Aposel 14:1 - Nyindrou

¹ Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 14:1 Referans Kwoze

Aposel 18:4

Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Aposel 13:51

Eme uru atoroh kasu ndren ta bada kati uru iu ta leheya budon turu i tiri, ma uru ruwani Antiyok ma au ala Ikoniyum.

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Aposel 14:21

Uru asehek sahou udu bolo kon tinan doh badeh, ma aluwi iri lau solo-an labai atehei budon tiri handru i ta Kindrei. Ano uru ala hamon ala Listra, ano ala Ikoniyum ma ala Antiyok.

Galesiya 3:28

Eme ma, iri lau badu hawe Krais badeh, iri Juwis, iri lau badu leheleh, iri bonyo-ou ma iri bonyo-ou bwe, ma hawe iri mwan ma iri badih badeh, ari bala randrah, ari bala randrah ja bwe. Iri mara-ei doh badeh, asahan ari buruwen hawe Krais le ari.

La-ukei ta Pol atorou ili tiri lau badu kon Rom 10:12

Tasah, iri Juwis ma hawe iri lau badu leheleh badeh, ari ndrokowa iri aliy bwe. Laban turu ma lubuk badeh, Laban le ari, iy Laban tiri mari. Ma iy edeu nyosowan solo-an mwasin i tiri mari ala aloh nyaran i san ta asolom ma ndremenya iy ta seben.

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

Aposel 19:17

Eme na len iri Juwis ma hawe iri lau badu Grik manyah ado Epesus anuhun badeh, iri anoh. Ma eme nyara Laban Jises badeh, bare andri bwai, nyaran i loke le gwek ai.

Aposel 19:8

Udu bolo bun taloh badeh, Pol ili ndrahu tukum tiri Juwis asehek sahou nyarahan labai, ma andres boto-on ta aliu budon tiri ta nyala bolo tondrok ta Kindrei.

Aposel 18:8

Eme ndramak ta mwena ta atondrok ndrahu tukum tiri Juwis nyaran Krisipus ma lau mari badu asiu tan badeh, atehei budon toro handru i ta Laban; ma hawe iri lau solo-an badu Korin anuhun sahou Pol asehek badeh, ma iri atehei budon tiri handru i ta Laban ma Pol alomwa iri.

Aposel 17:12

Eme iri Juwis solo-an atehei budon tiri handru i ta Kindrei ma hawe iri badih rayah ta mwena badu Grik ma hawe iri mwan solo-an badu Grik ale atehei budon tiri handru.

Aposel 17:4

Eme iri Juwis rayah badeh, atehei budon tiri handru in ta sahou ta Pol uru Sailas; ma hawe iri lau solo-an badu Grik ta atudun Kindrei ma hawe iri badih ta mwena solo-an ale.

Aposel 13:43

Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”

Aposel 11:21

Eme boto-on ta Laban badeh, udu la-u oro, eme lau solo-an badeh, atehei budon tiri handru ma tubuni ndrine iri ja i ta Laban.

Aposel 9:20

Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 21:28

Iri arah ma aloh i buku doh, “Aha lau badu Isra-el, aha kame kaseben aso. Iy lau dah le adeh, leheya lau badu kon mara-ei, iy bobose iri lau tataha, ta kandriyen malen ta Moses, ma asiu tinan ta Kindrei ale. Ya, iy bamekes kandriyen dah le bwe. Iy akohok iri lau badu Grik ale ame bolo asiu tinan ta Kindrei, ma iri bwidi ndrahune Kindrei nane leheya iy amwenen udu aliy, ma bwidi ajah ta madan.”

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Aposel 17:17

Ya eme Pol ili bolo asiu ta atukum andres hawe oro Juwis ma hawe iri lau badu Grik ala atudun Kindrei. Ma hawe udu mada lau mari na len mari udu ndrahu tukum ta lau.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

Aposel 14:2

Arile, oro Juwis rayah batehei budon toro handru bwe badeh, sosokok budon tiri lau badu leheleh andra-i i bada iri lau ta Laban.

Aposel 13:5

Uru ala asos kon Salamis badeh, oro asehek sahou ta nyala Kindrei udu ndrahu tukum tiri Juwis. Ya Jon udu hawe uru, buku ta aseben uru.

Tarou ta Jon 12:20

Oro Grik rayah ado bolo iri nane ala ta salom ta nyamon tinan doh ale.

Tarou ta Jon 7:35

Iri Juwis rayah asehek amunum le ili tiri ari ari i buku doh, “Iy ndramak kede-eh anya iy kameh ili kon rakon doh, kameh taha winiyan basilahei iy bwe. Iy kameh ilih saba kon handru? Kora-on iy ki-iu kili bolo kon tinan tiri Grik, iri lau tataha rayah ado aliy? Kora-on iy kili kaleheya iri nadeh?

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Galesiya 2:3

Ya Taitus badeh, udu hawek na len doh. Iy badu Grik, arile iri lau mene ta Kindrei badu Juwis ado Jerusalem badeh, bandrek iy ta kasan ku-in bwe.

Aposel 19:10

Pol amekes gok doh winiya jaha la-uh buruwen. Eme ma iri mwan ma badih solo-an labai badu loboho kon tinan Esiya doh anuhun sahou mwasin ta Laban, iri badu Juwis, ma iri badu iri kon leheleh ale.

Tarou ta Mak 7:26

Badih dah kandriyen tan badu Grik, arile iy badu Siroponisiya, eme iy lelen Jises katikahei malawin ndra-in udu la-u nadun badih keme len.

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 16:2

Iri lau ta Kindrei badu Listra ma Ikoniyum mara-ei badeh, masiye Timoti.

2 Timoti 3:11

Ou ndratanam ale ta iri kandriyen iri lau amekes eme tek, ma ta iri sisi-in ndra-in handru jo akohok udu kon Antiyok, Aikoniyam ma Listra. Ou ndratanam iri maha-an solo-an iri adeu eme bwele-ek, arile jo bwese-ei. Laban ndratalawei maha-an marakon udu bwele-ek doh ndra-au ndrala len, ma jo udu mwasin ja.