Aposel 13:4 - Nyindrou

⁴ Eme Malawin Ndrabun suni uru lau ma la-uh doh au ala andri ala kon Selusiya, akohok ndron, ma alakak au ala busu Saipres.

Aposel 13:4 Referans Kwoze

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)

Aposel 13:2

Ya eme oro atudun Laban hawe abeles oro ta nyamon ili badeh, ma Malawin Ndrabun anya, “Ado katehei Banabas uru Sol badeh, kare len ta amekes lahou tek mene jo aloh uru kamekes.”

Aposel 11:19

Ya oro lau ta budon handru i ta Kindrei mene aseker ta iri mene adai Stiben badeh, iri rayah aseker ala kon munyak tinan Ponisiya, ma busu Saipres ma kon tinan Antiyok atiye sahou i tiri Juwis le.

Aposel 27:4

Ahi ado Saidon, alakak au a len bolo ndras, kona busu badu Saipres, tasah jor atohou udu no-o ndron tahi.

Aposel 20:23

Jo le badeh, tanan ta Malawin Ndrabun ndrabatanau jo ta i buku jo ili bolo kon tinan mari, idah kameh, maha-an hawe a bolo kou udu aliy abe-en jo.

Aposel 13:3

Ya oro abeles oro ta nyamon ma salom ano, oro adeu lim i la-u uru, ano suni uru ma la-uh au.

Aposel 15:36

Ano udu sese, Pol tiye i ta Banabas i buku doh, “Talu ka-au kala hamon kaselesen nadu tine talu iri mene udu bolo kon tinan mari mene ta atiye sahou ta Laban ili aliy, ta kala kanyolom iri ado mwasin deh bwe.”