ala Antiyok. Kon tinan doh mene iri lau ta Kindrei suni uru ala a len, ta amekes lahou mene i kani uru i san ta tikisiy ta Kindrei. Uru ndramesekei lahou turu ndrano, ma uru ame hamon ame Antiyok ja.

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

Tarou ta Luk 23:46

Eme Jises aloh bohon i loke, anya, “Tama! Jo atehei kohak handru ewek minem.” Iy tiye sahou doh ano le badeh, kohan ano ma iy imek.

Tarou ta Mak 3:14

Eme iy andrei oro lau ma ronoh la-uh dah, eme ma Jises tondrohani nyara oro i aposel, lau badu hawen ma iy kameh tiye oro au a len atiye sahou.

Tarou ta Luk 2:37

Ya ben len, ben len, iy abeles iy ta nyamon, ma iy baruwani ta ili asiu tinan ta Kindrei ta amekes solom, ma ta atudun Kindrei, bwe.

Aposel 1:24

Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”

2 Korin 8:19

Idoh handru, arile sahou solo-an kahis. Iri mwan ma badih ta Kindrei kada-ah, atehei iy ta edek hawe ahi, ma aseben ahi ta amekes gok ta atukum luk ta salom. Ahi amekes gok dah ta atudun nyara Laban, ma ta leheya iri mwan ma badih ta Kindrei, budon tahi badeh, tinan labai ta aseben iri.