Aposel 14:15 - Nyindrou

¹⁵ “Ado lau, ado anya kamekes lakou badeh, ta sasah? Aru dah badeh, ndramak laleyah i buku le ado badeh. Aru dah badeh, atiye nyala ado ta sahou mwasin ta ado badeh, katubuni ndrine ado ta lakou ndra-in laleyah i buku badeh, ki ta Kindrei kohan handru udu aliy. Iy le adeh mesekei munyak ma kandrah, ndras ma hawe lakou mari udu bolon.

Aposel 14:15 Referans Kwoze

Jemis 5:17

Alaija badeh, i buku le taha dah. Iy asolom boto-on labai, ta Kindrei satehei ur same andri, eme ma ur bame andri bwele-e munyak bwe, winiya jaha taloh hawe bun onoh.

1 Korin 8:4

Ya buku sah handru? Idoh mwasin ta taha winiya aimon iri nyamon ale nane iri lau adeu ili niri kindrei ta wasai, deh bwe? Taha ndratanan ndra bwena. Kindrei ale iri amekes na sukumada kei udu bolo kon munyak dah, ari koha iri bwe, sukumada kei laleyah. Kindrei solo-an bwe, Kindrei le ari kabwe.

Aposel 10:26

Arile, Pita tiye iy ere loken ma tiye anya, “Jo dah badeh, ndramak laleyah labai.”

Rebelesen 14:7

Iy badeh, aloh boto-on labai i buku doh, “Len badeh, ndrasahan ta Kindrei aleben iri mwan ma badih mara-ei are ta mada sahou. Eme ma aha kanoh iy, ma aha katudun nyaran. Aha mara-ei badeh, katehei bwili ndru-u aha kili andri ki ta Kindrei, iy le badeh, bwidi kandrah ma munyak, hawe ndras ma mana munu iri gwa mara-ei.”

Jenesis 1:1

Ma mwena handru badeh Kindrei mwesekei munyak ma kandrah.

1 Tesalonaika 1:9

Tasah, iri mwan ma badih badu bolo kon rakon rakon le badeh, asehek amwenen eme taso, ta nyala lakou marakon asahan udu kala aso mene are hawe aha. Iri asehek eme taso i buku doh: “Iri Tesalonaika marakon badeh, ndratubuni budon ma kona iri ndrala tiri kindrei ta wasai, ma iri ndratehei ndrine iri ndrala le ta Kindrei handru. Tasah, iri ame asahan lau mwan ma badih ta Kindrei, iy kati kohan handru.

Epesus 4:17

Ta nyara Laban, jo anya kabatanau aha ki buku doh: Aha sa-en hamon ja, ta kandriyen tiri mwan ma badih badu kon munyak, iri tanan Kindrei bwe. Budon tiri badeh, ari katin bwe.

Jona 2:8

“Iri lau badeh atubwa bwilindru-u iri i ta kindrei ta wendreya, iri maniy san mwasin ta an hamon tam.

Aposel 4:24

Eme oro anuhun badeh, oro asore boho oro i le se i loken, asolom i ta Kindrei. Eme oro anya, “Laban Kindrei, ou le mesekei kandrah ma munyak hawe ndras ma hawe lakou mari udu bahandran ma udu bwele-en.

Metiu 16:16

Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”

Hiburu 3:12

Aha nadu tine, aha katondrok aha kamwenen, kora-on nadu tine taha ari udu ndrokowa taha, budon ndra-in udu ndrinen, ma iy kamani budon tan mwasin, ma iy katubuni konan kili ta Kindrei, iy le ari kohan handru.

1 Timoti 3:15

Arile, i buku none jo bawek suwi bwe, sahou udu bolo la-ukei dah, winiyan tiye nyala to ta kandriyen ta to kudu mada kindrei udu bolo lau ta Kindrei ki buku sah. To badeh, lau ta Kindrei, ya iy badeh, kohan handru ta udu le buku doh. Tasah, to badeh, tawi sahou handru ta Kindrei i buku to abe-ei i loke i buku bek, udu le buku doh.

Aposel 14:21

Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

Rebelesen 22:9

Arile, iy anya, “Ndri-iy, ou samekes! Jo Kindrei bwe! Jo ale amekes gok i buku le ou, ma hawe nadu tinem oro, iri propet, ma hawe iri lau anuhun sahou badu bolo buk dah ma a-en hamon ta aliy. Aha marakon katudun Kindrei le ari!”

Rebelesen 19:19

Ano ja, jo anyolom nyabwe munyak hawe iri kabin badu kon munyak, ma iri lau tiri mara-ei ta bahun atukum ala le se ta amekes bahun hawe i ndramak nane sakaliye hos hawe iri lau tan ta bahun.

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Aposel 27:25

Ya, aha marakon sanoh! Jo atehei budon tek mara-ei in ta Kindrei, iy kameh winiyan bwidi lakou marakon i buku le iy asehek tek na ben.

Aposel 27:21

Len sabe buruwen badeh, ahi baimon se nyamon bwai. Eme Pol suri iy ales udu bwena tiri lau badu ndron, ma asehek anya, “Buku taha nane ado ndra Krit, aha kanuhun bohok badeh, jor ma bayau dah winiyan basahan tataha bwe, ma ado winiyan bakeh iri sanuw bala ndras bwe.

Aposel 27:10

“Aha lau marakon, aha kanuhun, jo ndratanan buku taha au nadah, taha kameh ndruni len ndra-in labai, ma lakou solo-an kameh iu. Iri sanuw hawe ndron kameh iu. Taha marakon kameh amak ale.”

Aposel 16:30

Ano iy kuhi uru ame manan, ma eme iy lelen uru anya, “Ah ma la-uh, jo kamekes sasah handru ya jo kakohok kohak handru ta udu le buku doh?”

Aposel 14:7

Eme uru atiye sahou mwasin ta nyala Kindrei ili tiri mwan ma badih udu loboho idoh.

Aposel 13:32

“Eme aso asehek nyala sahou mwasin dah ewek taha: Sasah mene Kindrei tandrakan i ta tubu taha iri badeh,

Aposel 7:26

Ano na len rasan ja badeh, Moses eme, iy anyolom uru lau la-uh badu Isra-el ada uru. Eme iy ili anya katalou uru ma tiye sahou i turu i buku doh, ‘Ah anya kada ah ta sasah? Ah badeh, nadu tine ah.’

Tarou ta Jon 5:26

Tama badeh, kati kohan handru udu tan. Iy edeu boto-on ta kati kohan handru ili ta nadun ale.

Jenesis 41:16

Eme Josep tiye, “Jo le, jo winiyan bwe, arile Kindrei le winiyan tiye moson i tam.”

Rebelesen 4:11

“Laban, ou Kindrei tahi. Ou mwasin labai ma ou are loken, loken labai, ta iri mwan ma badih kasekesek ou, ma katudun nyaram, ma kado bahandra boto-on tam le ari. Tasah, ou amekes lakou marakon. Na budon tam le amwenen, ou bwidi iri, eme nadah, iri lakou marakon doh udu kede-eh.”