Aposel 14:21 - Nyindrou

²¹ Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Aposel 14:21 Referans Kwoze

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 13:51

Eme uru atoroh kasu ndren ta bada kati uru iu ta leheya budon turu i tiri, ma uru ruwani Antiyok ma au ala Ikoniyum.

2 Timoti 3:11

Ou ndratanam ale ta iri kandriyen iri lau amekes eme tek, ma ta iri sisi-in ndra-in handru jo akohok udu kon Antiyok, Aikoniyam ma Listra. Ou ndratanam iri maha-an solo-an iri adeu eme bwele-ek, arile jo bwese-ei. Laban ndratalawei maha-an marakon udu bwele-ek doh ndra-au ndrala len, ma jo udu mwasin ja.

Aposel 14:6

Arile, uru takalahei tanan tiri doh, ma eme uru atobwak au ala kon tinan Listra hawe Debi, udu kon tinan Likoniya, ma hawe uru ala loboho kon munyak doh ale.

Aposel 13:14

Ano Banabas uru Sol ado Pega ala Antiyok, kon udu loboho Pisidiya. Eme na len ta amunyau, uru ala ndrahu atukum tiri Juwis, ma uru manyah ado aliy.

Metiu 28:19

Ado kala kon mari, ya kamesekei iri lau mari kasahan lau tek, ado kalomwa iri na nyara tama, ma nadun ma hawe Malawi Ndrabun.

Aposel 16:2

Iri lau ta Kindrei badu Listra ma Ikoniyum mara-ei badeh, masiye Timoti.

Aposel 15:36

Ano udu sese, Pol tiye i ta Banabas i buku doh, “Talu ka-au kala hamon kaselesen nadu tine talu iri mene udu bolo kon tinan mari mene ta atiye sahou ta Laban ili aliy, ta kala kanyolom iri ado mwasin deh bwe.”

Aposel 14:8

Eme udu Listra badeh, ndramak ari tinen atehei iy eme len badeh, katin imek. Iy badeh, badek bwe ma iy manyah udu le andri.

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 14:7

Eme uru atiye sahou mwasin ta nyala Kindrei ili tiri mwan ma badih udu loboho idoh.

Aposel 14:15

“Ado lau, ado anya kamekes lakou badeh, ta sasah? Aru dah badeh, ndramak laleyah i buku le ado badeh. Aru dah badeh, atiye nyala ado ta sahou mwasin ta ado badeh, katubuni ndrine ado ta lakou ndra-in laleyah i buku badeh, ki ta Kindrei kohan handru udu aliy. Iy le adeh mesekei munyak ma kandrah, ndras ma hawe lakou mari udu bolon.

Aposel 14:26

Ano udu kon Ataliya badeh, uru alakak ala hamon ala Antiyok. Kon tinan doh mene iri lau ta Kindrei suni uru ala a len, ta amekes lahou mene i kani uru i san ta tikisiy ta Kindrei. Uru ndramesekei lahou turu ndrano, ma uru ame hamon ame Antiyok ja.