Aposel 13:25 - Nyindrou

²⁵ Ya eme suniya lahou ta Jon anya kano badeh, iy anya, ‘Ya, ado anya jo are lau handru? Jo badeh, iy bwe! Arile, are lau iy in hamon tek eme kameh, jo ndramak mwasin bwe, ta talou ku-i katin iu bwe!’

Aposel 13:25 Referans Kwoze

Metiu 3:11

Jo alomwa ado na gwa ta leheya ado badeh, ndratubuni ndrine ado ma ado tikisi kandriyen ndra-in tado. Arile ndramak ari in hamon tek eme kameh, boto-on tan badeh, sakalawi boto-on tek ja. Jo badeh, mwasin handru bwe, ta bwese ku-i katin bwe. Iy kameh inyu ado na boto-on ta Malawin Ndrabun ma aleben ado buku jih.

Tarou ta Mak 1:7

Eme iy tiye i buku doh, “Ndramak ari in hamon tek eme kameh boto-on tan sakalawi boto-on tek ja. Jo badeh, mwasin handru bwe, ta aluh i andri ta talou malou ta molowa ku-i katin bwe.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Rebelesen 11:7

Buku uru bwidi gok ta atiye sahou ta Kindrei mara-ei ano badeh, nyabwe lakou ari kameh udu mada munu lek nane lawe-en labai, ari katin bwe, badeh kameh ruwani lek doh edek eme len. Buku iy eme len badeh, iy kameh amekes bahun hawe uru lau nane, ma iy kameh idi uru ma la-uh amak.

2 Timoti 4:7

Jo badeh, akeh lim mwasin labai, ma jo ndrabwidi nyorei doh badeh, ndrano mara-ei. Jo badeh, tawi budon mara-ei doh ihis labai.

2 Korin 4:5

Ehe, sahou dah handru, tasah ahi badeh, batiye sahou tahi bwe. Ahi atiye sahou i buku doh: Krais Jises, iy badeh, Laban tataha, ma ahi lau ta gok taha, tasah Jises aloh ahi ta amekes iri gok doh.

Aposel 19:4

Eme Pol anya, “Alomwa ta Jon amekes badeh, ta i buku none ou tubuni ndrinem ta kandriyen ndra-in tam. Eme iy tiye i tiri lau badeh, katehei budon tiri handru ki-in ta ndramak ari in kona Jon eme. Iy badeh, Jises.”

Aposel 13:36

“Ya Debit mene amekes lahou ta Kindrei; ano iy imek ma ahi iy udu ka-u tubun oro, ma badan ndrabola ndra-au.

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

Tarou ta Jon 4:34

Jises asehek sahou ili toro lau tan i buku doh, “Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano.

Tarou ta Jon 1:36

Jon anyolom Jises edek eme, ma iy aloh, “Aha kanyolom, iy kede-eh Nadu Sipsip ta Kindrei.”

Tarou ta Jon 1:34

Eme Jon asehek, “Handru, jo ndranyolom, ma jo ndrasehek taha. Iy kede-eh Nadu Kindrei handru.”

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.